സെലിബ്രിറ്റി ക്രിക്കറ്റ് ലീഗിന്റെ അടുത്ത മല്സരം ഞായറാഴ്ച തിരുവനന്തപുരത്ത്
സെലിബ്രിറ്റി ക്രിക്കറ്റ് ലീഗിന്റെ ഓര്ഗനൈസര് സ്ഥാനത്തുനിന്ന് താരസംഘടനയായ 'അമ്മ' പിന്മാറി. ഫെബ്രുവരി 18 മുതല് അഞ്ച് വാരാന്ത്യങ്ങളിലായി ആകെയുള്ളത് പത്തൊമ്പത് മല്സരങ്ങള്. നിലവില് കുഞ്ചാക്കോ ബോബന് നായകനായ ടീമില് ഉണ്ണിമുകുന്ദന് അടക്കമുള്ള അംഗങ്ങളാണ്. തുടര്ച്ചയായി രണ്ട് പരാജയം ഏറ്റുവാങ്ങിയ ടീമിന്റെ അടുത്ത മല്സരം ഞായറാഴ്ച തിരുവനന്തപുരത്താണ്. നോണ്പ്ളെയിങ് ക്യാപ്റ്റന് സ്ഥാനത്ത് മോഹന്ലാല് ഉണ്ടാകില്ല. എന്നാല് താരങ്ങള്ക്ക് സ്വന്തം നിലയ്ക്ക് സിസിഎല്ലില് പങ്കെടുക്കുന്നതിന് അമ്മയുടെ വിലക്കില്ലെന്ന് സംഘടന ജനറല് സെക്രട്ടറി ഇടവേള ബാബു പറഞ്ഞു.
കഴിഞ്ഞ എട്ട് വര്ഷമായി അമ്മ ജനറല് സെക്രട്ടറി ഇടവേള ബാബുവായിരുന്നു കേരള ടീം മാനേജര്. കോവിഡിനെ തുടര്ന്ന് മൂന്ന് വര്ഷത്തെ ഇടവേളയ്ക്ക് ശേഷമാണ് സിസിഎല് വീണ്ടും എത്തിയത്. അമ്മ ഓര്ഗനൈസറായുള്ള കേരള ടീമിന്റെ നോണ്പ്ളെയിങ് ക്യാപ്റ്റനും മെന്ററുമായി മോഹന്ലാല് ഉണ്ടാകുമെന്നായിരുന്നു ധാരണ. എന്നാല് അങ്ങനെ ഒരു കരാര് ഇല്ലെന്നാണ് സിസിഎല് മാനേജ്മെന്റുമായുള്ള ഭിന്നത സൂചിപ്പിച്ച് അമ്മ ജനറല് സെക്രട്ടറി ഇടവേള ബാബുവിന്റെ പ്രതികരണം. താരങ്ങള്ക്ക് പക്ഷെ വ്യക്തിപരമായി മല്സരങ്ങളില് പങ്കെടുക്കുന്നതിന് വിലക്കില്ലെന്നും ഇടവേള ബാബു പറഞ്ഞു.
https://www.facebook.com/Malayalivartha
