വീടിനുള്ളില് തീപടര്ന്ന് അമ്മയും മകനും വെന്തുമരിച്ച സംഭവത്തില് ഇരുവരുടെയും ശരീരത്തു നേരിട്ട് പൊള്ളലേറ്റിട്ടില്ല... വീട്ടിലെ ഉപകരണങ്ങളെല്ലാം കത്തി നശിച്ച നിലയില്... വിവാഹമോചനം നേടിയതിനെത്തുടര്ന്ന് സോണി ഇന്ന് ജീവനാംശം കെട്ടിവയ്ക്കേണ്ടതായിരുന്നു.. മകന്റെ ആസൂത്രണമെന്ന് നിഗമനം
വീടിനുള്ളില് തീപടര്ന്ന് അമ്മയും മകനും വെന്തുമരിച്ച സംഭവത്തില് ഇരുവരുടെയും ശരീരത്തു നേരിട്ട് പൊള്ളലേറ്റിട്ടില്ല... വീട്ടിലെ ഉപകരണങ്ങളെല്ലാം കത്തി നശിച്ച നിലയിലാണ്.
എന്നാല് രണ്ടു പേരുടെയും ശരീരത്ത് നേരിട്ട് പൊള്ളലേറ്റിട്ടില്ല. തേവലക്കര അരിനല്ലൂര് സന്തോഷ് ഭവനില് പരേതനായ വര്ഗീസിന്റെ ഭാര്യ ലില്ലി വര്ഗീസ് (62) മകന്, സെക്രട്ടേറിയറ്റില് പൊതുഭരണ വകുപ്പില് അസി.സെക്ഷന് ഓഫിസര് സോണി വര്ഗീസ് (38) എന്നിവരാണ് മരിച്ചത്.
ഇന്നലെ രാവിലെ 8ന് വീടിനുള്ളില് നിന്ന് പുക ഉയരുന്നത് കണ്ട് അയല്വാസികള് വിവരമറിയിച്ചതിനെ തുടര്ന്ന് പൊലീസ് എത്തി കതക് പൊളിച്ചു കയറിയപ്പോള് ഇരുവരെയും ഹാളില് മരിച്ച നിലയില് കണ്ടെത്തുകയായിരുന്നു.
എല്ലാ മുറികളിലും പെട്രോള് ഒഴിച്ച് കത്തിച്ചതിനെ തുടര്ന്ന് ചൂടും പുകയും ഏറ്റു വെന്തു മരിച്ചതായാണ് പ്രാഥമിക നിഗമനത്തിലുളളത്. വിവാഹമോചനം നേടിയതിനെത്തുടര്ന്ന് സോണി ഇന്ന് ജീവനാംശം കെട്ടിവയ്ക്കേണ്ടതായിരുന്നു. രാത്രി കുപ്പിയില് പെട്രോള് വാങ്ങിയിരുന്നതായി അയല്വാസികള് പൊലീസിനോട് പറഞ്ഞു.
ചവറ, ശാസ്താംകോട്ട എന്നിവിടങ്ങളില് നിന്നുള്ള അഗ്നിരക്ഷാസേനയാണ് വീടിനുള്ളിലെ തീ അണച്ചത്. തെക്കുംഭാഗം പൊലീസ് ഇന്ക്വസ്റ്റ് തയ്യാറാക്കി മൃതദേഹങ്ങള് ജില്ലാ ആശുപത്രിയില് പോസ്റ്റ്മോര്ട്ടം ചെയ്യുകയും ചെയ്തു. സംസ്കാരം നടത്തി.
ആന്റണി വര്ഗീസ് (സന്തോഷ്) ലില്ലിയുടെ മറ്റൊരു മകനാണ്.
അതേസമയം ഈ സംഭവം മകന് ആസൂത്രിതമായി ചെയ്തതെന്നു നിഗമനം ശക്തിപ്പെടുന്നു. സാഹചര്യ തെളിവുകള് അപഗ്രഥിച്ചു പൊലീസിന്റെയും ഫൊറന്സിക് വിഭാഗത്തിന്റെയും മൃതദേഹം പരിശോധിച്ച ഡോക്ടറുടെ ആദ്യ നിഗമനം ഇത്തരത്തിലുള്ളതാണ്. സോണി വ്യാഴം രാത്രി പ്ലാസ്റ്റിക് കുപ്പിയില് പെട്രോള് വാങ്ങി സൂക്ഷിച്ചിരുന്നു. തന്റെ ഇരുചക്രവാഹനത്തില് പെട്രോള് തീര്ന്നതായി ധരിപ്പിച്ച് അയല്വാസിയുടെ വാഹനം വാങ്ങിയാണു പെട്രോള് പമ്പില് പോയത്. വീടിന്റെ ഗേറ്റ്, മറ്റു വാതിലുകള്, ജനാലകള് എന്നിവ അകത്തുനിന്നു ബന്ധിച്ചിരുന്നു. മുന് വാതില് ബലംപ്രയോഗിച്ചു തുറക്കാന് ശ്രമിച്ചാലും സാധിക്കാതിരിക്കാനായി ഫ്രിജ് ചേര്ത്തു വച്ചിട്ടുണ്ടായിരുന്നു.
കത്തിക്കാന് ഉപയോഗിക്കുന്ന സാധനങ്ങള് വാരിക്കൂട്ടി എല്ലാം മുറികളിലും തീ കൊളുത്തിയതായി ആദ്യ കാഴ്ചയില് തന്നെ മനസ്സിലാക്കാവുന്ന നിലയിലായിരുന്നു. ഇതിനു പെട്രോള് ഉപയോഗിച്ചതായാണു കണക്കാക്കുന്നത്. പകുതി പെട്രോളുമായി കുപ്പി വീടിനുള്ളില് നിന്നു പൊലീസ് കണ്ടെടുത്തു. പുലര്ച്ചെ രണ്ടരയോടെ പ്ലാസ്റ്റിക് കത്തുന്ന ഗന്ധം പരിസരത്തു വ്യാപിച്ചെങ്കിലും പ്രദേശവാസികള് കാര്യമാക്കിയില്ല.
രാവിലെ വീടിനുള്ളില് നിന്നു പുക ഉയരുന്നത് കണ്ടതോടെയാണ് അയല്വാസികളില് സംശയം ജനിച്ചത്. ഗേറ്റ് തുറക്കാനായികഴിയാത്തതിനെത്തുടര്ന്നു പൊലീസിലും അഗ്നിരക്ഷാ നിലയത്തിലും വിവരം അറിയിക്കുകയായിരുന്നു. കുടുംബം സാമ്പത്തിക പ്രതിസന്ധിയിലായിരുന്നു. ഇതിനിടെ വിവാഹമോചനവും ജീവനാംശവും നല്കേണ്ടി വരുന്നതും കൂടുതല് സാമ്പത്തിക പ്രതിസന്ധിയിലാക്കിയതായാണു പൊലീസിന്റെ പ്രാഥമിക അന്വേഷണത്തിലുള്ളത്.
https://www.facebook.com/Malayalivartha
