വളര്‍ത്തുനായയെ അയല്‍വാസി വെട്ടിക്കൊലപ്പെടുത്തി... ആ കാഴ്ച കണ്ട വീട്ടമ്മ ബോധരഹിതയായി... സംഭവത്തില്‍ കേസെടുത്ത് പോലീസ് വൈലത്തൂരിലാണ് സംഭവം നടന്നത്.

വൈലത്തൂര്‍ വീട്ടില്‍ അമരീഷിന്റെ ഉടമസ്ഥതയിലുള്ള റൂണിയെന്ന പോമറേനിയന്‍ ഇനത്തില്‍പ്പെട്ട നായയെയാണ് കൊന്നത്. രണ്ട് മാസമായിരുന്നു നായയുടെ പ്രായം. കണ്‍മുന്നില്‍ വെച്ച് നായയെ വെട്ടിക്കൊല്ലുന്നത് കണ്ട് അമരീഷിന്റെ ഭാര്യ സോന ബോധരഹിതയായി. ഇവര്‍ സമീപത്തെ സ്വകാര്യ ആശുപത്രിയില്‍ ചികിത്സ തേടുകയും ചെയ്തു.

അയല്‍വാസി ചെല്ലിപ്പുറത്ത് ശ്രീഹരി എന്നയാളാണ് ആക്രമണം നടത്തിയത്. കുട്ടികളുള്ള വീട്ടിലേക്ക് നായ വന്നുവെന്നാരോപിച്ചാണ് ഇയാള്‍ വാള്‍ കൊണ്ടു നായയെ വെട്ടിക്കൊലപ്പെടുത്തിയത്്.

ഇന്നലെ രാത്രി ഏഴോടെയാണ് സംഭവം. അമരീഷിന്റെ വീട്ടിലേക്ക് അതിക്രമിച്ചു കയറി നായയെ എടുത്ത് അവിടെ വെച്ചുതന്നെ കൊല്ലുകയായിരുന്നുവെന്ന് പരാതിയില്‍ പറയുന്നു.സംഭവത്തില്‍ വടക്കേക്കാട് പൊലീസ് കേസെടുത്തു. നായയുടെ പോസ്റ്റുമോര്‍ട്ടം ഉള്‍പ്പെടെയുള്ള നടപടികള്‍ നടത്തുമെന്നും അഞ്ച് വര്‍ഷം തടവു ശിക്ഷ ലഭിക്കുന്ന വകുപ്പുകള്‍ ഉള്‍പ്പെടുത്തി കേസെടുത്തതായും പൊലീസ് .