ഗോവിന്ദന് മാഷാകട്ടെ പാര്ട്ടി ലൈന് വിട്ടൊരു പരിപാടിയിക്കില്ല. പിണറായിയ്ക്കെതിരെ വരുന്ന ആരോപണങ്ങളെ തടയാതെ മാറി നില്ക്കുകയാണ് അദ്ദേഹം. ആരോപണങ്ങള് മാത്രമാണോ അതോ അതില് എവിടെയെങ്കിലും സത്യമുണ്ടോയെന്ന അന്വേഷണത്തിലാണ്
കേരള രാഷ്ട്രീയത്തില് ഇടതുപക്ഷത്തെ വിരട്ടിയും ഭീഷണിപ്പെടുത്തിയും തന്റെ കൈക്കുള്ളില് പിടിച്ചു നിറുത്തിയ പിണറായി രാഷ്ട്രീയ അഴിമതി പ്രതിസന്ധികളില് തളരുകയാണ്. പൊരിവെയിലത്ത് പിണറായിയെ ഒറ്റയ്ക്കാക്കി കടന്നു പോയ കോടിയേരി ബാലകൃഷ്ണന് ശേഷം ഇ.പി.ജയരാജന്റെ കൈകളിലേയ്ക്ക് അധികാരം എത്തിക്കാനായി ശ്രമം നടത്തിയെങ്കിലും കണക്ക് കുട്ടലുകള് എല്ലാം തെറ്റിച്ചു കൊണ്ട് എം.വി.ഗോവിന്ദന് മാസ്റ്റര് സെക്രട്ടറിയായി കടന്നു വന്നു. അതിനും മേലേ അദ്ദേഹം പോളിറ്റ്ബ്യൂറോയിലും കടന്നെത്തി. നാളിതുവരെ പിണറായായിരുന്നു പോളിറ്റ് ബ്യൂറോയിലെയും നാഥന്. എങ്കിലിപ്പോഴിതാ എല്ലാം ഒറ്റയടിക്ക് വീണുടയുന്നു.
പിണറായിയുടെ ഇടത്തും വലത്തും ഇരുന്ന സൂപ്പര് മുഖ്യമന്ത്രിമാരില് ഒരാള് ജയിലിലും ,മറ്റൊരാള് ജയിലിലന്റെ പടിവാതില്ക്കലുമെത്തി നില്ക്കുകയാണ്. ഈ രണ്ട് വിഷയത്തിലും സി പി എമ്മിനോ, പോളിറ്റ് ബ്യൂറോയ്ക്കോ മറുപടിയില്ല . സ്വപ്ന സുരേഷ് വിളിച്ചു പറയുന്ന കാര്യങ്ങള്ക്കും മറുപടിയില്ല. മറുപടി പറയേണ്ടവരെല്ലാം ഒറ്റക്കെട്ടായി മൗനം പാലിക്കുകയാണ്. എന്നുമാത്രമല്ല മുഖ്യന് മാത്രം അറിയാവുന്ന സ്വപ്ന ബന്ധം പാര്ട്ടി മറുപടി പറഞ്ഞ് വഷളാക്കണ്ടെയെന്ന നയത്തിലുമാണ് നേതാക്കള്. എന്നാല് നിയമസഭയില് പ്രതിപക്ഷത്തിനെതിരെ ഭരണപക്ഷ എംഎല്എമാരും മന്ത്രിമാരും ആഞ്ഞടിച്ചാണ് പ്രതിഷേധിച്ചത്.
പാര്ട്ടി രൂക്ഷമായ ആരോപണത്തെ നേരിടുന്ന സമയത്ത് സെക്രട്ടറി നടത്തുന്ന ജനകീയ പ്രതിരോധ ജാഥയില് നിന്നും എല്ഡിഎഫ് കണ്വീനര് ഇ.പി.ജയരാജന് വിട്ടു നില്ക്കുന്നത് എന്തു കൊണ്ടും ശ്ര്ദധയാകര്ഷിക്കുന്നതും ഈ സാഹചര്യത്തിലാണ്. ഇ.പിയെ പാര്ട്ടി കൂട്ടമായി കടന്നാക്രമിക്കുകയും ഒറ്റപ്പെടുത്തുകയും ചെയ്തിരിക്കുകയാണ്. പിണറായി വിജയനും ഇപിയുടെ ഗതി വരുമെന്നതാണഅ വരാന് പോകുന്ന ദിവസങ്ങളില് കേരളം കാണാനിരിക്കുന്നത്.
ഗോവിന്ദന് മാഷാകട്ടെ പാര്ട്ടി ലൈന് വിട്ടൊരു പരിപാടിയിക്കില്ല. പിണറായിയ്ക്കെതിരെ വരുന്ന ആരോപണങ്ങളെ തടയാതെ മാറി നില്ക്കുകയാണ് അദ്ദേഹം. ആരോപണങ്ങള് മാത്രമാണോ അതോ അതില് എവിടെയെങ്കിലും സത്യമുണ്ടോയെന്ന അന്വേഷണത്തിലാണ് . സത്യം കണ്ടെത്തിയാല് ഗോവിന്ദന്റെ കൈകളിലേയ്ക്ക് പാര്ട്ടിയും അധികാരം എത്തുമെന്നും അദ്ദേഹത്തിനറിയാം. എല്ലാ തരത്തിലും ഒറ്റപ്പെട്ടു കൊണ്ടിരിക്കുന്ന പിണറായി വിജയന്റെ അവസാന ആഗ്രഹമാണ് ഹെലികോപ്ടറില് പറന്ന് നടക്കുകയെന്നത്. യൂസഫലിയെ പോലെ വലിയ ബിസിനസുകാര് നിലത്തിറങ്ങാതെ ആകാശ യാത്ര നടത്തുന്നതിന്റെ ഹരം പിണറായിയെയും പിടികൂടിയിരിക്കുകയാണ്. അതുകൊണ്ടാണ് സാമ്പത്തിക പ്രതിസന്ധിയില് നില്ക്കുന്ന സര്ക്കാരിനെ കൊണ്ട് ഹെലികോപ്ടര് വാടകയ്ക്ക് എടുക്കാന് അദ്ദേഹം തീരുമാനിച്ചിരിക്കുന്നത്.
