വിദഗ്ധ ചികിത്സയ്ക്കായി ബെംഗളുരുവിലെത്തിയ ഉമ്മന്ചാണ്ടിയുടെ തുടര്ചികിത്സ എങ്ങനെ വേണമെന്നതില് തീരുമാനമെടുക്കാന് ഇന്ന് ഡോക്ടര്മാര് യോഗം ചേരും....
വിദഗ്ധ ചികിത്സയ്ക്കായി ബെംഗളുരുവിലെത്തിയ ഉമ്മന്ചാണ്ടിയുടെ തുടര്ചികിത്സ എങ്ങനെ വേണമെന്നതില് തീരുമാനമെടുക്കാന് ഇന്ന് ഡോക്ടര്മാര് യോഗം ചേരും. ബെംഗളുരു എച്ച്സിജി ആശുപത്രിയിലെ സര്ജിക്കല് ഓങ്കോളജി വിഭാഗം തലവന് ഡോ. യു എസ് വിശാല് റാവുവിന്റെ നേതൃത്വത്തിലുള്ള സംഘമാണ് യോഗം ചേര്ന്ന് തീരുമാനമെടുക്കുക.
ഇന്നലെ നടത്തിയ പ്രാഥമിക പരിശോധനയില് ഉമ്മന്ചാണ്ടിയുടെ ആരോഗ്യസ്ഥിതിയില് ഡോക്ടര്മാര് തൃപ്തി രേഖപ്പെടുത്തിയിരുന്നു. ന്യൂമോണിയ ബാധിച്ചിട്ടും രോഗപ്രതിരോധശേഷിയില് കാര്യമായ പ്രശ്നങ്ങളില്ലാത്തത് ആശ്വാസകരമാണ്.
ഇന്നലെ വൈകിട്ടോടെയാണ് മുന് മുഖ്യമന്ത്രി ഉമ്മന്ചാണ്ടിയെ ബെംഗളുരു സംപിംഗ രാമ നഗരയിലുള്ള എച്ച്സിജി ആശുപത്രിയില് പ്രവേശിപ്പിച്ചത്. ഭാര്യ മറിയാമ്മയും മൂന്ന് മക്കളും അദ്ദേഹത്തിന്റെ കൂടെയുണ്ട്.
അതേസമയം ഉമ്മന്ചാണ്ടിയുടെ ആരോഗ്യനില തൃപ്തികരമെന്ന് എച്ച്സിജി ക്യാന്സര് സെന്ററിലെ ഡോക്ടര്മാര് അറിയിച്ചതായി മകന് ചാണ്ടി ഉമ്മന് പറഞ്ഞു. എച്ച്സിജി ക്യാന്സര് സെന്ററിലെ ഡോക്ടര്മാര് ഉമ്മന്ചാണ്ടിയെ പരിശോധിക്കുകയും ചെയ്തു. ഡോ. യു എസ് വിശാല് റാവുവിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. അദ്ദേഹത്തിന്റെ ആരോഗ്യനില തൃപ്തികരമെന്ന് ഡോക്ടര്മാര് അറിയിച്ചു. പോഷകാഹാരക്കുറവിന്റെ ബുദ്ധിമുട്ടുകള് ഉമ്മന് ചാണ്ടിക്കുണ്ട്. അത് പരിഹരിക്കാനുള്ള ശ്രമം തുടങ്ങും. തുടര്ചികിത്സ സംബന്ധിച്ച് ഡോക്ടര്മാര് യോഗം ചേര്ന്ന് തീരുമാനിക്കും.
ന്യൂമോണിയ ബാധിച്ച് മാറിയ ശേഷവും അദ്ദേഹത്തിന്റെ രോഗപ്രതിരോധശേഷി കുറഞ്ഞിട്ടില്ലെന്നും അത് ആശ്വാസകരമാണെന്നും ഡോക്ടര്മാര് അറിയിച്ചു. ഇനി തുടര്ചികിത്സകള് എങ്ങനെ വേണമെന്ന് ഇന്ന് ഡോക്ടര്മാര് യോഗം ചേര്ന്ന് തീരുമാനമെടുക്കും. കൊച്ചിയിലെ ഒരു സംഘം ഡോക്ടര്മാരുമായി ചര്ച്ച നടത്തുന്നുണ്ടെന്നും ചാണ്ടി ഉമ്മന് അറിയിച്ചു. ഇന്നലെ ഉച്ചയോടെ തിരുവനന്തപുരത്ത് നിന്ന് കുടുംബത്തോടൊപ്പം ചാര്ട്ടേഡ് വിമാനത്തിലാണ് വിദഗ്ധ ചികിത്സയ്ക്കായി ഉമ്മന്ചാണ്ടിയെ ബെംഗളൂരുവില് എത്തിച്ചത്.
ന്യൂമോണിയ ഭേദമായതിന് ശേഷമാണ് നെയ്യാറ്റിന്കര നിംസ് ആശുപത്രിയിലെ മെഡിക്കല് സംഘവും സര്ക്കാരിന്റെ മെഡിക്കല് ബോര്ഡും തുടര് ചികിത്സയ്ക്കായുള്ള യാത്രയ്ക്ക് അനുമതി നല്കിയത്. മൊബൈല് ഐസിയു അടക്കമുള്ള സൗകര്യങ്ങളുമായി ആംബുലന്സ് ഒരുക്കിയെങ്കിലും ഉമ്മന്ചാണ്ടിയുടെ ആവശ്യപ്രകാരം കാറിലായിരുന്നു അന്താരാഷ്ട്ര വിമാനത്താവളത്തിലേക്കുള്ള യാത്ര നടത്തിയത്. ബെന്നിബെഹ്നാന്, പിസി വിഷ്ണുനാഥ് തുടങ്ങിയ നേതാക്കള് അന്താരാഷ്ട്ര വിമാനത്താവളം വരെ ഉമ്മന്ചാണ്ടിയെ അനുഗമിക്കുകയുണ്ടായി. ചികിത്സയെക്കുറിച്ചുണ്ടായ വിവാദങ്ങളെല്ലാം അനാവശ്യമാണെന്ന് ഉമ്മന്ചാണ്ടി മാധ്യമങ്ങളോട് പറഞ്ഞു.
"
https://www.facebook.com/Malayalivartha
