ഒരുവയസ്സുള്ള മകനുമായി യുവതി ട്രെയിനിന് മുന്നില്‍ ചാടി ജീവനൊടുക്കി. പരവൂരില്‍ നെടുങ്ങോലം ഒഴുകുപാറ വൈദ്യശാലമുക്ക് ഉത്രാടത്തില്‍ സജീവിന്റെയും സുനിതയുടെയും മകള്‍ ശ്രീലക്ഷ്മിയും (27) മകന്‍ ആരവുമാണ് മരിച്ചത്. മടവൂര്‍ സ്വദേശി ഗ്രിന്റോ ഗിരീഷാണ് ശ്രീലക്ഷ്മിയുടെ ഭര്‍ത്താവ്. ഒല്ലാല്‍ ലെവല്‍ക്രോസിനു സമീപം ഇന്ന് വൈകിട്ട് 4.30 നാണ് സംഭവം. തിരുവനന്തപുരത്തേക്ക് പോയ നേത്രാവതി എക്‌സ്പ്രസിന് മുന്നിലേക്ക് കുഞ്ഞുമായി ശ്രീലക്ഷ്മി ചാടുകയായിരുന്നു.

കൊല്ലം ആര്‍.പി.എഫും പരവൂര്‍ പൊലീസും സ്ഥലത്തെത്തി മൃതദേഹങ്ങള്‍ പാരിപ്പള്ളി മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. വിദേശത്തായിരുന്ന ഗ്രിന്റോ നാല് മാസം മുമ്പാണ് നാട്ടില്‍ അവധിക്ക് വന്നിട്ട് മടങ്ങിപ്പോയത്. വൈകിട്ട് മൂന്നരയോടെ മടവൂരുള്ള ഭര്‍ത്തൃവീട്ടിലേക്ക് എന്നുപറഞ്ഞ് ഓട്ടോറിക്ഷയില്‍ കയറിപ്പോയതാണെന്ന് ബന്ധുക്കള്‍ പറഞ്ഞു. പൊലീസ് അസ്വാഭാവിക മരണത്തിന് കേസെടുത്തു.