ശുചിമുറിയിലെ ഗ്രില് ഇളക്കി രക്ഷപെട്ടു, കുതിരവട്ടത്ത് നിന്നും മുങ്ങിയ പൂനംദേവിയെ പോലീസ് പൊക്കിയത് മകനെ കാണാനെത്തിയപ്പോള്
കുതിരവട്ടം കുതിരവട്ടം മാനസികാരോഗ്യ കേന്ദ്രത്തില് നിന്നും മുങ്ങുകയും മണിക്കൂറുകള്ക്ക് ശേഷം മലപ്പുറം വേങ്ങരയില്നിന്നും പിടിയിലാവുകയും ചെയ്ത പൂനംദേവിയെ പോലീസ് പൊക്കിയത് മകനെ കാണാനെത്തിയപ്പോള്. കുട്ടിയെ കാണാന് പോകുന്നുവെന്ന് പൂനംദേവി മാനസികാരോഗ്യ കേന്ദ്രത്തിലെ അന്തേവാസികളോട് പറഞ്ഞിരുന്നു. ഇതുമായി ബന്ധപ്പെട്ട അന്വേഷണമാണ് ഇവരെ കണ്ടെത്താന് സഹായിച്ചത്.
ഭര്ത്താവിനെ കൊലപ്പെടുത്തിയ കേസിൽ പിടിയിലായതിന് പിന്നാലെ പൂനംദേവി മകനെ കാണാൻ കസ്റ്റഡിയില് നിന്നും മുങ്ങുകയും ശേഷം പിടിയിലാവുകയുമായിരുന്നു. ഫോറന്സിക് വാര്ഡില് നിന്നാണ് ഇവര് രക്ഷപ്പെട്ടതെന്നാണ് വിവരം. ശുചിമുറിയിലെ ഗ്രില് ഇളക്കിയാണ് രക്ഷപ്പെട്ടത്. ഇവര്ക്കു മാനസികമായ ചില പ്രശ്നങ്ങള് കാണപ്പെട്ടതിനാലാണ് കുതിരവട്ടത്ത് എത്തിച്ചത്.
ഭര്ത്താവ് സന്ജിത് പസ്വാനെ(33) സാരി കൊണ്ട് കഴുത്ത് മുറുക്കിയാണ് പുനംദേവി കൊന്നത്. കാമുകനൊപ്പം ജീവിക്കാനാണ് മലപ്പുറം വേങ്ങരയില്വെച്ച് ബീഹാര് സ്വദേശിനിയായ പൂനംദേവി ഭര്ത്താവിനെ കഴുത്ത് മുറുക്കി കൊലപ്പെടുത്തിയത്. സംഭവത്തില് കാമുകന്റെ പങ്കും പോലീസ് അന്വേഷിച്ചു വരികയായിരുന്നു..
https://www.facebook.com/Malayalivartha
