ബ്രഹ്മപുരം മാലിന്യസംസ്കരണ പ്ലാന്റിലെ തീപിടിത്തത്തെ തുടര്ന്നുണ്ടായ പ്രതിസന്ധി പരിഹരിക്കാന് ഒരു കോടി രൂപ സഹായം പ്രഖ്യാപിച്ച് ലുലു ഗ്രൂപ്പ് ചെയര്മാന് എംഎ യൂസഫലി
ബ്രഹ്മപുരം മാലിന്യസംസ്കരണ പ്ലാന്റിലെ തീപിടിത്തത്തെ തുടര്ന്നുണ്ടായ പ്രതിസന്ധി പരിഹരിക്കാന് ഒരു കോടി രൂപ സഹായം പ്രഖ്യാപിച്ച് ലുലു ഗ്രൂപ്പ് ചെയര്മാന് എംഎ യൂസഫലി.
കനത്ത പുകയെ തുടര്ന്ന് ശ്വാസ സംബന്ധമായ പ്രശ്നങ്ങള് അനുഭവിക്കുന്നവര്ക്കു വൈദ്യസഹായം എത്തിക്കാനും ബ്രഹ്മപുരത്ത് കൂടുതല് മെച്ചപ്പെട്ട മാലിന്യസംസ്കരണ സംവിധാനം ഉറപ്പാക്കാനുമായാണ് അടിയന്തരമായി തുക കൈമാറുന്നതെന്നു യൂസഫലി അറിയിച്ചു.
കൊച്ചി മേയര് അഡ്വ.എം അനില് കുമാറിനെ ഫോണില് വിളിച്ചാണ് യൂസഫലി ഇക്കാര്യമറിയിച്ചത്. ലുലു ഗ്രൂപ്പ് പ്രതിനിധികള് തുക ഉടന് കോര്പറേഷനു കൈമാറും.
അതേസമയം ജനപങ്കാളിത്തത്തോടെ നഗരസഭ ഏറ്റെടുക്കാന് പോകുന്ന കൊച്ചിയെ ശുചീകരിക്കാനുള്ള ക്യാമ്പയിനിലേക്കാണ് യൂസഫലിയുടെ സഹായം. ഇതിലേക്ക് എല്ലാവരുടേയും പിന്തുണ വേണമെന്നും മേയര് ആവശ്യപ്പെടുകയുണ്ടായി.
'നമ്മളെല്ലാവരും ഒത്തുപിടിച്ചാല് ക്ലീന് ഗ്രീന് കൊച്ചി (ഒഋഅഘ പദ്ധതി )പദ്ധതിക്ക് ആവശ്യമായ സാമ്പത്തിക സഹായം ലഭിക്കും എന്നതിന്റെ ഉറപ്പാണ് യൂസഫലിയുടെ പിന്തുണ. സംഭാവനയായി ലഭിക്കുന്ന തുക എങ്ങനെ ചെലവഴിക്കുന്നു എന്നത് സുതാര്യമായി ജനങ്ങളെ അറിയിക്കും എന്ന് കൂടി ഉറപ്പു നല്കുന്നു. നമുക്കൊന്നിച്ച് കൊച്ചിയുടെ മുഖം കൂടുതല് സുന്ദരമാക്കാം' കൊച്ചി മേയര് ഫെയ്സ്ബുക്കിലൂടെ അറിയിച്ചിരിക്കുകയാണ്.
https://www.facebook.com/Malayalivartha
