കുതിരവട്ടം മാനസിക ആരോഗ്യ കേന്ദ്രത്തില് വീണ്ടും സുരക്ഷാ വീഴ്ച.... ശുചിമുറിയുടെ വെന്റിലേറ്റര് ഗ്രില് ഇളക്കി മാറ്റി... മലപ്പുറം വേങ്ങര സഞ്ജിത് പാസ്വാന് വധക്കേസിലെ പ്രതി പൂനം ദേവിയാണ് ചാടിപ്പോയത്
12 FEBRUARY 2023 08:54 AM IST
മലയാളി വാര്ത്ത
കുതിരവട്ടം മാനസിക ആരോഗ്യ കേന്ദ്രത്തില് വീണ്ടും സുരക്ഷാ വീഴ്ച. ഫൊറന്സിക് ലാബിലെ തടവുകാരിയായ അന്തേവാസി ചാടിപ്പോയി. മലപ്പുറം വേങ്ങര സഞ്ജിത് പാസ്വാന് വധക്കേസിലെ പ്രതി പൂനം ദേവിയാണ് ചാടിപ്പോയത്.
ഇവരെ ഇന്നലെയാണ് ഇവിടെ എത്തിച്ചത്. ശുചിമുറിയുടെ വെന്റിലേറ്റര് ഗ്രില് ഇളക്കി മാറ്റിയാണ് ഇവര് രക്ഷപ്പെട്ടത്. ബിഹാറിലെ വൈശാലി സ്വദേശിയാണ് പൂനം.രാത്രി 12.15 ഓടെയാണ് സംഭവം.
കഴിഞ്ഞ ദിവസം വേങ്ങര പൊലീസ് സ്റ്റേഷനില് രജിസ്റ്റര് ചെയ്ത കൊലപാതക കേസിലെ പ്രതിയാണ് പൂനം. ഭര്ത്താവായ സഞ്ജിത് പാസ്വാനെ കഴുത്തു ഞെരിച്ച് കൊലപ്പെടുത്തിയെന്നാണ് ഇവര്ക്കെതിരായ കേസ്. സുരക്ഷാ ജീവനക്കാരാണ് ഇവര് ചാടിപ്പോയതായി കണ്ടെത്തിയത്.
പിന്നാലെ അധികൃതരെ അറിയിക്കുകയായിരുന്നു. സംഭവത്തില് പൊലീസില് പാരാതി നല്കി. പൊലീസ് അന്വേഷണം തുടങ്ങി.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
