വയനാട് സഹോദരന്റെ അടിയേറ്റ് യുവാവിന് ദാരുണാന്ത്യം... സഹോദരനെ കസ്റ്റഡിയിലെടുത്ത് പൊലീസ്
വയനാട് വാളാട് സഹോദരന്റെ അടിയേറ്റ് യുവാവിന് ദാരുണാന്ത്യം .വേങ്ങണമുറ്റം വീട്ടില് ജയചന്ദ്രനാണ് മരിച്ചത്. സഹോദരന് രാമകൃഷ്ണനെ പൊലീസ് കസ്റ്റഡിയിലെടുത്തു.
മദ്യലഹരിയില് വീട്ടുകാരെ ഉപദ്രവിക്കാനായി ശ്രമിച്ച ജയചന്ദ്രനെ രാമകൃഷ്ണന് തടയുന്നതിനിടെയാണ് സംഭവം നടന്നത്. ഇന്നലെ രാത്രി ഏഴുമണിയോടെയാണ് സംഭവം.
സഹോദരങ്ങള് തമ്മിലുള്ള വഴക്കാണ് കൊലപാതകത്തില് കലാശിച്ചതെന്ന് പൊലീസ് . ജയചന്ദ്രന് മദ്യപിച്ച് വീട്ടിലെത്തി ബഹളം ഉണ്ടാക്കി. കൂടെ ഒരു സുഹൃത്തും ഉണ്ടായിരുന്നു. തന്റെ ഭാര്യയെയും അമ്മയെയും ജയചന്ദ്രന് ഉപദ്രവിക്കാനായി ശ്രമിച്ചപ്പോള് ചേട്ടനായ രാമകൃഷ്ണന് ഇടപെടുകയും ചെയ്തു.
തുടര്ന്ന് ഇരുവരും തമ്മിലുള്ള വാക്കേറ്റം സംഘര്ഷത്തില് കലാശിക്കുകയായിരുന്നു. തുടര്ന്ന് വീട്ടിലുണ്ടായിരുന്ന മുളവടി ഉപയോഗിച്ച് ജയചന്ദ്രനെ രാമകൃഷ്ണന് മര്ദ്ദിക്കാന് തുടങ്ങി. തലയ്ക്കും കഴുത്തിനും പരിക്കേറ്റ ജയചന്ദ്രനെ മാനന്തവാടി മെഡിക്കല് കോളജിലേക്ക് കൊണ്ടുപോയെങ്കിലും ജീവന് രക്ഷിക്കാന് കഴിഞ്ഞില്ലെന്ന് പൊലീസ് .
https://www.facebook.com/Malayalivartha
