മലപ്പുറം കാടാമ്പുഴ സ്വദേശി അര്‍ഷാദ് അലിയാണ് അറസ്റ്റിലായത്. കുഞ്ഞിന്റെ മൂത്രം ദേഹത്താകുന്നു എന്നു പറഞ്ഞ് ഭാര്യ സഫ്വാനയെ അര്‍ഷാദ് ക്രൂരമായി മര്‍ദിച്ചിരുന്നതായി ബന്ധുക്കള്‍ പറഞ്ഞു.

കഴിഞ്ഞ ശനിയാഴ്ചയാണ് സഫ്വാന ആത്മഹത്യയ്ക്ക് ശ്രമിച്ചത്. കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെ കഴിഞ്ഞദിവസം വൈകുന്നേരം മരിച്ചു.2020ല്‍ ആയിരുന്നു അര്‍ഷാദ് അലിയുമായി സഫ്വാനയുടെ വിവാഹം. ആദ്യം സ്വര്‍ണം ആവശ്യപ്പെട്ടായിരുന്നു മര്‍ദനം. കുഞ്ഞുണ്ടായശേഷം കുഞ്ഞിന്റെ മൂത്രം ദേഹത്താകുന്നു എന്നു പറഞ്ഞു പീഡനമായി.

മാനസികമായും ശാരീരകമായും തകര്‍ന്ന അവസ്ഥയിലായിരുന്നു സഫ്വാനയെന്ന് ബന്ധുക്കള്‍. ഭര്‍ത്താവ് മര്‍ദിക്കുന്നതായി സഫ്വാന വീട്ടുകാരെ അറിയിച്ചിട്ടുണ്ടായിരുന്നു. ആത്മഹത്യാ പ്രേരണാകുറ്റം ചുമത്തിയാണ് അര്‍ഷാദ് അലിയെ കാടാമ്പുഴ പൊലീസ് അറസ്റ്റു ചെയ്തത്.