കോന്നി താലൂക്ക് ഓഫീലെ കൂട്ട അവധി എംഎല്എക്കെതിരെ വിമര്ശനവുമായി ഡെപ്യൂട്ടി തഹസില്ദാര്
കോന്നി താലൂക്ക് ഓഫീസ് ജീവനക്കാര് കൂട്ട അവധിയെടുത്ത് ഉല്ലാസ യാത്ര പോയ സംഭവത്തില് എംഎല്എക്കെതിരെ വിമര്ശനവുമായി ഡെപ്യൂട്ടി തഹസില്ദാര് എം സി രാജേഷ്. താലൂക്ക് ഓഫീസില് നടന്നത് മുന്കൂട്ടി പ്ലാന് ചെയ്ത നാടകമാണ്. താലൂക്ക് ഓഫീസ് ജീവനക്കാരുടെ വാട്ട്സ് ആപ്പ് ഗ്രൂപ്പിലാണ് ഡെപ്യൂട്ടി തഹസില്ദാരുടെ വിമര്ശനം. എംഎല്എക്ക് രജിസ്റ്റര് പരിശോധിക്കാനും കസേരയില് ഇരിക്കാനും അധികാരം ഉണ്ടോ എന്നും ചോദ്യം ഉയര്ത്തുന്നുണ്ട് ഡെപ്യൂട്ടി തഹസില്ദാര്.
ജീവനക്കാര് അവധി എടുത്ത ദിവസം ഓഫീസില് പൊതുജനങ്ങള്ക്ക് സേവനങ്ങള്ക്ക് ബുദ്ധിമുട്ട് ഉണ്ടായിട്ടില്ലെന്നും ഡെപ്യൂട്ടി തഹസില്ദാര് കൂട്ടിച്ചേര്ക്കുന്നു. വളരെ നല്ല രീതിയില് പ്രവര്ത്തിച്ചിരുന്ന ഓഫീസിനെ താറടിച്ച് കാണിക്കാനുള്ള നാടകമായിരുന്നു നടന്നതെന്നും ഡെപ്യൂട്ടി തഹസില്ദാര് ആരോപിക്കുന്നു. വിവാദമായ സംഭവം നടക്കുമ്പോള് പത്ത് പേര് പോലും ഓഫീസിലുണ്ടായിരുന്നില്ലെന്നും ആരോപിക്കുന്നുണ്ട് ഡെപ്യൂട്ടി തഹസില്ദാര് എം സി രാജേഷ്. വിനോദയാത്രാ സംഘം തിരികെ എത്തിയ ശേഷമുള്ളതാണ് വാട്ട്സ് ആപ്പ് ഗ്രൂപ്പിലെ ചര്ച്ചയെന്നതും ശ്രദ്ധേയമാണ്.
അതേസമയം കോന്നി താലൂക്ക് ഓഫീസ് ജീവനക്കാര് കൂട്ട അവധിയെടുത്ത് ഉല്ലാസ യാത്ര പോയ സംഭവം സ്പോണ്സര് ടൂര് ആണെന്ന ആരോപണം ട്രാവല്സ് മാനേജര് തള്ളി. യാത്രയുടെ പണം വാങ്ങിയാണ് ബസ് പോയതെന്ന് മാനേജര് ശ്യാം പറഞ്ഞു. ട്രാവല്സിലെ െ്രെഡവര് മുഖേനയാണ് ജീവനക്കാര് ബസ് ബുക്ക് ചെയ്തതെന്നും മാനേജര് വ്യക്തമാക്കി. പ്രവര്ത്തി ദിവസം ജീവനക്കാര് കൂട്ടത്തോടെ അവധിയെടുത്ത് യാത്ര പോയതില് ജില്ലാ കളക്ടര് അന്വേഷണം തുടങ്ങിയിട്ടുണ്ട്. എഡിഎം ഹാജര് ബുക്ക് അടക്കം പരിശോധിച്ചു. ഉല്ലാസ യാത്ര സംസ്ഥാനത്തെമ്പാടും ചര്ച്ചയായപ്പോഴും ഉദ്യോഗസ്ഥര് യാത്ര തുടരുകയായിരുന്നു.
മൂന്ന് ദിവസത്തെ വിനോദയാത്രയ്ക്കാണ് ഉദ്യോഗസ്ഥര് പോയതെന്നാണ് സൂചന. രണ്ടാം ശനിയാഴ്ചയും ഞായറാഴ്ചയും ആയതിനാല് മൂന്ന് ദിവസത്തെ വിനോദയാത്രയ്ക്ക് പോവുകയായിരുന്നുവെന്നാണ് ഓഫീസിലുള്ള ഉദ്യോഗസ്ഥര് നല്കുന്ന വിവരം.
https://www.facebook.com/Malayalivartha
