ഇപ്പോള് കേറിവാടാ മക്കളെ നയം;യുവാക്കളെ വീഴ്ത്താന് സൈക്കോളജിക്കല് മൂവുമായ് മുഖ്യമന്ത്രി; ഇതൊന്നും ഏല്ക്കില്ല കതിരിന്മേല് വളംവെച്ചിട്ടെന്ത് കാര്യം പിണറായി?
കേരളത്തിന്റെ പച്ചപ്പ് ഹരിതാഭ ഊഷ്മളത ലോകത്ത് വേറെ എവിടെ കിട്ടാനാടാ മക്കളെ. ഇവിടം സ്വര്ഗ്ഗം, ഈ സ്വര്ഗ്ഗം വിട്ട് നരകത്തിലേക്കാണ് നിന്റെയൊക്കെ പോക്ക്. നാടുവിട്ട് പോകുന്ന പിള്ളേരെ പിടിച്ച് നിര്ത്താന് മുഖ്യന്റെ സൈക്കോളജിക്കല് മൂവ്. പഠിക്കാനും ജോലിക്കും പിള്ളേര് വിദേശത്തേക്ക് ഒഴുകുമ്പോള്,മുഖ്യന്റെ രോദനം ഉയരുന്നു. ഇപ്പോള് കേറി വാടാ മക്കളെയെന്ന നയം. കേരളം ജീവിക്കാന് കൊള്ളാത്ത നാടെന്ന് പ്രചരണം നടക്കുന്നു, യുവാക്കള് ഈ വ്യാജപ്രചരണം തിരിച്ചറിയണമെന്ന് മുഖ്യമന്ത്രിയുടെ പ്രസ്താവനയ്ക്ക് പിന്നാലെ പൊങ്കാല.
കേരളം സ്വര്ഗ്ഗം, ഓക്കെ മുഖ്യ പക്ഷെ ആര്ക്കാണ് സ്വര്ഗ്ഗം. രാഷ്ട്രീയക്കാര്ക്കും കോര്പ്പറേറ്റുകള്ക്കും പാര്ട്ടിക്കാരുടെ മൂട് താങ്ങുന്നവര്ക്കും. കേരളം സിപിഎമ്മിന് സ്വര്ഗ്ഗമാണ്. അവര്ക്കിവിടെ കൊയ്ത്ത് കാലം. ജനങ്ങളെ ഊറ്റിപ്പിഴിഞ്ഞ് ജീവിക്കുകയല്ലെ. നേതാക്കന്മാരുടെയൊക്കെ കുടുംബക്കാരും മക്കള്ക്കും സ്വര്ഗ്ഗം. സാധാരണക്കാര്ക്ക് കേരളം ഇന്ന് നരകതുല്യമാണ്. അതുകൊണ്ടാണ് പിള്ളേര് കേരളത്തില് നിന്ന് ജീവനുംകൊണ്ട് ഓടുന്നത്.
സിപിഎം ഭരണത്തിന്റെ കൂടുതല് കൊണ്ട് കേരളം വിട്ട് യുവാക്കള് പുറത്തേക്ക്. കേരളം നേരിടാന് പോകുന്നത് വന് പ്രതിസന്ധികളാണ്. അധികം വൈകാതെ കേരളം വൃദ്ധരുടെ നാടായ് മാറും. ചൈനയുടെ അതേ അവസ്ഥയിലേക്ക് കേരളം. ചൈനയിപ്പോള് വൃദ്ധരുടെ നാടാണ്. ചെറുപ്പക്കാര് കുറവാണ്. ഒറ്റക്കുട്ടി നയം കൊണ്ടുവന്ന് ചൈനയില് ജനന നിരക്ക് കുറവ്. യുവത്വത്തിന്റെ കുറവ് ചൈന നേരിടുന്ന വലിയ പ്രതിസന്ധിയാണ്. കുട്ടികളെ ജനിപ്പിക്കൂവെന്ന് ജനങ്ങളുടെ കാല് പിടിക്കുകയാണ് ചൈന. വന് ഓഫറുകളാണ് ജനത്തിന് മുന്നില് വെക്കുന്നത്. പക്ഷെ ഇതൊന്നും ചൈനീസ് ജനത കണ്ടഭാവം നടിക്കുന്നില്ല.
