വന്ദേഭാരതില്‍ കാലുടക്കി വീണ കേരളത്തിന് കൂടുതല്‍ ആകര്‍ഷകമായ ആനുകൂല്യങ്ങള്‍ നല്കിയാല്‍ എല്ലാ രാഷ്ട്രയ വമ്പന്‍മാരെയും മുട്ടുകുത്തിക്കാമെന്നുള്ള കണക്ക് കൂട്ടിലിലേയ്ക്കാണ് ബിജെപി എത്തി നില്ക്കുന്നത്. കേരളം പിടിയ്ക്കുകെന്ന ല്ഷ്യമാണ് മുഖ്യം. അതിന്റെ ചുവടുവെയ്പുകള്‍ പരമാവധി അടുത്ത ലോക്‌സഭ തിരഞ്ഞെടുപ്പില്‍ കടുപ്പിച്ചില്ലെങ്കില്‍ പ്രതീക്ഷകള്‍ അസ്ഥാനത്ത്ാനത്താകുമെന്ന് ബിജെപിയും കണക്ക് കൂ്ട്ടുന്നു. വന്ദേഭാരത് ട്രെയിന് കേരളത്തില്‍ ലഭിച്ച സ്വീകാര്യതയും തുടര്‍ന്നുണ്ടായ വിവാദങ്ങളും കേരളത്തില്‍ ബിജെപിയ്ക്കും മോദിയ്ക്കും അപ്രതീക്ഷിത നേട്ടങ്ങളായിരുന്നു. അടുത്ത ഘട്ടമെന്ന നിലയില്‍ ലോകം ഊറ്റുനോക്കുന്ന ഹൈഡ്രജന്‍ ട്രെയിനുകളിലേയ്ക്ക് മാറുമ്പോള്‍ കേരളത്തെയും പ്രഥമ പരിഗണന നല്കി സംരക്ഷിക്കാനാണ് മോദിയുടെ തീരുമാനമെന്നറിയുന്നു.

കല്‍ക്ക-ഷിംല ചരിത്ര സര്‍ക്യൂട്ടില്‍ 2023 ഡിസംബറോടെ ഇന്ത്യയിലെ ആദ്യത്തെ ഹൈഡ്രജന്‍ ട്രെയിന്‍ രൂപകല്പന ചെയ്ത് തദ്ദേശീയമായി നിര്‍മ്മിക്കുമെന്ന് റെയില്‍വേ മന്ത്രി അശ്വിനി വൈഷ്ണവ് കഴിഞ്ഞ മാസമാണ് പ്രഖ്യാപിച്ചത്. ഹൈഡ്രജനില്‍ പ്രവര്‍ത്തിക്കുന്ന ട്രെയിന്‍ സാങ്കേതികവിദ്യ ഇപ്പോഴും ശൈശവാവസ്ഥയിലാണെങ്കിലും, ചുരുക്കം ചില രാജ്യങ്ങള്‍ പരിമിതമായ അടിസ്ഥാനത്തില്‍ അത് ഉപയോഗിക്കുന്നുണ്ട്.ഹൈഡ്രജന്‍ ഇന്ധനം കാര്‍ബണ്‍ ഡൈ ഓക്‌സൈഡ്, നൈട്രജന്‍ ഓക്‌സൈഡ് അല്ലെങ്കില്‍ കണികാ പദാര്‍ത്ഥങ്ങള്‍ പോലുള്ള ദോഷകരമായ മലിനീകരണം പുറപ്പെടുവിക്കുന്നില്ലായെന്നതാണ് ഹൈഡ്രജന്‍ ട്രെയിനിന്റെ പ്രത്യേകത.

വരാനിരിക്കുന്ന ഹൈഡ്രജനില്‍ പ്രവര്‍ത്തിക്കുന്ന ട്രെയിനുകള്‍ വന്ദേ മെട്രോ എന്നാണ് അറിയപ്പെടുക. ഡാര്‍ജിലിംഗ് ഹിമാലയന്‍ റെയില്‍വേ, നീലഗിരി മൗണ്ടന്‍ റെയില്‍വേ, കല്‍ക്ക ഷിംല റെയില്‍വേ, മതേരന്‍ ഹില്‍ റെയില്‍വേ, കാന്‍ഗ്ര വാലി, ബില്‍മോറ വാഘായി, മാര്‍വാര്‍-ദേവ്ഗഢ് മദ്രിയ എന്നിവയുള്‍പ്പെടെ ചരിത്രപ്രധാനമായ, നാരോ ഗേജ് റൂട്ടുകളിലാണ് ഇത് ആദ്യം ഓടുന്നത്. യാത്ര കൂടുതല്‍ പരിസ്ഥിതി സൗഹൃദമാക്കുമെന്നതിനാല്‍ കേരളത്തിലും ഇതെത്തിക്കാനാണ് മോദിയുടെ ശ്രമം.

പരമ്പരാഗത ഡീസല്‍ എഞ്ചിനുകളേക്കാള്‍ ഹൈഡ്രജന്‍ ഇന്ധന സെല്ലുകള്‍ ഉപയോഗിക്കുന്നവയാണ് ഹൈഡ്രജന്‍ ട്രെയിനുകള്‍. ഹൈഡ്രജന്‍ ഇന്ധന സെല്ലുകള്‍ ഹൈഡ്രജനും ഓക്‌സിജനും പരിവര്‍ത്തനം ചെയ്തുകൊണ്ട് വൈദ്യുതി ഉത്പാദിപ്പിക്കുന്നു, അത് ട്രെയിനിന്റെ മോട്ടോറുകള്‍ക്ക് ഊര്‍ജ്ജം പകരാന്‍ ഉപയോഗിക്കുന്നു.

