രാഷ്ട്രപതി ദ്രൗപതി മുര്മു ഇന്ന് കേരളത്തിലെത്തും.... സംസ്ഥാന സര്ക്കാരിന്റെ പൗരസ്വീകരണത്തിലും മറ്റ് ഔദ്യോഗിക പരിപാടികളിലും പങ്കെടുക്കും... കന്യാകുമാരി, ലക്ഷദ്വീപ് ഉള്പ്പെടെ ആറു ദിവസത്തെ സന്ദര്ശനത്തിനുശേഷം ചൊവ്വാഴ്ച കൊച്ചി അന്താരാഷ്ട്ര വിമാനത്താവളത്തില് നിന്ന് ഡല്ഹിയിലേയ്ക്ക് മടങ്ങും
രാഷ്ട്രപതി ദ്രൗപതി മുര്മു ഇന്ന് കേരളത്തിലെത്തും. വ്യാഴാഴ്ച ഉച്ചയ്ക്ക് 1.40ന് കൊച്ചി അന്താരാഷ്ട്ര വിമാനത്താവളത്തില് എത്തുന്ന രാഷ്ട്രപതി അവിടെ നിന്നും ഐഎന്എസ് ഗരുഡയില് എത്തിയശേഷം ഇന്ഡ്യന് നേവിയുടെ വിവിധ പരിപടികളില് പങ്കെടുക്കും. ഇതിനുശേഷം വൈകുന്നേരം 7.20ന് തിരുവനന്തപുരത്ത് എത്തുന്ന രാഷ്ട്രപതി ഹോട്ടല് ഹയാത്ത് റീജന്സിയില് താമസിക്കും.
നാളെ രാവിലെ കൊല്ലം മാതാ അമൃതാനന്ദമയി മഠം സന്ദര്ശിക്കും. തിരികെ തിരുവനന്തപുരത്ത് എത്തി കവടിയാര് ഉദയ് പാലസ് കണ്വെന്ഷന് സെന്ററില് സംഘടിപ്പിക്കുന്ന സംസ്ഥാന സര്ക്കാരിന്റെ പൗരസ്വീകരണത്തിലും മറ്റ് ഔദ്യോഗിക പരിപാടികളിലും പങ്കെടുക്കും. മാര്ച്ച് 18ന് രാവിലെ കന്യാകുമാരി സന്ദര്ശിക്കുന്ന രാഷ്ട്രപതി തിരികെയെത്തിയ ശേഷം ഉച്ചയ്ക്ക് ലക്ഷദ്വീപിലേയ്ക്ക് പോകും.
ലക്ഷദ്വീപ് സന്ദര്ശനത്തിന് ശേഷം 21ന് ഉച്ചയ്ക്ക് കേരളത്തിലെത്തുന്ന രാഷ്ട്രപതി കൊച്ചി അന്താരാഷ്ട്ര വിമാനത്താവളത്തില് നിന്ന് ഡല്ഹിയിലേയ്ക്ക് മടങ്ങും.
https://www.facebook.com/Malayalivartha
