കസ്റ്റഡിയിലെടുത്ത യുവാവ് ജാമ്യത്തില് ഇറങ്ങി മണിക്കൂറുകള്ക്കം തൂങ്ങിമരിച്ച സംഭവത്തില് ദുരൂഹത ആരോപിച്ച് പരാതി നല്കി ബന്ധുക്കള്
കസ്റ്റഡിയിലെടുത്ത യുവാവ് ജാമ്യത്തില് ഇറങ്ങി മണിക്കൂറുകള്ക്കം തൂങ്ങിമരിച്ച സംഭവത്തില് ദുരൂഹത ആരോപിച്ചു ബന്ധുക്കള് പൊലീസില് പരാതി നല്കി.
പൂയപ്പള്ളി നെല്ലിപറമ്പ് അജിഭവനില് ഗോപാലകൃഷ്ണപിള്ളയുടെയും ഇന്ദിരാമ്മയുടെയും മകനും ടാപ്പിങ് തൊഴിലാളിയുമായ അജികുമാറിനെയാണ് (37) വീട്ടിലെ കിടപ്പുമുറിയില് മരിച്ച നിലയില് കണ്ടെത്തിയത്. ഇന്നലെ പുലര്ച്ചെയാണു സംഭവം നടന്നത്. അജിയുടെ ഭാര്യയുടെയും സുഹൃത്തുക്കളുടെയും ശാരീരികവും മാനസികവുമായ പീഡനത്തെത്തുടര്ന്നാണു മരണം എന്നാണു ബന്ധുക്കളുടെ ആരോപണം.
14 വര്ഷം മുന്പാണ് അജി വിവാഹം കഴിച്ചത്. ഇവര്ക്കു രണ്ടു കുട്ടികളുമുണ്ട്. മൂന്നു വര്ഷം മുന്പു ഭാര്യ ബ്യൂട്ടിപാര്ലറില് ജോലിയില് പ്രവേശിച്ചു.
ഇതിനിടെ കുടുംബകലഹത്തെത്തുടര്ന്ന് ഇരുവരും മാനസികമായി അകന്നു. അജിയുമായി ആലോചിക്കാതെ പാര്ലര് ഉടമ ഭാര്യയെ വിദേശത്തേക്ക് അയയ്ക്കാന് ശ്രമിച്ചതോടെ വഴക്ക് രൂക്ഷമായി തുടങ്ങി. രണ്ടു ദിവസം മുന്പ് ഭര്ത്താവിന്റെ വീട്ടില് താമസിക്കുന്നില്ലെന്നും അതിനാല് ഉപയോഗിച്ചിരുന്ന വസ്ത്രങ്ങളും മറ്റു സാധനങ്ങള് വാങ്ങിത്തരണമെന്നും ആവശ്യപ്പെട്ടു പൂയപ്പള്ളി സ്റ്റേഷനില് ഭാര്യ പരാതി നല്കി. ഇതേത്തുടര്ന്ന് ഇരുകൂട്ടരെയും സ്റ്റേഷനില് വരാന് ആവശ്യപ്പെട്ടു.
ഭാര്യ എത്തിയെങ്കിലും അജികുമാര് എത്തിയില്ല. കഴിഞ്ഞ ബുധനാഴ്ച ഭാര്യയെ അജി ജോലിക്കു വിട്ടില്ല. ഇതേത്തുടര്ന്നു പാര്ലര് ഉടമ അജിയെ ഫോണില് വിളിച്ചു ശാസിച്ചു.
ഉച്ചയ്ക്കു പിങ്ക് പൊലീസ് അജിയുടെ വീട്ടില് എത്തി ഭാര്യയുടെ വസ്ത്രങ്ങളും മറ്റു സാധനങ്ങളും വാഹനത്തില് കയറ്റി ഇവരെയും മക്കളെയും പാര്ലറില് എത്തിച്ചു. കഴിഞ്ഞ ദിവസം വൈകിട്ട് അജി ഭാര്യയെയും മക്കളെയും കാണാനായി ബ്യൂട്ടി പാര്ലറിലെത്തിയെങ്കിലും കാണാന് അനുവദിച്ചില്ലെന്നു പറയുന്നു. വീട്ടിലേക്കു മടങ്ങാന് നിന്ന അജിയെ കൊട്ടാരക്കര നഗരസഭാ മുന് അധ്യക്ഷന് മര്ദിച്ചെന്നും ബന്ധുക്കള് പരാതിയില് പറയുന്നു.
https://www.facebook.com/Malayalivartha
