ഒടുവില്‍ എണ്ണിത്തീര്‍ത്തു.... 10 കോടിയുടെ നാണയങ്ങള്‍.... ആയിരത്തിലധികം ജീവനക്കാര്‍ ചേര്‍ന്ന് ശബരിമല ഭണ്ഡാരത്തില്‍ കൂട്ടിയിട്ടിരുന്ന നാണയങ്ങള്‍ എണ്ണിത്തീര്‍ത്തു.....

10 കോടിയുടെ നാണയങ്ങളാണ് ഉണ്ടായിരുന്നത്. രണ്ടുഘട്ടമായി 1220 ജീവനക്കാരാണ് നാണയങ്ങള്‍ എണ്ണിയത്.നോട്ടും നാണയവും മഞ്ഞളും ഭസ്മവും എല്ലാം കൂടിക്കുഴഞ്ഞാണ് കാണിക്ക കിട്ടിയത്. നാണയം എണ്ണുന്നതിനായി ഇതെല്ലാം വേര്‍തിരിക്കേണ്ടി വന്നു.ശ്രീകോവിലിനുമുന്നിലെ കാണിക്കയില്‍നിന്ന് കണ്‍വെയര്‍ ബെല്‍റ്റിലൂടെ വരുന്ന പണവും ശബരീപീഠംമുതല്‍ വിവിധ ഭാഗങ്ങളിലായുള്ള 145 വഞ്ചികളിലെയും മഹാകാണിക്കയിലെയും പണവുമാണ് ഭണ്ഡാരത്തിലെത്തുന്നത്.

സീസണിന് മുന്നേയുള്ള മാസപൂജകള്‍ മുതലുള്ള നാണയങ്ങളാണിത്. അഭൂതപൂര്‍വമായ ഭക്തരുടെ തിരക്കില്‍ മണ്ഡലകാലത്തും, മകരവിളക്ക് കാലത്തും കാണിക്കയായി ലഭിച്ച നാണയങ്ങളാണ് എണ്ണി തീര്‍ത്തത്. 1220 ജീവനക്കാര്‍ ദിവസങ്ങളോളമെടുത്താണ് നാണയങ്ങള്‍ എണ്ണിത്തീര്‍ത്തത്. പത്ത് കോടി മൂല്യമുള്ള നാണയങ്ങളായിരുന്നു ഭക്തര്‍ കാണിക്കയായിട്ടത്.

ശ്രീകോവിലിനു മുന്നിലെ കാണിക്കയില്‍ നിന്നും, മറ്റ് വിവിധ ഇടങ്ങളില്‍ സ്ഥാപിച്ചിരുന്ന വഞ്ചികളിലെ പണവുമാണ് എണ്ണിതീര്‍ത്തത്. കേടാവാനുള്ള സാദ്ധ്യത കണക്കിലെടുത്ത് നോട്ടുകള്‍ മുന്‍പേ എണ്ണിതീര്‍ത്തിട്ടുണ്ടായിരുന്നു.

ഇതിനൊപ്പം വെള്ളി, സ്വര്‍ണം എന്നിവയില്‍ തീര്‍ത്ത രൂപങ്ങളും നാണയങ്ങള്‍ക്കിടയില്‍ ഉണ്ടായിരുന്നു. ഇതെല്ലാം വേര്‍തിരിച്ച ശേഷമാണ് നാണയങ്ങള്‍ എണ്ണാന്‍ തുടങ്ങിയത്.