ബ്രഹ്മപുരം മാലിന്യപ്ലാന്റിലെ തീപിടുത്തത്തില്‍ ഹൈക്കോടതി നിയോഗിച്ച നിരീക്ഷണ സമിതി ഇന്ന് സ്ഥലം സന്ദര്‍ശിക്കും. രാവിലെ പത്ത് മണിക്ക് ശുചിത്വ മിഷന്‍ ഡയറക്ടറുടെ നേതൃത്വത്തിലുള്ള സംഘമാണ് സ്ഥലത്തെത്തുക.

തദ്ദേശ ഭരണ വകുപ്പ് ചീഫ് എഞ്ചിനീയര്‍, ജില്ലാ കലക്ടര്‍, മലിനീകരണ നിയന്ത്രണ ബോര്‍ഡ് ചീഫ് എന്‍വിയോണ്‍മെന്റല്‍ എഞ്ചിനീയര്‍, കോര്‍പ്പറേഷന്‍ സെക്രട്ടറി, കെല്‍സ സെക്രട്ടറി എന്നിവരാണ് മറ്റ് അംഗങ്ങള്‍. ബ്രഹ്മപുരം പ്രശ്‌നപരിഹാരത്തിന് പുതിയ കര്‍മ്മപദ്ധതി ഇന്ന് മുതല്‍ നടപ്പിലാക്കി തുടങ്ങുമെന്ന് ജില്ലാ ഭരണകൂടം .

അതേസമയം ബ്രഹ്മപുരം പ്ലാന്റിന് മുന്‍പില്‍ പുലര്‍ച്ചെയും പ്രതിഷേധം നടന്നു. പ്ലാന്റിലേക്ക് അമ്പതോളം മാലിന്യവണ്ടികള്‍ എത്തിച്ചതോടെയാണ് യൂത്ത് കോണ്‍ഗ്രസ് പ്രവര്‍ത്തകരുടെ നേതൃത്വത്തിലാണ് നാട്ടുകാര്‍ പ്രതിഷേധിച്ചത്. തുടര്‍ന്ന് പൊലീസ് സംരക്ഷണത്തില്‍ ലോറികള്‍ പ്ലാന്റിലെത്തിച്ചു.

കൊച്ചി നഗരത്തില്‍ നിന്ന് ശേഖരിച്ച മാലിന്യമാണ് പ്ലാന്റിനകത്ത് തീ പിടിത്തം ബാധിക്കാത്ത സ്ഥലത്തിടാന്‍ എത്തിച്ചത്. പ്രതിഷേധം കാരണം അമ്പലമേട് ഭാഗത്തേക്ക് മാലിന്യം എത്തിക്കാനായി കഴിയാതെ വന്നതോടെയാണ് ബ്രഹ്മപുരത്തേയ്ക്ക് തന്നെ കൊണ്ടുവന്നത്.

അതേസമയം തീ എന്നു കെടുത്താനാവുമെന്ന ചോദ്യത്തിന് ,രണ്ടുദിവസത്തിനുള്ളിലെന്ന് ഫയര്‍ഫോഴ്സ് അധഃസ്ഥിതന്‍, അധഃകൃതന്‍ പറഞ്ഞതായി കളക്ടര്‍ വിശദീകരിച്ചെങ്കിലും, ഡിവിഷന്‍ബെഞ്ച് ഈ മറുപടിയില്‍ തൃപ്തരായില്ല. രണ്ടു ദിവസം കഴിഞ്ഞ് വീണ്ടും സമയം വേണമെന്ന് പറഞ്ഞാല്‍ എന്തു ചെയ്യുമെന്ന് ചോദിച്ച ഹൈക്കോടതി,തീ അണയ്ക്കാനും പുക നിയന്ത്രിക്കാനുമുള്ള ബദല്‍ സംവിധാനങ്ങള്‍ നോക്കാനും നിര്‍ദ്ദേശിച്ചു.

ബ്രഹ്മപുരം പ്‌ളാന്റിലെ തീപിടിത്തെത്തുടര്‍ന്ന് സ്വമേധയാ എടുത്ത ഹര്‍ജി ജസ്റ്റിസ് എസ്.വി. ഭട്ടി, ജസ്റ്റിസ് ബസന്ത് ബാലാജി എന്നിവരുള്‍പ്പെട്ട ഡിവിഷന്‍ ബെഞ്ചാണ് പരിഗണിക്കുന്നത്. പുറത്ത് അന്തരീക്ഷത്തില്‍ പുക മൂടിക്കിടക്കുന്നത് കോടതി മുറിയിലിരുന്ന് ഡിവിഷന്‍ ബെഞ്ച് ചൂണ്ടിക്കാട്ടി. പുക നിമിത്തം തങ്ങള്‍ക്കും കോടതി ജീവനക്കാര്‍ക്കും തലവേദനയടക്കമുള്ള ആരോഗ്യപ്രശ്‌നങ്ങള്‍ ഉണ്ടായെന്നും, ഫലപ്രദമായ നടപടിയുണ്ടായില്ലെങ്കില്‍ സ്വരം കടുപ്പിക്കേണ്ടിവരുമെന്നും ഡിവിഷന്‍ ബെഞ്ച് പറയുകയുണ്ടായി.