ക്യാമറ വിഷയത്തില് മാത്രമല്ല, ലൈഫ് മിഷന് , സ്വര്ണ്ണക്കടത്ത് തുടങ്ങി അഴിമതി ആരോപണങ്ങള് ഉയര്ന്നു വരുന്ന എല്ലാ കാര്യത്തിലും മുഖ്യന്റെ മൗനം പാര്ട്ടിക്ക് തന്ന അവമതിപ്പുണ്ടാക്കിയിരിക്കുകയാണ്.
പ്രശനങ്ങള്ക്ക് നേരെ നെഞ്ചുംവിരിച്ച് നേരിട്ട് പിണറായി വിജയനെ കേരളത്തിന് ഏറെ ഇഷ്ടമാണ്. ഏത് പ്രതിസന്ധിഘട്ടത്തിലും പൊതുജനത്തിനോടൊപ്പം നില്ക്കുന്ന നേതാവെന്ന കണക്ക് കൂട്ടലില് നിന്നാണ് അദ്ദേഹം ചരിത്രം തിരുത്തികൊണ്ട് കേരളത്തില് തുടര്ച്ചയായി രണ്ടാം തവണയും അധികാരത്തിലെത്തിയത്. എന്നാലിപ്പോള് പ്രശ്നങ്ങളുണ്ടാകുമ്പോള് മാഹാമൗനത്തിന്റെ വാത്മീകത്തില് ഒളിച്ചു നിന്ന കിങ്കരന്മാരെ രംഗത്തിറക്കി വിടുന്ന പിണറായി തന്ത്രം പൊതുജനത്തിനിടയില് ഏറെ ചര്ച്ചായായിരിക്കുകയാണ്. ക്യാമറ വിഷയത്തില് മാത്രമല്ല, ലൈഫ് മിഷന് , സ്വര്ണ്ണക്കടത്ത് തുടങ്ങി അഴിമതി ആരോപണങ്ങള് ഉയര്ന്നു വരുന്ന എല്ലാ കാര്യത്തിലും മുഖ്യന്റെ മൗനം പാര്ട്ടിക്ക് തന്ന അവമതിപ്പുണ്ടാക്കിയിരിക്കുകയാണ്.
കേരളത്തിന്റെ ഭരണ സിരാകേന്ദ്രം തിരുവന്തപുരമാണോ അതോ ബാംഗ്ലൂരാണോയെന്ന സംശയം ചിലപ്പോഴൊക്കെ തോന്നാറുണ്ട്. കേരളത്തില് എന്ത് പ്രശ്നം ഉയര്ന്നു വന്നാലും അതിന്റെ ഒരറ്റം ബാംഗ്ലൂരിലായിരിക്കും. ബ്ാംഗ്ലൂര് കേന്ദ്രീകരിച്ച് ഒരു ഉപജാപക സംഘം കേരളത്തിന്റെ ഖജനാവ് കൊള്ളയടിക്കാനായി പ്രവര്ത്തിക്കുന്നതായുള്ള സംശയങ്ങള്ക്ക് വര്ഷങ്ങളുടെ പഴക്കമുണ്ട്. സ്വര്ണ്ണക്കടത്തായാലും, ലൈഫ് മിഷന് ആയാലും, സ്വ്പ്ന സുരേഷിന്റെ ഒളിസങ്കേതമായാലും ബാംഗ്ലൂരിലേയ്ക്ക് തന്നെയാണ് എത്തുന്നത്. ഇപ്പോഴിതാ വിവാദങ്ങളില് നിന്ന് വിവാദങ്ങളിലേയ്ക്ക് കൈതോടുകള് പോലെയൊഴുകുന്ന എ ഐ ക്യാമറ അഴിമതിയിലും ബ്ാംഗ്ലൂര് ബന്ധം വ്യ്ക്തമാണ്. കെല്ട്രോണ് എന്ന പെതാുമേഖല സ്ഥാപനത്തെ ശിഖണ്ഡിയായി മുന്നില് നിറുത്തി ബാംഗ്ലൂര് ആസ്ഥാനമായ എസ്.ഐ ആര്ടി കമ്പനിയിലേയ്ക്കാണ് ക്യാമറ കരാറും എത്തി നില്ക്കുന്നത്. മുഖ്യന്ത്രിയായ പിതാവും പ്രധാന വകുപ്പ് കയ്യാളുന്ന ഭര്ത്താവും ഒന്നിച്ചു പിടിച്ചാല് എല്ലാം മുഖ്യന്റെ മകളുടെ കൈകളിലേയ്ക്ക് തന്നെ എത്തിച്ചേരും.