ചൈനയില് ഇതാണ് അവസ്ഥയെങ്കില്,കേരളത്തില് ഭരണമികവ് കൊണ്ട് പിള്ളേര് നാടുവിടുന്നു. മികച്ച വിദ്യാഭ്യാസത്തിനും നല്ല ജോലിക്കുമുള്ള അവസരമില്ലാതെ കേരളത്തിലെ ചെറുപ്പക്കാര് വിദേശത്തേക്ക് ചേക്കേറുന്നത്. യുവത്വം കുറയുന്നതോടെ സമസ്ത മേഖലകളിലും കേരളം പിന്നോട്ടേക്ക് പോകും. ചെറുപ്പക്കാര് കൂട്ടത്തോടെ വിദേശത്തേക്ക് പോകുന്നതിലെ അപകടത്തേക്കുറിച്ച് സര്ക്കാരിന് ഇപ്പോഴാണ് ബോധം വന്നത്. എന്നാല് കാര്യങ്ങള് കൈവിട്ട് പോയി. എങ്ങനെയും വിദേശത്തേക്ക് കടക്കുകയാണ് ചെറുപ്പക്കാരുടെ ചിന്ത.
മുഖ്യമന്ത്രിയുടെ വാക്കുകളില് തന്നെയുണ്ട് വരാനിരിക്കുന്ന ഭവിഷ്യത്തിനെ കുറിച്ചുള്ള ഭയം. കേരളത്തില് നിന്നും വിദേശത്തേക്കുള്ള യുവാക്കളുടെ ഒഴുക്കില് പ്രതികരണവുമായി മുഖ്യമന്ത്രി പിണറായി വിജയന്. പ്രൊഫഷണല് കോഴ്സ് പഠിക്കാന് ഇവിടുന്ന് വിദ്യാര്ഥികള് പുറത്ത്പോകുന്ന രീതി തുടരുകയാണ്. പഠനം മാത്രമല്ല, അതിനൊപ്പം അവിടെ ജോലിയും, നൈപുണ്യവും നേടാന് കഴിയുന്നു എന്നതാണ് കാരണം. ഇവിടെയും ആ സാഹചര്യം ഒരുക്കാനാണ് ശ്രമിക്കുന്നത്. മെഡിക്കല് വിദ്യാര്ഥികള്ക്കുള്ള ഇന്റേണ്ഷിപ്പ് സൗകര്യം എല്ലാ പ്രൊഫഷണല് കോഴ്സുകാര്ക്കും ഒരുക്കും. കേരളം വ്യവസായ സൗഹൃദമല്ലെന്നും പ്രചാരണം ഉണ്ട്. കേരളം ജീവിക്കാന് കൊള്ളാത്തനാട്, യുവാക്കള് ഇവിടം വിടണം എന്നുള്ള പ്രചാരണം നടക്കുന്നുണ്ട്. ഇത് സര്ക്കാര് കാണാതെ പോകുന്നില്ല. യുവാക്കള് ഈ വ്യാജ പ്രചാരണം തിരിച്ചറിയണമെന്നും മുഖ്യമന്ത്രി പറഞ്ഞു. ചെറുപ്പക്കാര് എന്ത് തിരിച്ചറിയണം എന്നാണ് ഈ സര്ക്കാര് പറയുന്നത്. ഭരിക്കുന്നവര് കാണിച്ച് കൂട്ടുന്നത്. ഇവിടെ നടക്കുന്ന കാര്യങ്ങളേക്കുറിച്ചും കൃത്യമായ ബോധം ഉണ്ട് ചെറുപ്പക്കാര്ക്ക്. വെറുതെ വെളുപ്പിച്ചെടുക്കാന് മുഖ്യമന്ത്രി മെനക്കെടേണ്ടതില്ല. ഭരിച്ച് നന്നാക്കുകയല്ല ഭരിച്ച് മുടിക്കുകയാണ് കേരളം.
https://www.facebook.com/Malayalivartha
