കേരളത്തിലേക്ക് കുതിച്ച് രാഷ്ട്രപതി ദ്രൗപതി മുർമു. നാളെ അതായത് 16 ആം തീയതി രാഷ്ട്രപതി കൊച്ചിയിലെത്തുകയാണ്. എന്താണ് രാഷ്ട്രപതിയുടെ വരവിന്റെ ഉദ്ദേശമെന്ന് സാധാരണയായി ചോദ്യം മനസ്സിൽ ഉയരും. നാവികസേനയുടെ ആയുധ പരിശീലന കേന്ദ്രമായ ഐ.എൻ.എസ് ദ്രോണാചാര്യക്ക് പ്രസിഡന്റ്‌സ് കളർ അവാർഡ് രാഷ്ട്രപതി സമ്മാനിക്കും . മാത്രമല്ല ഐ.എൻ.എസ് വിക്രാന്ത് സന്ദർശിക്കുകയും ചെയ്യും.

ഫോർട്ടു കൊച്ചിയിൽ ഐ.എൻ.എസ് ദ്രോണാചാര്യയിലാണ് പ്രസിഡന്റ്‌സ് കളർ അവാർഡ് ചടങ്ങ് നടക്കുന്നത്. നാളെ വൈകിട്ട് 4.30നാണ് എത്തുന്നത്. പ്രത്യേക പതാകയും ഓഫീസർമാരുടെ യൂണിഫോമിൽ ധരിക്കുന്ന ബാഡ്ജും ഉൾപ്പെട്ട അവാർഡാണ് നൽകുന്നത്. രാഷ്ട്രപതിയുടെ സന്ദർശനത്തോടനുബന്ധിച്ച് നാളെ ഉച്ചയ്ക്ക് 1 മുതൽ വൈകിട്ട് 6 വരെ കൊച്ചി നഗരത്തിലും പശ്ചിമകൊച്ചി പ്രദേശങ്ങളിലും ഗതാഗത നിയന്ത്രണം ഏർപ്പെടുത്തിയിട്ടുണ്ട്.

അതേസമയം സംസ്ഥാനത്ത് സന്ദർശനത്തിനെത്തുന്ന രാഷ്ട്രപതി ദ്രൗപദി മുർമുവിന് 17ആം തീയതി ഉച്ചയ്ക്ക് ഒന്നരയ്ക്ക് ഹോട്ടൽ ഗ്രാൻഡ്ഹയാത്തിൽ ഗവർണർ ആരിഫ് മുഹമ്മദ് ഖാൻ സദ്യ നൽകും. മുഖ്യമന്ത്രി, മന്ത്രിമാർ അടക്കം 82പേർക്കാണ് സദ്യ. രാജ്ഭവനിൽ അറ്റകുറ്റപ്പണി നടക്കുന്നതിനാൽ ഹോട്ടലിലാണ് രാഷ്ട്രപതി താമസിക്കുന്നത്. എന്നതും ശ്രദ്ധേയമായ കാര്യമാണ്. രാഷ്ട്രപതിയായശേഷം ആദ്യമായി കേരളത്തിലെത്തുന്ന ദ്രൗപതി മുർമുവിന്റെ ബഹുമാനാർഥമാണ് ഗവർണറുടെ വിരുന്ന്.

ശനിയാഴ്ച ഉച്ചയ്ക്ക് ഹോട്ടൽ ഹയാത്തിലാണ് സത്കാരം. കേരളീയസദ്യയാണ് സസ്യഭുക്കായ രാഷ്ട്രപതിക്ക് ഒരുക്കുന്നത്. എന്നാൽ, വിരുന്നിൽ മത്സ്യ, മാംസ വിഭവങ്ങളും ഉണ്ടാകും. സാധാരണ രാഷ്ട്രപതി രാജ്ഭവനിലെ വി.ഐ.പി. സ്യൂട്ടിലാണ് താമസിക്കാറെങ്കിലും ഇപ്രാവശ്യം സ്വകാര്യഹോട്ടലിലാണ് താമസം. ഗവർണർ താമസിക്കുന്ന പഴയ കെട്ടിടത്തിൽ അറ്റകുറ്റപ്പണി നടക്കുന്നതിനാൽ അദ്ദേഹം വി.ഐ.പി. സ്യൂട്ടിലാണ് താമസം. 17-ന് രാത്രി തിരുവനന്തപുരത്ത് എത്തുന്ന രാഷ്ട്രപതി പിറ്റേന്ന് വൈകീട്ട് ലക്ഷദ്വീപിലേക്ക് പോകും.