നിയമസഭയിലെ അസാധാരണ സംഘര്ഷം... സ്പീക്കര് വിളിച്ച കക്ഷിനേതാക്കളുടെ യോഗം ഇന്ന് ... ചോദ്യോത്തരവേള മുതല് ഇന്ന് വീണ്ടും സംഘര്ഷത്തിലേക്ക് നീങ്ങാന് സാധ്യത?
നിയമസഭയിലെ അസാധാരണ സംഘര്ഷത്തിന്റെ പശ്ചാത്തലത്തില് സ്പീക്കര് വിളിച്ച കക്ഷിനേതാക്കളുടെ യോഗം ഇന്ന് രാവിലെ എട്ടിന് നടക്കും. മര്ദ്ദിച്ച വാച്ച് ആന്റ് വാര്ഡുകള്ക്കെതിരെ നടപടി ആവശ്യപ്പെട്ട് 6 പ്രതിപക്ഷ എംഎല്എമാര് സ്പീക്കര്ക്ക് പരാതി നല്കിയിരിക്കുകയാണ്. പ്രതിപക്ഷ എംഎല്എമാര് മര്ദിച്ചെന്നാണ് വനിതാ വാച്ച് ആന്റ് വാര്ഡുകളുടെ പരാതി. പരാതികളില് സ്പീക്കര് എടുക്കുന്ന നടപടിയാണ് പ്രധാനമായിട്ടുള്ളത്.
നടപടി ഉണ്ടായില്ലെങ്കില് ഇന്നത്തെ സഭാ നടപടികളുമായി പ്രതിപക്ഷം സഹകരിക്കാനിടയില്ല. ചോദ്യോത്തരവേള മുതല് പ്രശ്നം വീണ്ടും സംഘര്ഷത്തിലേക്ക് നീങ്ങിയേക്കും. പ്രതിപക്ഷ നേതാവ് മന്ത്രി റിയാസിനെതിരെ നടത്തിയ മരുമകന് -മാനേജ്മെന്റ് ക്വാട്ട പരാമര്ശത്തിലും റിയാസിന്റെ വാഴപ്പിണ്ടി പ്രയോഗത്തിലും ഭരണപക്ഷവും പ്രതിപക്ഷവും പരസ്പരം ഇന്ന് ഏറ്റുമുട്ടാന് സാധ്യതയേറെയുണ്ട്.
അടിയന്തരപ്രമേയ നോട്ടീസ് തുടര്ച്ചയായി നിരാകരിച്ചതിനെതിരെ സ്പീക്കറുടെ ഓഫീസ് പ്രതിപക്ഷം ഉപരോധിക്കുന്നതിനിടെയാണ് ഇന്നലെ പ്രതിഷേധം സംഘര്ഷത്തിലേക്ക് മാറിയത്.
പ്രതിപക്ഷവും വാച്ച് ആന്റ് വാര്ഡും തമ്മില് സംഘര്ഷവുമുണ്ടായി. ഭരണപക്ഷ എംഎല്എമാരും ആക്രമിച്ചെന്ന് പ്രതിപക്ഷം പരാതിപ്പെട്ടു. സംഘര്ഷത്തില് കെ കെ.രമ, സനീഷ് കുമാര് ജോസഫ് എന്നീ എംഎല്എമാര്ക്കും വനിതകളടക്കം 8 വാച്ച് ആന്റ് വാര്ഡിനും പരിക്കേല്ക്കുകയും ചെയ്തു.
ഇതുവരെ കാണാത്ത പ്രതിഷേധങ്ങള്ക്കും സംഘര്ഷത്തിനുമാണ് കേരള നിയമസഭാ ഇന്നലെ രാവിലെ സാക്ഷ്യം വഹിക്കുകയുണ്ടായത്.
https://www.facebook.com/Malayalivartha
