ഗുസ്തിയും ദോസ്തിയും... കേരളത്തിനെതിരെ ആഞ്ഞടിച്ച് പ്രധാനമന്ത്രിയും ആഭ്യന്തര മന്ത്രിയും; കേരളം സുരക്ഷിതമല്ലെന്ന പരോക്ഷ പ്രഖ്യാപനവുമായി കേന്ദ്ര ആഭ്യന്തര മന്ത്രി അമിത് ഷാ; ത്രിപുരയിലെ സിപിഎം-കോണ്ഗ്രസ് സഖ്യത്തെ വിമര്ശിച്ച് പ്രധാനമന്ത്രി; കേരളത്തില് ഗുസ്തിയും ത്രിപുരയില് ദോസ്തിയും
ഒരേ ദിവസം കേരളത്തിനെതിരെ ആഞ്ഞടിച്ച് പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രിയ അമിത് ഷായും. പ്രധാനമന്ത്രി കേരളത്തിലെ സിപിഎം കോണ്ഗ്രസ് ബന്ധത്തെ തുറന്ന് കാട്ടിയപ്പോള് ആഭ്യന്തര വകുപ്പ് മന്ത്രി ഗൗരവകരമായ കാര്യമാണ് ഉന്നയിച്ചത്.
കേരളം സുരക്ഷിതമല്ലെന്ന പരോക്ഷ പ്രഖ്യാപനവുമായാണ് കേന്ദ്ര ആഭ്യന്തര മന്ത്രി അമിത് ഷാ രംഗത്തെത്തിയത്. ദേശവിരുദ്ധ പ്രവര്ത്തനങ്ങളെ കോണ്ഗ്രസ് പ്രോത്സാഹിപ്പിക്കുയാണെന്നും കര്ണാടക സുരക്ഷിതമായിരിക്കാന് ബിജെപി അധികാരത്തില് തുടരണമെന്നും അമിത് ഷാ പറഞ്ഞു.
കര്ണാടകയിലെ പുത്തൂരില് ഒരു പൊതുപരിപാടിയില് സംസാരിക്കവേയായിരുന്നു അമിത് ഷായുടെ പരാമര്ശം.1700 പോപ്പുലര് ഫ്രണ്ട് പ്രവര്ത്തകരെ കോണ്ഗ്രസ് വെറുതെ വിട്ടു. എന്നാല് പ്രധാനമന്ത്രി നരേന്ദ്ര മോദിയുടെ കീഴിലുള്ള ബിജെപി സര്ക്കാരാകട്ടെ അവരെ നിരോധിച്ച് എന്നന്നേക്കുമായി അവര്ക്ക് പൂട്ടിട്ടു.
ദേശവിരുദ്ധ ഘടകങ്ങളെ പ്രോത്സാഹിപ്പിക്കുന്ന കോണ്ഗ്രസിന് ഒരിക്കലും കര്ണാടകയെ സംരക്ഷിക്കാനാകില്ല. നിങ്ങളുടെ തൊട്ടടുത്ത് കേരളമുണ്ട്. ഞാന് കൂടുതലൊന്നും പറയുന്നില്ല. നിങ്ങള്ക്ക് കര്ണാടകയെ സുരക്ഷിതമായി നിലനിര്ത്തമെങ്കില്, ബിജെപിക്കു മാത്രമേ അതിന് സാധിക്കൂ. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള ഒരു ബിജെപി സര്ക്കാരിനു മാത്രമേ അതിനു സാധിക്കൂ എന്നും അമിത് ഷാ പറഞ്ഞു.
അതേസമയം ത്രിപുരയിലെ സിപിഎം-കോണ്ഗ്രസ് സഖ്യത്തെ വിമര്ശിച്ച് പ്രധാനമന്ത്രി നരേന്ദ്രമോദി. കേരളത്തില് ഗുസ്തിയും ത്രിപുരയില് ദോസ്തിയുമാണെന്നാണ് പ്രധാനമന്ത്രിയുടെ വിമര്ശനം. രാധാകിഷോര്പൂരില് നടന്ന പ്രചാരണറാലിയിലാണ് മോദിയുടെ പരാമര്ശം.
