മാവോയിസ്റ്റുകളെ പൊക്കാന്‍ ഇടയ്ക്കിടെ വയനാടന്‍ കാടുകള്‍ക്ക് മുകളിലൂടെ വെറുതെ ഹെലികോപ്ടര്‍ പറത്തിയിട്ട് കാര്യമില്ല. മാവോയിസ്റ്റുകള്‍ രംഗത്തേക്ക് ഇറങ്ങിക്കഴിഞ്ഞു. കോഴിക്കോട് പന്തീരാങ്കാവില്‍ മാവോയിസ്റ്റ് നേതാവ് പിടിയിലായിരിക്കുന്നത് അന്യസംസ്താനതൊഴിലാളികള്‍ക്കിടയില്‍ നിന്ന്. ഇപ്പോഴും മാവോയിസ്റ്റുകളെ തപ്പി കാട് അരിച്ചുപെറുക്കുന്ന തണ്ടര്‍ബോള്‍ട്ടും പോലീസും കേള്‍ക്കാന്‍ പോരാളികള്‍ കാടിറങ്ങി ഇപ്പോള്‍ നാട്ടില്‍ വിഹരിച്ച് തുടങ്ങി. ഝാര്‍ഖണ്ഡ് സ്വദേശി അജയ് ഒരോണ്‍ ആണ് പിടിയിലായത്. ഇതര സംസ്ഥാന തൊഴിലാളി ക്യാമ്പില്‍ ഒന്നരമാസമായി ഒളിവില്‍ കഴിയുകയായിരുന്നു ഇയാള്‍.

കേരള പൊലീസിന്റെ സഹായത്തോടെയാണ് പ്രത്യേക അന്വേഷണ സംഘം ഇയാളെ പിടികൂടിയത്. 2007ല്‍ ജാര്‍ഖണ്ഡില്‍ രൂപീകരിച്ച മാവോയിസ്റ്റ് അനുകൂല സായുധ വിഭാഗമായ പീപ്പിള്‍സ് ലിബറേഷന്‍ ഫ്രണ്ട് ഒഫ് ഇന്ത്യയുടെ നേതാവാണ് അജയ് ഓജാന്‍ എന്ന് പൊലീസ് അറിയിച്ചു. ഇയാള്‍ നേരത്തേ തടവ് ശിക്ഷ അനുഭവിച്ചിട്ടുണ്ട്. കല്‍പ്പണി ചെയ്ത് പന്തീരാങ്കാവില്‍ കഴിയുകയായിരുന്ന ഇയാള്‍, കൈമ്പലത്തുള്ള മരമില്ലിന് സമീപമുള്ള വാടക മുറിയില്‍ നിന്നാണ് പിടിയിലാകുന്നത്. ഝാര്‍ഖണ്ഡ് പോലീസിന്റെ അപേക്ഷ പ്രകാരം പന്തീരാങ്കാവ് പോലീസാണ് ഇയാളെ അറസ്റ്റ് ചെയ്തത്. പന്തീരങ്കാവ് പോലീസ് സ്റ്റേഷനിലുള്ള ഇയാളെ നടപടിക്രമങ്ങള്‍ പൂര്‍ത്തിയാക്കി ഝാര്‍ഖണ്ഡിലേക്ക് കൊണ്ടുപോകും. ആയുധ നിയമപ്രകാരമുള്ള കേസില്‍ നേരത്തെ 11 മാസം ഇയാള്‍ ജയിലിലായിരുന്നു. 2019ന് ശേഷം നാലുതവണ ഇയാള്‍ കേരളത്തില്‍ വന്നതായാണ് വിവരം.

