അവധിക്കാല ക്ലാസ്സുകള് വേണ്ട എന്ന ഉത്തരവ്... പത്ത്, പന്ത്രണ്ട് ക്ളാസുകളിലെ വിദ്യാര്ത്ഥികളെ ഒഴിവാക്കണമെന്ന് കൗണ്സില് ഒഫ് സി.ബി.എസ്.ഇ സ്കൂള്സ്
സ്കൂളുകളില് അവധിക്കാല ക്ലാസുകള് നടത്തരുതെന്ന സര്ക്കാര് ഉത്തരവില് നിന്ന് പത്ത്, പന്ത്രണ്ട് ക്ലാസുകളിലെ വിദ്യാര്ത്ഥികളെ ഒഴിവാക്കണമെന്ന് കൗണ്സില് ഒഫ് സി.ബി.എസ്.ഇ സ്കൂള്സ് ആവശ്യപ്പെട്ടു. ബോര്ഡ്, ദേശീയതല പ്രവേശന പരീക്ഷകള് എന്നിവ എഴുതേണ്ട വിദ്യാര്ത്ഥികള്ക്ക് ഉത്തരവ് ദോഷം ചെയ്യുമെന്ന് വിദ്യാഭ്യാസമന്ത്രി വി. ശിവന്കുട്ടിക്ക് നല്കിയ നിവേദനത്തില് കൗണ്സില് ദേശീയ സെക്രട്ടറി ജനറല് ഡോ. ഇന്ദിരരാജന് പറഞ്ഞു.
സി.ബി.എസ്.ഇ ബോര്ഡ് നിശ്ചയിക്കുന്ന പ്രകാരമാണ് സ്കൂളുകള് പ്രവര്ത്തിക്കുന്നത്. ജനുവരിയിലാണ് പത്ത്, പന്ത്രണ്ട് ക്ളാസുകളിലെ ബോര്ഡ് പരീക്ഷകള് നടക്കുന്നത്. ഏപ്രില്വരെ പരീക്ഷകളും പ്രായോഗിക പരീക്ഷകളും നീണ്ടുനില്ക്കും. ജൂണിനും ജനുവരി 15 നുമിടയില് 140 അദ്ധ്യയനദിനങ്ങള് മാത്രമാണ് ലഭിക്കുക. ജനുവരിക്കുമുമ്പ് മുഴുവന് പാഠഭാഗങ്ങള് തീര്ത്താലേ കുട്ടികള്ക്ക് പരീക്ഷ എളുപ്പത്തില് എഴുതാന് കഴിയൂ.
https://www.facebook.com/Malayalivartha