കോണ്ഗ്രസും ഇടത് പാര്ട്ടികളും ജനങ്ങളെ കൂടുതല് ദരിദ്രരാക്കി മാറ്റുന്നു. ജനങ്ങള്ക്ക് വേണ്ടി മുദ്രാവാക്യം വിളിക്കുന്നവര് അവരുടെ സങ്കടങ്ങള് അറിയുന്നില്ലെന്നും മോദി വിമര്ശിച്ചു. ത്രിപുരയിലെ ജനങ്ങളെ വര്ഷങ്ങളായി കൊള്ളയടിച്ചവര് തെരഞ്ഞെടുപ്പില് ഒന്നിക്കുകയാണ്, ബിജെപിയുടെ ഡബിള് എഞ്ചിന് സര്ക്കാറാണ് ത്രിപുരയില് വികസനമെത്തിച്ചതെന്നും മോദി പറഞ്ഞു.
ത്രിപുരയെ സംഘര്ഷ മുക്തമാക്കിയത് ബിജെപിയാണെന്ന് പ്രധാനമന്ത്രി നേരത്തെ പറഞ്ഞിരുന്നു. കോണ്ഗ്രസും ഇടത് പാര്ട്ടികളും സംസ്ഥാനത്തിന്റെ വികസനം ഇല്ലാതാക്കി. ത്രിപുരയെ പുരോഗതിയിലേക്ക് നയിച്ചത് ബിജെപി സര്ക്കാരാണെന്നും അംബാസയിലെ പ്രചാരണ റാലിയില് മോദി പറഞ്ഞിരുന്നു. നിയമസഭാ തിരഞ്ഞെടുപ്പ് നടക്കുന്ന ത്രിപുരയില് ഗോമതിയിലെയും അംബാസയിലെയും റാലികളിലാണ് പ്രധാനമന്ത്രി ഇന്ന് പ്രചാരണത്തിന് എത്തിയത്. പ്രധാനമന്ത്രിയുടെ പ്രചാരണത്തോട് അനുബന്ധിച്ച് സംസ്ഥാനത്ത് സുരക്ഷ വര്ധിപ്പിച്ചിട്ടുണ്ട്.
അതേസമയം, ത്രിപുരയില് അര്ദ്ധ സൈനിക വിഭാഗത്തിന് പകരം ഗുജറാത്ത് അസം പൊലീസിനെ വിന്യസിച്ചതിനെതിരെ സിപിഎം തെരഞ്ഞെടുപ്പ് കമ്മീഷന് പരാതി നല്കി. സിപിഎം ജനറല് സെക്രട്ടറി സീതാറാം യെച്ചൂരി, മുന് മുഖ്യമന്ത്രി മണിക് സര്ക്കാര് എന്നിവര് ത്രിപുരയില് സി പി എമ്മിനായി പ്രചാരണം നടത്തുന്നുണ്ട്. കോണ്ഗ്രസ് പ്രചാരണത്തിനായി അധിര് രഞ്ജന് ചൗധരിയും ഇന്ന് ത്രിപുരയില് എത്തി.
അതേസമയം സിപിഎമ്മും കോണ്ഗ്രസും തമ്മിലുള്ളത് അവിശുദ്ധ കൂട്ടുകെട്ടെന്ന് ത്രിപുര മുഖ്യമന്ത്രി മണിക് സാഹയും പറഞ്ഞു. നിയമസഭാ തിരഞ്ഞെടുപ്പിലെ സിപിഎംകോണ്ഗ്രസ് സഹകരണം ബിജെപിക്ക് വെല്ലുവിളിയല്ല. കഴിഞ്ഞ നിയമസഭാ തിരഞ്ഞെടുപ്പില് ലഭിച്ചതിനേക്കാള് സീറ്റ് ബിജെപിക്ക് ലഭിക്കുമെന്നും അദ്ദേഹം പറഞ്ഞു. ത്രിപുര വിഭജിക്കണമെന്നത് യുക്തി ഭദ്രമല്ലാത്ത ആവശ്യമാണെന്നുംപറഞ്ഞു.
https://www.facebook.com/Malayalivartha
