കൊല്ലം മുഖത്തല മുരാരി ക്ഷേത്രത്തിന്റെ മുന്നിലാണ് ​ഗോവിന്ദൻമാഷിന്റെ യാത്രയുടെ വലിയ കട്ടൗട്ട് സ്ഥാപിച്ചത്. ക്ഷേത്രത്തിന്റെ ശ്രീകോവിലിന് അഭിമുഖമായാണ് അനഭിമുഖമായി ​ഗോവിന്ദൻമാഷിന്റെ കൂറ്റൻ കട്ടൗട്ട് സ്ഥാപിച്ചത്. സംഭവത്തിൽ വലിയ പ്രതിഷേധമാണ് ഉയർന്നത്. മലയാളി വാർത്തയാണ് ഇത് റിപ്പോർട്ട് ചെയ്തത്. തുടർന്ന് രാത്രി തന്നെ സിപിഎം കട്ടൗട്ട് മാറ്റി.
തിരുവിതാംകൂർ ദേവസ്വം ബോർഡിന് കീഴിലുളള ഈ ക്ഷേത്രത്തിന് ഏറെ പഴക്കമുണ്ട്. മുഖത്തല മുരാരി ക്ഷേത്രത്തിൽ നാനാ ദേശത്ത് നിന്നുളളവരാണ് ആരാധനയ്ക്കായി എത്തുന്നത്. 

കൊല്ലം ജില്ലയിലെ ഏറ്റവും അവസാനത്തെ ഉത്സവമാണ് ഇവിടെ. തിരുവാഭരണം വഹിച്ചുളള ഘോഷയാത്ര ഏറെ പ്രശസ്തമാണ്. ക്ഷേത്രത്തിന് മുന്നിൽ വിശ്വാസികളെ അപമാനിച്ച് കൊണ്ടുളള ഈ കട്ടൗട്ട് മാറ്റിയില്ലെങ്കിൽ ശക്തമായ പ്രക്ഷോഭം നടത്തുമെന്ന് വിശ്വാസികൾ പറഞ്ഞു. ഏറ്റവും കൂടുതൽ വിശ്വാസികൾ തൊഴാനെത്തുന്ന ക്ഷേത്രം കൂടിയാണ് ഇത്. വാഹനങ്ങളിൽ പോകുന്നവർ ഉൾപ്പടെ ക്ഷേത്രത്തിന് മുന്നിലെത്തുമ്പോൾ നമസ്കരിക്കുക പതിവാണ്. ശ്രീകോവിലിന് മുന്നിൽ ഈ കട്ടൗട്ട് ഉയർന്നത് വലിയ പ്രതിഷേധത്തിനാണ് ഇടയാക്കിയത്. ഭരണസമിതിയിൽ കൂടുതൽ പേർ സിപിഎം ആയതിനാൽ ഇത്തരം നടപടികൾ ഇനിയും ഉണ്ടാകുമെന്ന് വിശ്വാസികൾ പറഞ്ഞു. ഏതായാലും കട്ടൗട്ട് മാറ്റിയതിന്റെ സന്തോഷത്തിലാണ് വിശ്വാസികൾ

ബിനുപളളിമൺ