ലോക്കപ്പില് ആത്മഹത്യ ശ്രമം... ഷര്ട്ട് ഉപയോഗിച്ച് കഴുത്തില് കുരുക്കിട്ടാണ് ആത്മഹത്യാ ശ്രമം നടത്തിയത്
കസ്റ്റഡിയില് എടുത്ത യുവാവ് ലോക്കപ്പില് ആത്മഹത്യക്ക് ശ്രമിച്ചു. ആലപ്പുഴയിലെ വള്ളികുന്നം സ്റ്റേഷനില് ചൊവ്വാഴ്ച രാത്രിയായിരുന്നു സംഭവം. ലോക്കപ്പിലെ ശുചി മുറിയിലാണ് ഇലിപ്പക്കുളം പ്രകാശ് ഭവനത്തില് പ്രിന്സാണ് ( 23 ) ആത്മഹത്യക്ക് ശ്രമിച്ചത്. പ്രിന്സിനെയും സുഹൃത്ത് അശ്വിനെയുമാണ് (21) പൊലീസ് കസ്റ്റഡിയില് എടുത്തത്. ഇരുവരും മദ്യ ലഹരിയിലായിരുന്നുവെന്ന് പൊലീസ് പറയുന്നു.
എന്നാല് ഇവരെ യഥാസമയം മെഡിക്കല് പരിശോധനക്ക് വിധേയമാക്കാതിരുന്നത് പൊലീസുകാരുടെ വീഴ്ചയായി. സ്റ്റേഷനില് എത്തിച്ച ഇരുവരെയും ലോക്കപ്പ് മുറിയില് അടക്കുകയായിരുന്നു. ഷര്ട്ട് ഉപയോഗിച്ച് കഴുത്തില് കുരുക്കിട്ടാണ് ആത്മഹത്യക്ക് ശ്രമിച്ചെന്നാണ് വിവരം. നിരീക്ഷണ കാമറയിലൂടെ സംഭവം പാറാവ് ചുമതലക്കാരന്റെ ശ്രദ്ധയില്പ്പെട്ടുകയായിരുന്നു.
തുടര്ന്ന് ഇയാളെ കറ്റാനത്തെ സ്വകാര്യാശുപതിയിലും അവിടെ നിന്ന് കായംകുളം ഗവ. ആശുപത്രിയിലും പിന്നീട് ആലപ്പുഴ മെഡിക്കല് കോളജിലേക്കും മാറ്റി. ഇവരെ കസ്റ്റഡിയില് എടുക്കുമ്പോള് മദ്യലഹരിയില് പിടിച്ചവരെ വൈദ്യ പരിശോധനക്ക് വിധേയമാക്കണമെന്ന നിയമം പാലിച്ചില്ലെന്നാണ് ആരോപണം.
https://www.facebook.com/Malayalivartha