അന്യസംസ്ഥാന തൊഴിലാളികള്‍ക്കിയില്‍ ഭീകരരും മാവോയിസ്റ്റുകളും കടന്ന് കൂടുകയാണ്. ഇതൊന്നും കേരള പോലീസ് അറിയുന്നതേയില്ല. മറ്റ് സംസ്ഥാനങ്ങളില്‍ നിന്ന് വിവരം ലഭിക്കുമ്പോഴാണ് ഇതൊക്കെ കേരള പോലീസ് അറിയുന്നത്. ഒളിത്താവളമായ് ഇക്കൂട്ടരെല്ലാം ഇപ്പോള്‍ സേഫായ് കാണുന്നയിടം അന്യസംസ്ഥാന തൊഴിലാളികളുടെ ക്യാമ്പുകളാണ്. കോഴിക്കോട് ട്രെയ്ന്‍ തീവെപ്പിന് ശേഷം അന്യസംസ്ഥാന തൊഴിലാളികളേക്കുറിച്ചുള്ള വലിയ ചര്‍ച്ച നടക്കുമ്പോഴാണ് അടുത്ത സുരക്ഷ വീഴ്ച പുറത്ത് വന്നിരിക്കുന്നത്. ഇപ്പോഴും അതിഥി തൊഴിലാളികളുടെ കൃത്യമാ കണക്കെടുക്കാനോ ഇവരേക്കുറിച്ചുള്ള വിവരങ്ങല്‍ ശേഖരിക്കാോ പോലീസോ ബന്ധപ്പെട്ട ഉദ്യോഗസ്ഥരോ തയ്യാറായിട്ടില്ല. ഝാര്‍ഖണ്ഡ് പോലീസ് വിവരം അറിയിച്ചത് കൊണ്ട് കേരള പോലീസ് ഇക്കാര്യം അറിഞ്ഞു. അല്ലെങ്കിലും ഇയാളും കേരളത്തില്‍ എന്തെങ്കിലും ആക്രമണം പദ്ധതിയിട്ട് നടപ്പാക്കിയേനേ. ഇപ്പോഴും മാവോയിസ്റ്റ് കേട്ടാല്‍ കാടുകയറുകയാണ് പതിവ്. അവരും രീതികള്‍ മാറ്റിപ്പിടിച്ച് കഴിഞ്ഞു. മുഖ്യധാരയിലേക്ക് നുഴഞ്ഞുകയറുന്നു. ഇപ്പോഴും കേരള പോലീസിന് നേരംവെളുത്തിട്ടില്ല.

കേരളം അതീവഗൗരവമായ് ചര്‍ച്ച ചെയ്യേണ്ട വിഷയം തന്നെയാണ് അതിഥിതൊഴിലാളികളേക്കുറിച്ച്. ഇവര്‍ക്കിടയില്‍ കയറിക്കൂടിയിരിക്കുന്ന ക്രിമിനലുകളേക്കുറിച്ചുള്ള വിവരങ്ങള്‍ തേടണം. അന്വേഷണം ശക്തമാക്കുകയും വേണം. പെരുമ്പാവൂരില്‍ നിന്ന് അല്‍ഖ്വയ്ദ ഭീകരനെ പൊക്കിയത്. ഷഹറൂഖ് കയറിക്കൂടിയതും അതിഥി തൊഴിലാളികള്‍ക്കൊപ്പം. ബംഗ്ലാദേശികളും,റോഹിങ്ക്യന്‍സും എല്ലാം ഇക്കൂട്ടത്തിലുണ്ട്. എന്ത് സുരക്ഷയാണ് കേരളത്തിലുള്ളത്. ആര്‍ക്കുവേണേലും എപ്പോള്‍ വേണമെങ്കിലും കയറി ഇറങ്ങി നിരങ്ങാമെന്ന അവസ്ഥയാണ് കേരളത്തിലുള്ളത്. അതും കേരള പോലീസ് അറിഞ്ഞിട്ടില്ല എന്‍ഐഎ വന്ന് പൊക്കിയപ്പോഴാണ് അവരും അറിയുന്നത്. ആഭ്യന്തരം നല്ല തോല്‍വിയാണ്. ഇനി ഭരണസിരാ കേന്ദ്രത്തില്‍ക്കേറി ആരേലും ബോംബിട്ടാലും ഇവരാരും അറിയില്ല.