ധനവകുപ്പിന്റെ എതിര്പ്പും ഗതാഗത സെക്രട്ടറിയുടെ വിയോജന കുറിപ്പും മറികടന്ന് കേരളത്തിന്റെ കരാര് ബാംഗ്ലൂര് എത്തണമെങ്കില് അതിന്റെ പിന്നില് ശക്തമായ കരങ്ങളുണ്ടാകുമെന്ന കാര്യത്തില് സംശയമില്ല. ആ കരങ്ങള് മുഖ്യമന്ത്രി പിണറായി വിജയനില് തുടങ്ങി അദ്ദേഹത്തിന്റെ മകള് വീണവിജയനിലാണ് അവസാനിക്കുന്നത്. കെ.ഫോണ്, സ്പ്രീംഗ്ലര്, എ ഐ ക്യാമറ തുടങ്ങിയ കരാറുകളിലെല്ലാം വിവരശേഖരണ കൈമാറ്റ പരാമര്ശം ഉയര്ന്നു വന്നിട്ടുണ്ട്. എ ഐ ക്യാമറയിലൂടെ വ്യക്തിതകളുടെ വിവരങ്ങള് ശേഖരിച്ച് കൈമാറാനും പദ്ധതിയുണ്ടെന്ന തരത്തില് വിവാദങ്ങള് ഉയരുന്നുണ്ട്. ആരാണ് കേരളത്തിന്റെ ക്വട്ടേഷന് കമ്പനിയ്ക്ക് നേതൃത്വം നല്കുന്നത്. കെല്ട്രോണിന് പൊതുമേഖല സ്ഥാപനമെന്ന ഓമന പേരുള്ളതിനാല് കരാര് എളുപ്പം നേടിയെടുക്കാനാവും. ആ കരാറുകള്ക്ക് തുക നിശ്ചയിക്കുന്നതും, വിലയിടുന്നതും പുറത്തുള്ള കമ്പനികളാണ് . അവര് പറയുന്ന തുകയ്ക്ക് കരാര് നല്കുക മാത്രമാണ് കെല്ട്രോണിന്റെ ജോലി. ബാക്കിയെല്ലാം ഞെടിയിടയില് സര്ക്കാര് നടത്തി കൊടുക്കും. കെല്ട്രോണ് കരാറുകള് മുന്നിശ്ചയ പ്രകാരമുള്ള കമ്പനികള്ക്ക് കൈമാറും.
കെല്ട്രോണിന് ഹാന്ഡിലിംഗ് ചാര്ജ്ജ് നല്കി കോടികള് പലഴിക്ക് ഒഴുക്കും. സിപിഎമ്മിന്റെയും പിണറായി സര്ക്കാരിന്റെയും പൂര്ണ്ണ പിന്തുണയില്ലാതെ ഇത്തരം കമ്പനികള്ക്കേ ഭരണത്തില് ഇടപെടനാകില്ല. ഒന്നും രണ്ടുമല്ല ഒരു ഗ്രൂപ്പ് നേതാക്കള് തന്നെ ഇതിന് പിന്നിലുണ്ടന്ന് കാര്യം വ്യക്തമാണ്. ടൂര് ആന്റ് ട്രാവല് കമ്പനിയ്ക്ക് ക്യാമറ സ്ഥാപിക്കാന് കരാര് നല്കിയതിലൂടെ എല്ലാം തട്ടിക്കൂട്ടാണെന്ന വെളിയില് വന്നിരിക്കുകയാണ്. പ്രതിക്ഷത്തിന്റെ വായടപ്പിച്ചില്ലെങ്കിലും , സിപിഎമ്മേ നിങ്ങളെ വിശ്വസിക്കുന്ന സാധാരണക്കാരായ ലക്ഷക്കണക്കിന് പ്രവര്ത്തകരുണ്ട്. അവരെയെങ്കിലും വിശ്വസിപ്പിക്കാനായി കള്ളക്കളികള് പുറത്തെത്തിക്കേണ്ടതാണ്. വിജിലന്സെന്ന പല്ലു കൊഴിഞ്ഞ സിംഹത്തെ കൊണ്ട് പൂടപറിക്കാന് പോലും കെല്പ്പില്ലെന്ന് എല്ലാവര്ക്കുമറിയാം. എന്നിട്ടും വിജിലന്സിനെ ഇറക്കി പൊറാട്ടു നാടകം നടത്തി വീണ്ടും വീണ്ടും പിണറായി സാധാരണക്കാരെ പറ്റിക്കുകയാണെന്ന കാര്യത്തിലും സംശയമില്ല.
സ്വപ്നയുമായി വിലപേശലിനെത്തിയ വിജേഷ് പിള്ളയ്ക്ക് ശേഷം രംഗത്തെത്തിയിരിക്കുന്ന ജിതേഷ് ആരാണ്. ഊരാളുങ്കല് സൊസൈറ്റി മുതല് പ്രസാഡിയോ, ട്രോയിസ് കമ്പനികളുടെയൊക്കെ ഡയറക്ടറായി ഇദ്ദേഹം ആരെന്ന് സര്ക്കാരിനും സിപിഎമ്മിനും പറയേണ്ടി വരും. കരാറുകള് തരപ്പെടുത്തുന്നതിന് ജിതേഷും, രജ്ഞിത്തും പലതവണ ക്ലിഫ് ഹൗസില് എത്തിയിരുന്നെന്ന വിവരങ്ങളും പുറത്തു വരുന്നുണ്ട്. സകല ഉഡായിപ്പ് സംഘങ്ങളുമായി മുഖ്യമന്ത്രിക്ക് ബന്ധമുണ്ടന്ന വിവരങ്ങളാണ് പ്രതിപക്ഷം പുറത്തു വിട്ടിരിക്കുന്നത്. ഇത്തരം ഉഡായിപ്പ് കമ്പനികള്ക്ക് ഇടതു സര്ക്കാര് കരാര് നല്കിയെങ്കില് അതിന്റെ പിന്നില് വ്യ്കതമായ ഉദ്ദേശ്യമുണ്ടെന്നതും വ്യക്തമാണ്. കമ്പനികളായാലും അത് വ്യക്തികളിലേയ്ക്ക് കൊള്ളപ്പണം എത്തിക്കാനുള്ള മാര്ഗ്ഗമായി ഉപയോഗിച്ചു എന്നുള്ള കാര്യവും വ്യക്തമാണ്. കരാര് കടന്നു പോയ വഴികള് അറിഞ്ഞാല് കൊള്ള നടന്ന വഴികള് കണ്ടെത്താനാകും.
https://www.facebook.com/Malayalivartha
