ഇന്ത്യ എന്ന ആശയത്തെ, ഇന്ത്യ എന്ന മഹാരാജ്യത്തെ നിർമ്മിച്ച ഇന്ത്യൻ നാഷണൽ കോൺഗ്രസ് 138 സംവത്സരങ്ങൾ പിന്നിട്ട് യാത്ര തുടരുകയാണ്. ഒരു മൊട്ടുസൂചി പോലും സ്വന്തമായി നിർമ്മിക്കാൻ കരുത്ത് ഇല്ലാതിരുന്ന രാജ്യത്തിനെ ലോകത്തിലെ വൻശക്തികളിലൊന്നാക്കി മാറ്റിയത് ഇന്ത്യൻ നാഷണൽ കോൺഗ്രസ് എന്ന പ്രസ്ഥാനവും അതിന്റെ ദീർഘവീക്ഷണമുള്ള നേതാക്കളുമാണ്. നിർണായകമായ കുറിപ്പ് പങ്കു വച്ച് കെ സുധാകരൻ എം പി.

അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ ; ഇന്ത്യ എന്ന ആശയത്തെ, ഇന്ത്യ എന്ന മഹാരാജ്യത്തെ നിർമ്മിച്ച ഇന്ത്യൻ നാഷണൽ കോൺഗ്രസ് 138 സംവത്സരങ്ങൾ പിന്നിട്ട് യാത്ര തുടരുകയാണ്. ഒരു മൊട്ടുസൂചി പോലും സ്വന്തമായി നിർമ്മിക്കാൻ കരുത്ത് ഇല്ലാതിരുന്ന രാജ്യത്തിനെ ലോകത്തിലെ വൻശക്തികളിലൊന്നാക്കി മാറ്റിയത് ഇന്ത്യൻ നാഷണൽ കോൺഗ്രസ് എന്ന പ്രസ്ഥാനവും അതിന്റെ ദീർഘവീക്ഷണമുള്ള നേതാക്കളുമാണ്. രാജ്യം വെല്ലുവിളി നേരിടുമ്പോഴൊക്കെ ഒരു തണൽ മരം പോലെ കോൺഗ്രസ് നമുക്കു മേൽ ചില്ലകൾ വിരിച്ചു നിന്നിട്ടുണ്ട്.

ഈ രാജ്യത്തിൻറെ ആസ്തികൾ മുഴുവൻ വിറ്റു തുലക്കുന്നവർ കേന്ദ്രത്തിലും സമസ്ത മേഖലകളും മുച്ചൂടും മുടിക്കുന്നവർ കേരളത്തിലും ഭരിക്കുന്ന പ്രതിസന്ധിയുടെ കാലഘട്ടത്തിൽ ജനങ്ങളുടെ പ്രതീക്ഷകൾ മുഴുവൻ വീണ്ടും ഇന്ത്യൻ നാഷണൽ കോൺഗ്രസിന്റെ മുകളിൽ തന്നെയാണ്. മുന്നോട്ടുള്ള ഓരോ കാൽവെപ്പും ഈ രാജ്യത്തിൻറെ നഷ്ടപ്രതാപം വീണ്ടെടുക്കുന്നതിന് വേണ്ടിയിട്ടുള്ളതാണ്. ഓരോ ചുവടിലും ഊർജമായി പ്രവർത്തകരുടെയും അനുഭാവികളുടെയും സഹായസഹകരണങ്ങൾ ആവശ്യമാണ്.

138 വർഷത്തെ പാരമ്പര്യം പേറുന്ന കോൺഗ്രസ് പ്രഖ്യാപിച്ചിരിക്കുന്ന "138 രൂപ ചലഞ്ചി"ൽ പങ്കാളിയാകേണ്ടതെങ്ങനെ എന്ന് വിവരിക്കുന്ന ലഘു ദൃശ്യം ഇവിടെ ചേർത്തിരിക്കുന്നു. ഈ പരിപാടിയിൽ എന്റെ പ്രിയപ്പെട്ട പ്രവർത്തകരുടെ സജീവ പങ്കാളിത്തം സ്നേഹപൂർവ്വം അഭ്യർത്ഥിക്കുന്നു.