ഹരിതവത്കരണത്തിലേയ്ക്കുള്ള രാജ്യത്തിന്റെ ചുവടുവയ്പ്പിന്റെ ഭാഗമാണ് ഹൈഡ്രജന്‍ ട്രെയിനുകള്‍.
1950കളിലും 60കളിലും രൂപകല്പന ചെയ്ത വന്ദേ മെട്രോ ട്രെയിനുകള്‍ക്ക് പകരമുള്ള ലോകോത്തര നിലവാരമുള്ള വന്ദേ മെട്രോയാണ് റെയില്‍വേ നിര്‍മ്മിച്ചത്. വന്ദേഭാരത് ട്രെയിനുകള്‍ ഡിസൈന്‍ ചെയ്ത എന്‍ജിനിയര്‍മാരാണ് വന്ദേ മെട്രോയും രൂപകല്പന ചെയ്തത്.

നിലവില്‍ ഇന്ത്യയിലെ മിക്ക ട്രെയിനുകളും ഡീസലിലോ വൈദ്യുതിയിലോ ആണ് ഓടുന്നത്. ഹൈഡ്രജന്‍ ട്രെയിനുകള്‍ കാര്‍ബണ്‍ ഡയോക്സൈഡ്, നൈട്രജന്‍ ഓക്സൈഡ് തുടങ്ങിയവ പോലുള്ള മാരക വാതകങ്ങള്‍ പുറന്തള്ളുകയില്ല എന്നുള്ളതിനാല്‍ യാത്ര കൂടുതല്‍ പരിസ്ഥിതി സൗഹൃദമാകുന്നു. കാറ്റ്, സൗരോര്‍ജ്ജം, ജലവൈദ്യുതി തുടങ്ങിയ പുനരുപയോഗ ഊര്‍ജ സ്രോതസുകള്‍ ഉപയോഗിച്ച് ഹൈഡ്രജന്‍ ഉത്പാദിപ്പിക്കാന്‍ കഴിയും എന്നതാണ് ഇത്തരം ട്രെയിനുകളുടെ മറ്റൊരു നേട്ടം.

അതേസമയം, ഹൈഡ്രജന്‍ ട്രെയിനുകളുടെ ഉയര്‍ന്ന നിര്‍മാണ ചെലവ് ഇത്തരം ട്രെയിനുകളുടെ വ്യാപക ഉപയോഗത്തിന് വെല്ലുവിളിയാണ്. ഗ്രീന്‍ ഹൈഡ്രജന് കിലോയ്ക്ക് 492 രൂപയാണ് ഇന്ത്യയില്‍ വില. ഡീസല്‍ എഞ്ചിനുകളുടെ പ്രവര്‍ത്തനച്ചെലവിനേക്കാള്‍ 27 ശതമാനം അധികമാണിത്. മാത്രമല്ല ഹൈഡ്രജന്‍ ട്രെയിനുകളുടെ സുരക്ഷാ പ്രശ്‌നങ്ങളും കണക്കിലെടുക്കേണ്ടതുണ്ട്. എന്നാല്‍ചിലവ് കുറഞ്ഞ രീതിയില്‍ ഗ്രീന്‍ ഹൈഡ്രജന്‍ ഉല്പാദിപ്പിക്കാനുള്ള പദ്ധതികള്‍ക്കും തുടക്കം കുറിച്ചിരിക്കുകയാണ്. അടുത്ത തലമുറ ട്രെയിന്‍ ഹൈഡ്രജന്‍ ട്രെയിന്‍ ആയിരിക്കണമെന്നാണ് ഇന്ത്യയുടെ ല്ക്ഷ്യം.

രാഷ്ട്രീയ സാഹചര്യം മാറ്റിയെടുക്കുന്നതിനും ന്യൂനപക്ഷങ്ങള്‍ക്ക് ബിജെപിയുമായുള്ള അകലം കുറയ്ക്കുന്നതിനും ഉതകുന്ന പദ്ധതികള്‍ തുടര്‍ച്ചയായി കേരളത്തില്‍ എത്തിക്കാനാണ് ശ്രമം. വന്ദേഭാരതിന് ബിജെപി പ്രവര്‍ത്തകര്‍ നല്കിയ പിന്‍തുണയോടൊപ്പം പുറത്തു നിന്നുള്ളവരുടെ പിന്‍തുണ കൂടി നേടാനായതായി ബിജെപി കേന്ദ്രങ്ങള്‍ വിലയിരുത്തുന്നുണ്ട്. ലോകത്തിന്റെ മാറ്റം ആദ്യമായി കേരളത്തില്‍ എത്തിച്ചാല്‍ അത് ഇപ്പോഴുള്ളതിനേക്കാള്‍ കൂടുതല്‍ പിന്‍തുണ നേടാനായേയ്ക്കും എന്നും കരുതുന്നുണ്ട്. എന്തായാലും ബിെജപിയും മോദിയും അറിഞ്ഞു തന്നെയാണ് കേരളത്തിനായി കളിക്കുന്നതെന്ന് വ്യക്തമാണ്.