സംസ്ഥാനത്തിന്റെ വിവിധ ആവശ്യങ്ങള്ക്കെന്ന പേരില് പൈലറ്റ് സഹിതം വീണ്ടും ഹെലികോപ്റ്റര് വാടകയ്ക്കെടുക്കാന് മന്ത്രിസഭാ യോഗം തീരുമാനിച്ചു. ഇതിനായി പുതിയ ടെന്ഡര് വിളിക്കും. മുഖ്യമന്ത്രിയുടെ സംസ്ഥാനത്തെ യാത്രകള്ക്ക് വേണ്ടിയാകും പ്രധാനമായും ഇത് ഉപയോഗിക്കുക. ഇതിലൂടെ റോഡിലെ കരിങ്കൊടികളെ ഒഴിവാക്കാമെന്നാണ് പ്രതീക്ഷ. ഒന്നാം പിണറായി സര്ക്കാരിന്റെ കാലത്ത് പവന്ഹംസ് കമ്പനിയില്നിന്നു ടെന്ഡറില്ലാതെ ഹെലികോപ്റ്റര് വാടകയ്ക്കെടുത്തതു വിവാദമായിരുന്നു. അന്ന് ഖജനാവില് നിന്നും വെറുതെ പണം കൊടുക്കുകയായിരുന്നു ചെയ്തത്.
കടമെടുപ്പും ബാധ്യതകളും കുന്നുകൂടി കൊണ്ടിരിക്കുകയാണ്. ഭരണത്തില് പുറത്തു നിന്നുള്ളവരുടെ കൈകടത്താല് കാണാനാകാത്ത പിണറായി വിജയന് ഭരണ രംഗത്ത് മികച്ച പരാജയമാണെന്നാണ് പൊതുവേ ഉയരുന്ന അഭിപ്രായം. ശിവശങ്കരനും. രവീന്ദ്രനും, സ്വപ്ന സുരേഷും തീര്ത്ത പത്മവ്യൂഹത്തില് തലയിട്ടു കൊടുത്തതല്ല. അറിഞ്ഞു കൊണ്ട് എല്ലാറ്റിനും മൗനാനുവാദം നല്കുകയായിരുന്നെന്ന വിലയിരുത്തലിലേയ്ക്കാണ് കാര്യങ്ങള് എത്തി നില്കകുന്നത്. എന്നാലും അഗ്നിശുദ്ധി വരുത്തേണ്ടത് പിണറായി തന്നയൊണ്. പാര്ട്ടിയേയും ഭരണത്തേയും കാല്ക്കീഴില് ചവിട്ടി നിറുത്തി വി.എസ് അച്യൂതാനന്ദനെ പോലും പടിക്ക് പുറത്താക്കാന് നടത്തിയ ശ്രമങ്ങളിലൂടെ എന്നും വിവാദങ്ങളിലൂടെ നടന്ന മുഖ്യന് ഇപ്പോള് ശരിക്കും വിയര്ക്കുകയാണ്. കള്ളം പറഞ്ഞും കള്ളം ചെയ്തും വെട്ടിപിടിച്ചതൊക്കെ ഒന്നോ രണ്ടോ വാക്ക് കൊണ്ട് സ്വപ്ന സുരേഷ് തകര്ക്കുകയാണ്.
കേവലമൊരു തട്ടിപ്പ്ുകാരി കേരള മുഖ്യമന്ത്രിയെ വെല്ലുവിളിക്കുന്നതരത്തിലേയക്ക് പിണറായിയുടെ ഗ്രാഫ് താഴ്ന്നിരിക്കുന്നു. കാരണം വെല്ലുവിളി ഏറ്റെടുക്കാനോ തള്ളിക്കളയാനോ പാര്ട്ടിയില് പോലും ആരുമില്ലെന്ന സ്ഥിതിയായി. പിണറായി വെല്ലുവിളി ഏറ്റെടുത്താല് സ്വപ്ന എന്തൊക്കെ തെളിവ് ഹാജരാക്കുമെന്നും അറിയില്ല. നിയമസഭയില് പച്ചക്കള്ളം എന്ന ഒറ്റ വാക്കു കൊണ്ട് മാത്യു കുഴല്നാടന്റെ വായടപ്പിച്ചെങ്കിലും പുറത്ത്സ്വപ്ന തെളിവുകള് നിരത്തിയപ്പോള് മുഖ്യന് പെട്ടുപോയി. ഇനി ഇതില് നിന്നെല്ലാം ഒരു മോചനം സാധ്യമാകുമോയെന്ന കാര്യം കണ്ടറിയണം.
https://www.facebook.com/Malayalivartha
