ചങ്ങനാശേരി എം സി റോഡിലെ തുരുത്തിയിൽ ആശങ്ക സൃഷ്ടിച്ച് കൊമ്പൻ്റെ പരാക്രമം*ഉത്സവശേഷം
ചങ്ങനാശ്ശേരിയിലേക്ക് ലോറിയിൽ ഇന്നലെ രാത്രിയിൽ കൊണ്ടുവന്ന വാഴപ്പള്ളി മഹാദേവൻ എന്ന ആനയാണ് ഇടഞ്ഞത്..
ഒന്നര മണിക്കൂറോളം നിന്ന ശേഷം പുറത്തിറങ്ങിയ ആന ലോറി കുത്തി മറിച്ചു.വിവരമറിഞ്ഞ് സ്ഥലത്ത് വൻജനാവലി തടിച്ചുകൂടി. വിറളിപൂണ്ട കൊമ്പൻ വൈദ്യുതി ലൈനും വലിച്ചുപൊട്ടിച്ചതോടെ നാട് കൂരിരുട്ടിൽ ആവുകയും ചെയ്തു.
ഇതിന് പിന്നാലെ എലിഫൻ്റ് സ്ക്വാഡ് എത്തി മയക്കു വെടിവച്ചു.
ആന ഇടഞ്ഞതോടെ മണിക്കൂറുകളാണ് എം സി റോഡിലെ തുരുത്തി ഭാഗത്ത് ഗതാഗത സ്തംഭനമുണ്ടായത്.

ബുധനാഴ്ച രാത്രി 10 മണിയോടെ ചങ്ങനാശേരി തുരുത്തി ഈശാനത്തുകാവ് ക്ഷേത്രത്തിനു സമീപമാണ് സംഭവം.
ഉത്സവത്തിനു കൊണ്ടുപോയ ശേഷം തിരികെ വാഹനത്തിൽ നിന്ന് ഇറക്കുന്നതിനിടെയാണ് ആനയിടഞ്ഞത്.
തുരുത്തിയിലെ ക്ഷേത്രത്തിനു സമീപത്തെ സ്വകാര്യ പുരയിടത്തിൽ കെട്ടാൻ എത്തിക്കുന്നതിനിടെയാണ് സംഭവം.
വാഹനത്തിൽനിന്ന് ഇറങ്ങാൻ കൂട്ടാക്കാതിരുന്ന ആന ലോറിയുടെ
കൈവരികൾ കുത്തിമറിച്ച ശേഷമാണ് വാഹനം തകർത്ത് റോഡിലേക്ക് ഇറങ്ങിയത്.
തുമ്പികൈ കൊണ്ട് സമീപത്തെ വൈദ്യുതി ലൈൻ വലിച്ചു പൊട്ടിച്ചും പരാക്രമം കാട്ടിയിരുന്നു.
ഇതോടെ പ്രദേശം പൂർണമായി ഇരുട്ടിലായി.
രാത്രി ഏറെ വൈകി വെറ്റിനറി വിഭാഗം അധികൃതർ എത്തി മയക്കു വെടിവച്ചു. തളയ്ക്കുകയായിരുന്നു.
ഇടഞ്ഞതിനാൽ ആനയുടെ സമീപത്തേക്ക് പാപ്പാൻമാർക്ക് പോകുന്നതിനും പ്രയാസം നേരിട്ടു.
ഇതോടെ തിരക്കേറിയ എം.സി റോഡിൽ ഗതാഗതം പൂർണമായും തടസ്സപെട്ടു.
ഇടറോഡുകളിലൂടെ വാഹനങ്ങൾ തിരിച്ചുവിട്ടാണ് ഗതാഗതം നിയന്ത്രിച്ചത്.