പന്തളത്ത് യുവതിയെ മരക്കഷണംകൊണ്ട് തലയ്ക്ക് അടിച്ച് കൊലപ്പെടുത്തിയതെന്ന് പ്രാഥമിക അന്വേഷണത്തില്‍ തെളിഞ്ഞതായി പോലീസ... കൂടെ താമസിച്ചിരുന്ന വെള്ളറട സ്വദേശിയെ പോലീസ് തെരയുന്നു.... അന്വേഷണം ഊര്‍ജ്ജിതമാക്കി.മൃതദേഹം കോട്ടയം മെഡിക്കല്‍ കോളേജില്‍ പരിശോധന നടത്തിയാണ് മരണകാരണം സ്ഥിരീകരിച്ചത്.

പുന്തല തുളസീഭവനത്തില്‍ സജിത(40)യാണ് മരിച്ചത്. കൂടെ താമസിച്ചിരുന്ന തിരുവനന്തപുരം വെള്ളറട സ്വദേശി ഷൈജുവിനെ പോലീസ് തിരയുന്നു.

വെള്ളിയാഴ്ച രാത്രി പത്തുമണിയോടെയാണ് സജിതയെ പൂഴിക്കാട്ടുള്ള വാടകവീട്ടില്‍ തലയ്ക്ക് അടിയേറ്റനിലയില്‍ കണ്ടെത്തിയത്. ആശുപത്രിയില്‍ എത്തിക്കുമ്പോഴേയ്ക്കും മരിച്ചിരുന്നു. തലയ്ക്ക് ശക്തമായ അടിയേറ്റതാണ് മരണകാരണമെന്ന് പോലീസ് പറഞ്ഞു. അടിക്കാന്‍ ഉപയോഗിച്ചിരുന്ന മരക്കഷണം സംഭവസ്ഥലത്തുനിന്നും കണ്ടെത്തുകയും ചെയ്തു.

പന്തളം പൂഴിക്കാട്ട് തച്ചിരേത്ത് ലക്ഷ്മിനിലയത്തില്‍ മൂന്നുവര്‍ഷമായി വാടകയ്ക്ക് താമസിച്ചിരുന്നവരാണ് ഷൈജുവും സജിതയും. നാട്ടുകാരുമായി വലിയ ബന്ധം ഇല്ലായിരുന്നു.

വെള്ളിയാഴ്ച രാത്രി ഷൈജു, സുഹൃത്തുക്കളെ ഫോണില്‍ വിളിച്ച് വീട്ടിലേക്ക് വരാന്‍ പറഞ്ഞു. അവര്‍ എത്തിയപ്പോഴേക്കും ഇയാള്‍ മുങ്ങി. 

ഭര്‍ത്താവുമായി അകന്ന് കഴിയുകയുമായിരുന്ന സജിത തിരുവല്ലയില്‍ ഒരു കടയിലെ ജീവനക്കാരിയായിരുന്നു. സജിത ഫെയ്സ്ബുക്കിലൂടെയാണ് ഷൈജുവിനെ പരിചയപ്പെട്ടത്. തുടര്‍ന്ന് ഇവര്‍ ഒന്നിച്ച് താമസിക്കുകയായിരുന്നു. സംഭവത്തിനുശേഷം മൊബൈല്‍ ഫോണ്‍ ഓഫ് ആക്കിയാണ് ഷൈജു കടന്നു കളഞ്ഞത്.