അവസാനം തിയിട്ടു... നാല് എടിഎമ്മുകളില് ഒരേ സമയം കവര്ച്ച നടത്തിയ മോഷ്ടാക്കള് 75 ലക്ഷത്തോളം രൂപ കൈക്കലാക്കി; തിരുവണ്ണാമലൈയ്ക്ക് സമീപമുള്ള മൂന്ന് സ്റ്റേറ്റ് ബാങ്ക് ഓഫ് ഇന്ത്യ എടിഎമ്മുകളും ഒരു വണ് ഇന്ത്യ ബാങ്കിന്റെ എടിഎമ്മുമാണ് കൊള്ളയടിച്ചത്
വലിയ ആസൂത്രണത്തോടെ തെളിവ് നശിപ്പിച്ച് കൂട്ട എടിഎം കവര്ച്ച. തമിഴ്നാട്ടില് എടിഎമ്മുകള് കേന്ദ്രീകരിച്ചാണ് വന് കവര്ച്ച ഉണ്ടായത്. നാല് എടിഎമ്മുകളില് ഒരേ സമയം കവര്ച്ച നടത്തിയ മോഷ്ടാക്കള് 75 ലക്ഷത്തോളം രൂപ കൈക്കലാക്കി. കഴിഞ്ഞ ദിവസം രാത്രി തിരുവണ്ണാമലൈയ്ക്ക് സമീപമുള്ള മൂന്ന് സ്റ്റേറ്റ് ബാങ്ക് ഓഫ് ഇന്ത്യ എടിഎമ്മുകളും ഒരു വണ് ഇന്ത്യ ബാങ്കിന്റെ എടിഎമ്മുമാണ് കൊള്ളയടിച്ചത്.
ഗ്യാസ് കട്ടര് ഉപയോഗിച്ച് എടിഎം മെഷീന്റെ ചെസ്റ്റ് ബോക്സുകള് തകര്ത്താണ് പണം അപഹരിച്ചത്. ഞായറാഴ്ച പുലര്ച്ചെ രണ്ടിന് ശേഷം എടിഎമ്മുകളില് ഷട്ടറിട്ട ശേഷം ഗ്യാസ് കട്ടറുപയോഗിച്ച് മോഷണം നടത്തിയതായാണ് പൊലീസ് അറിയിക്കുന്നത്. മോഷണ ശേഷം എല്ലാ എടിഎമ്മുകളിലെയും മെഷീനുകളും സിസിടിവിയും മോഷ്ടാക്കള് അഗ്നിക്കിരയാക്കിയിട്ടുണ്ട്. അതിനാല് മോഷ്ടാക്കളുടെ വിരലടയാളമോ സിസിടിവി ദൃശ്യങ്ങളോ കണ്ടെത്താന് പൊലീസിന് സാധിച്ചിട്ടില്ല.
കടലൂര്-ചീറ്റൂര് പാതയിലാണ് മോഷണം നടന്ന നാല് എടിഎമ്മുകളും സ്ഥിതിചെയ്യുന്നത്. ഓരോ എടിഎമ്മുകള് തമ്മില് ശരാശരി 20 കി. മീ ദൂരമുണ്ട്. ഏകദേശം ഒരേ സമയത്ത് തന്നെ മോഷണം നടന്നതിനാല് മികച്ച ആസൂത്രണത്തോടെയാണ് കൃത്യം നിര്വഹിച്ചിരിക്കുന്നത് എന്നാണ് പൊലീസിന്റെ നിഗമനം. ഫോറന്സിക് സംഘം സ്ഥലത്തെത്തി ശാസ്ത്രീയ തെളിവുകള് ശേഖരിച്ചിട്ടുണ്ട്.തിരുവണ്ണാമലൈ സിറ്റി, പോലൂര്, കലശപ്പാക്കം സ്റ്റേഷന് പരിധികളിലായാണ് മോഷണം റിപ്പോര്ട്ട് ചെയ്തിട്ടുള്ളത്. അതിനാല് അന്വേഷണത്തിനായി പ്രത്യേക അന്വേഷണ സംഘത്തെ പ്രഖ്യാപിച്ചിട്ടുണ്ട്.
നിലവില് മോഷണം നടന്ന പ്രദേശത്തെ റോഡുകളിലെയും സമീപ സ്ഥാപനങ്ങളിലേയും സിസിടിവി ദൃശ്യങ്ങളും മൊബൈല് ടവര് ലൊക്കേഷനും കേന്ദ്രീകരിച്ച് അന്വേഷണം നടന്നു വരികയാണ്.
