പോക്കറ്റ് കാലിയാകാതെ നോക്കണേ.... ഗതാഗത നിയമ ലംഘനങ്ങള് നാളെ മുതല് ക്യാമറ പിടിക്കും... സംസ്ഥാനത്തെ നിരത്തുകള് മോട്ടോര്വാഹനവകുപ്പിന്റെ നിരീക്ഷണവലയത്തിലാകുന്നു...
ഗതാഗത നിയമ ലംഘനങ്ങള് നാളെ മുതല് ക്യാമറ പിടിക്കും... സംസ്ഥാനത്തെ നിരത്തുകള് മോട്ടോര്വാഹനവകുപ്പിന്റെ നിരീക്ഷണവലയത്തിലാകുന്നു... ഗതാഗതനിയമങ്ങള് കൃത്യമായി പാലിച്ചില്ലെങ്കില് നാളെ മുതല് പോക്കറ്റ് കാലിയാകും.
കുറ്റകൃത്യങ്ങള് സ്വയം കണ്ടെത്തി പിഴയീടാക്കാനായി കഴിയുന്ന 726 അത്യാധുനിക നിരീക്ഷണക്യാമറകള് നാളെ മുതല് പ്രവര്ത്തിക്കും. നിരത്തുകളില് അപകടം ഒഴിവാക്കുകയാണ് ലക്ഷ്യം.
നിയമലംക്ഷനങ്ങള് സ്വയം കണ്ടെത്താന് കഴിയുന്ന 675 എ.ഐ. ക്യാമറകളാണ് നിരത്തിലുള്ളത് .
കണ്ടെത്തുന്ന കുറ്റങ്ങളും പിഴകളും ഇങ്ങനെ....
ലൈറ്റുകള് പ്രവര്ത്തിപ്പിക്കാതിരിക്കുക, നോപാര്ക്കിങ്ങില് വാഹനം നിര്ത്തുക, റിയര്വ്യൂ മിറര് ഇളക്കിമാറ്റുക തുടങ്ങിയവയ്ക്ക് -250 രൂപ
ഇരുചക്രവാഹനങ്ങളില് രണ്ടില് കൂടുതല് പേര് യാത്രചെയ്യുക -2000
ഇന്ഷുറന്സില്ലാത്ത വാഹനങ്ങള് -ആദ്യപിഴ 2000, തുടര്ന്ന് 4000
അപകടകരമായ ഓവര്ടേക്കിങ് -ആദ്യപിഴ 2000, ആവര്ത്തിച്ചാല് കോടതിയിലേക്ക് ഡ്രൈവിങ്ങിനിടെ മൊബൈല് ഉപയോഗം -2000
മൂന്നുവര്ഷത്തിനുള്ളില് ആവര്ത്തിച്ചാല് -5000
(ബ്ലൂടൂത്ത് ഹെഡ് സെറ്റ്, ഇയര്പോഡ്, നിയമവിരുദ്ധം)
തുടര്ച്ചയായ വെള്ളവര മുറിച്ചുകടന്നാല് -250 സീറ്റ്ബെല്റ്റ്, ഹെല്മെറ്റ് ഉപയോഗിക്കാതിരുന്നാല് -500, അമിതവേഗം (കാര്) -1500
മഞ്ഞവര മുറിച്ചുകടന്നാല് (അപടകരമായ ഡ്രൈവിങ്) -2000
ലെയ്ന് ട്രാഫിക് ലംഘനം -2000
നിയമംലംഘിച്ച് മറികടക്കല് -2000
പാര്ക്കിങ് അനുവദിച്ച സ്ഥലങ്ങളില് മാത്രം
നോ പാര്ക്കിങ് ബോര്ഡില്ലെന്നു കരുതി എല്ലായിടത്തും പാര്ക്കിങ് അനുവദനീയമല്ല
വാഹനത്തിന്റെ എന്ജിന് ഓഫ് ചെയ്തില്ലെങ്കിലും റോഡില് നിര്ത്തിയാല് പാര്ക്കിങ്ങായി പരിഗണിക്കും
വളവുകള്, കയറ്റം, ഇറക്കം, ഇടുങ്ങിയ റോഡ്, പാലങ്ങള് എന്നിവിടങ്ങളില് പാര്ക്കിങ് പാടില്ല റോഡില് തിരക്കില്ലെങ്കിലും മറ്റുവാഹനങ്ങളുടെ യാത്ര തടസ്സപ്പെടുത്തുന്ന വിധത്തില് വാഹനം നിര്ത്തരുത്
റോഡിന്റെ മധ്യഭാഗത്ത് തുടര്ച്ചയായുള്ള വെള്ള, മഞ്ഞ വരകള് മുറിച്ചുകടക്കരുത് . ഇരട്ട മഞ്ഞവരകള് ഡിവൈഡറായി പരിഗണിക്കണം , ഇടവിട്ട വെള്ളവരകളുള്ളിടത്ത് ഓവര്ടേക്ക് ചെയ്യാം ഇടതുവശത്തെ മഞ്ഞവരയുള്ളിടത്ത് ഇടതുവശത്ത് പാര്ക്കിങ് പാടില്ല
ഒരു ദിവസം ഒരു പിഴമാത്രമല്ല
ഒരിക്കല് പിടിക്കപ്പെട്ടാല് അന്നേദിവസംപിന്നെ പിഴ അടയ്ക്കേണ്ടതില്ലെന്ന ധാരണ പൊതുവേയുണ്ട്. എന്നാല്, നിയമപ്രകാരം അത്തരമൊരു ഇളവില്ല. ഓരോ നിയമലംഘനവും പിഴയായി കണക്കാക്കും. ഒരിടത്ത് അതിവേഗത്തിന് പിടിക്കപ്പെട്ടാല് അന്നേദിവസംതന്നെ വീണ്ടും നിയമംലംഘിച്ചാല് പിഴചുമത്തും.
ക്യാമറകണ്ട് വേഗംകുറച്ച് പോയാലും പിന്നീട് അതിവേഗമെടുത്താല് പിടിക്കപ്പെടും. ദേശീയപാതകളിലെ സ്പീഡ് ക്യാമറകള് പരസ്പരം ബന്ധിപ്പിച്ചിട്ടുണ്ട്. ഓരോ ക്യാമറയിലും വാഹനം കടന്നുപോകുന്ന സമയം കണക്കിലെടുക്കും. ഇതിനിടെ ദൂരം പിന്നിടാന് അനുവദനീയമായതില് കൂടുതല് വേഗമെടുത്താല് പിഴചുമത്തും.
"
https://www.facebook.com/Malayalivartha