ഗ്യാസ് കട്ടര് ഉപയോഗിച്ച് മെഷീനുകള് മുറിച്ചാണ് പണം കവര്ന്നത്. തെളിവ് നശിപ്പിക്കാന് നാലിടത്തേയും സിസിടിവി ക്യാമറകളും ഹാര്ഡ് ഡിസ്കുകളും മോഷ്ടാക്കള് നശിപ്പിച്ചു. തിരുവണ്ണാമല സിറ്റിയില്, മാരിയമ്മന് ക്ഷേത്രത്തിന് സമീപം പത്താം തെരുവില് പ്രവര്ത്തിക്കുന്ന സ്റ്റേറ്റ് ബാങ്ക് ഓഫ് ഇന്ത്യ എടിഎം, തേനിമല ഭാഗത്ത് പ്രവര്ത്തിക്കുന്ന സ്റ്റേറ്റ് ബാങ്ക് ഓഫ് ഇന്ത്യ എടിഎം, കലശപ്പാക്കം ഭാഗത്ത് പ്രവര്ത്തിക്കുന്ന വണ്ഇന്ത്യയുടെ എടിഎം, പോലൂര് ബസ് സ്റ്റാന്ഡിന് മുന്നില് പ്രവര്ത്തിക്കുന്ന സ്റ്റേറ്റ് ബാങ്ക് ഓഫ് ഇന്ത്യ എടിഎം എന്നിവ ഒരേ സമയം തകര്ത്ത് പണം കവരുകയായിരുന്നു.
അര്ദ്ധരാത്രി ആളൊഴിഞ്ഞതിന് ശേഷം എടിഎം മെഷീനുകള് സ്ഥാപിച്ച മുറികളില് കയറി ഷട്ടറിട്ടതിന് ശേഷം ഗ്യാസ് കട്ടര് ഉപയോഗിച്ച് മെഷീന് മുറിച്ചാണ് പണം കൊള്ളയടിച്ചത്. ആകെ എഴുപത്തിയഞ്ച് ലക്ഷത്തോളം രൂപയാണ് നഷ്ടമായത്. നാലിടത്തും കൊള്ളയ്ക്ക് ശേഷം എടിഎം മെഷീനും സിസിടിവി ക്യാമറകളും മോഷ്ടാക്കള് കത്തിച്ചു.
കൃത്യമായ ആസൂത്രണത്തോടെയാണ് നാലിടങ്ങളില് ഒരേ സമയം ഒരേ സ്വഭാവത്തില് കവര്ച്ച നടത്തിയത്. എടിഎം മെഷീനുകള്ക്കും സിസിടിവിക്കും തീയിട്ടതിനാല് സിസിടിവി ദൃശ്യങ്ങളും വിരലടയാളങ്ങളും കണ്ടെത്താനായില്ല.
ഫോറന്സിക് സംഘമെത്തി ശാസ്ത്രീയ തെളിവുകള് ശേഖരിച്ചിട്ടുണ്ട്. തിരുവണ്ണാമലൈ സിറ്റി, പോലൂര്, കലശപ്പാക്കം എന്നിങ്ങനെ വിവിധ പൊലീസ് സ്റ്റേഷന് പരിധികളിലാണ് കവര്ച്ച നടന്നത്. അന്വേഷണത്തിന് പ്രത്യേക സംഘം രൂപീകരിച്ചിട്ടുണ്ട്.
തെളിവ് നശിപ്പിക്കാനായി കവര്ച്ചക്ക് ശേഷം എടിഎം മെഷീനും, സിസിടിവി ഹാര്ഡ് ഡിസ്കും തീയിട്ടു. ഇതിനാല് വിരലടയാളവും, ക്യാമറ ദ്യശ്യങ്ങവും ലഭ്യമല്ല. സമീപത്തെ സിസിടിവികള് കേന്ദ്രികരിച്ചാണ് ഇപ്പോള് അന്വേഷണം പുരോഗമിക്കുന്നത്. ഇതില് നിന്ന് കവര്ച്ചാ സംഘം കാറിലെത്തുന്ന ദ്യശ്യങ്ങള് ലഭിച്ചെങ്കിലും, ഇവരുടെ മുഖം വ്യക്തമല്ല. ഉത്തരേന്ത്യന് സംഘമാണ് മോഷണത്തിന് പിന്നിലെന്നാണ് പൊലീസ് കരുതുന്നത്. ഇവര് ഹോസൂര് വഴി ബംഗളൂരുവിലേയ്ക്ക് കടന്നെക്കാം എന്ന നിഗമനത്തില് അതിര്ത്തിയില് പരിശോധന ശക്തമാക്കിയിരിക്കുകയാണ്.
"
https://www.facebook.com/Malayalivartha
