കണ്ഠമിടറി ഭക്തര്... കണ്ണന്റെ ഇഷ്ട നിവേദ്യമായ കദളിപ്പഴം കൊണ്ട് തുലാഭാരം നടത്തി ഗവര്ണര് ആരിഫ് മുഹമ്മദ് ഖാന്; അവാച്യമായ ആത്മീയ അനുഭവം എന്ന് ക്ഷേത്ര ദര്ശനത്തെ കുറിച്ച് ഗവര്ണര്; യതോ വാചോ നിവര്ത്തന്തേ അപ്രാപ്യ മനസാ സഹാ...
ഗുരുവായൂരപ്പനെ കാണാനുള്ള യോഗം ഒന്ന് വേറെയാണ്. കണ്ണന് പലരുടെ മുമ്പിലും പലതായാകും പ്രത്യക്ഷപ്പെടുക. നനന്ദനത്തിലെ ബാലാമണി കണ്ണനെ കണ്ടിട്ട് ഞാന് മാത്രമേ കണ്ടുള്ളൂ എന്ന് പറയുന്നത് പോലെയായി ഇന്നലത്തെ ഗവര്ണര് ആരിഫ് മുഹമ്മദ് ഖാന്റെ ഗുരുവായൂര് സന്ദര്ശനം. കൂടെയുള്ളവര്ക്ക് വല്ലാത്തൊരുനുഭൂതി നല്കി.
മനം നിറഞ്ഞ ഗവര്ണറുടെ കണ്ണ് നനഞ്ഞോയെന്ന് സംശയം. 'അവാച്യമായ ആത്മീയ അനുഭവം' എന്നാണു ക്ഷേത്ര ദര്ശനത്തെ കുറിച്ച് അദ്ദേഹം പറഞ്ഞത്. 'യതോ വാചോ നിവര്ത്തന്തേ അപ്രാപ്യ മനസാ സഹാ..' എന്ന ഉപനിഷദ് വാക്യവും ചൊല്ലി.
ഗവര്ണര് ആരിഫ് മുഹമ്മദ് ഖാനു ക്ഷേത്രം കിഴക്കേ നടപ്പുരയില് കദളിപ്പഴം കൊണ്ടു തുലാഭാരം നടത്തി. 83 കിലോ കദളിപ്പഴം ഉപയോഗിച്ചു. വൈകിട്ടു നാലരയോടെ കിഴക്കേഗോപുര കവാടത്തില് നിന്നു ദര്ശനവും നടത്തി. ദേവസ്വം ചെയര്മാന് ഡോ. വി.കെ.വിജയന് ഗവര്ണര്ക്ക് കളഭം, പഴം പഞ്ചസാര, വെണ്ണ, തെച്ചി ഉണ്ടമാല, പാല്പായസം എന്നിവയടങ്ങിയ പ്രസാദം നല്കി.
കേരള ഗവര്ണര് ആരിഫ് മുഹമ്മദ് ഖാന് ഇന്നലെയാണ് ഗുരുവായൂര് ക്ഷേത്രത്തിലെത്തി തുലാഭാരം നടത്തിയത്. വൈകിട്ട് ക്ഷേത്രം കിഴക്കേ നട പന്തലില് വെച്ചായിരുന്നു ഗവര്ണര്ക്ക് 83 കിലോ കദളിപ്പഴം കൊണ്ട് തുലാഭാരം നടത്തിയത്. ഇതിനായി 4250 രൂപ ക്ഷേത്രത്തില് അടച്ചു. മാടമ്പ് കുഞ്ഞുകുട്ടന് സുഹൃദ് സമിതി സംഘടിപ്പിച്ച മാടമ്പ് അനുസ്മരണം ഉദ്ഘാടനം ചെയ്യാനാണ് ഗവര്ണര് ഗുരുവായൂരിലെത്തിയത്. വൈകുന്നേരം നാലരയോടെയാണ് ഗവര്ണര് ആരിഫ് മുഹമ്മദ് ഖാന് ക്ഷേത്രത്തിന് മുന്നിലെത്തിയത്. തൂവെള്ള ഷര്ട്ടും മുണ്ടുമായിരുന്നു വേഷം.
ഗോപുര കവാടത്തിന് മുന്നില് നിന്ന് ഗവര്ണര് ഗുരുവായൂരപ്പനെ തൊഴുതു. കൈകൂപ്പി ഏതാനം മിനിട്ടുകള് ഗോപുര കാവടത്തില് നിന്ന ഗവര്ണര് പിന്നീട് കിഴക്കേ നടയിലേക്കെത്തി തുലാഭാരം നടത്തി. 83 കിലോകദളിപ്പഴം വേണ്ടിവന്നു തുലാഭാരത്തിനായി. ദേവസ്വം ചെയര്മാന് ഡോ. വി.കെ. വിജയന് ഗുരുവായൂരപ്പന്റെ പ്രസാദ കിറ്റ് ഗവര്ണര്ക്ക് നല്കി. 'വാക്കുകള് കൊണ്ട് പ്രകടിപ്പിക്കാനാകാത്ത ആത്മീയഅനുഭവം' എന്നായിരുന്നു ഗുരുവായൂര് ക്ഷേത്ര ദര്ശനത്തെക്കുറിച്ച് കേരള ഗവര്ണര് ആരിഫ് മുഹമ്മദ് ഖാന്റെ ഒറ്റ വാചകത്തിലെ പ്രതികരണം. ഉപനിഷദ് വാക്യവും ചൊല്ലിയായിരുന്നു പ്രതികരണം.
തുലാഭാരത്തിന് ശേഷം ദേവസ്വം ഭരണസമിതി അംഗങ്ങള്ക്കൊപ്പം ഫോട്ടോയെടുക്കാനും ഗവര്ണര് സമയം കണ്ടെത്തി. ദേവസ്വം ചെയര്മാനോടും ഭരണ സമിതി അംഗങ്ങളോടും നന്ദി പറഞ്ഞായിരുന്നു ഗവര്ണറുടെ മടക്കം.
വൈകുന്നേരം മുന്നേ മുക്കാലോടെ ശ്രീവല്സം ഗസ്റ്റ് ഹൗസിലെത്തിയ ഗവര്ണര് ആരിഫ് മുഹമ്മദ് ഖാനെ ദേവസ്വം ചെയര്മാന് ഡോ.വി.കെ.വിജയന്,ഭരണ സമിതി അംഗങ്ങളായ സി.മനോജ്, വി.ജി.രവീന്ദ്രന് ,അഡ്മിനിസ്ട്രേറ്റര് കെ.പി.വിനയന് എന്നിവര് ചേര്ന്ന് സ്വീകരിച്ചു. ചെയര്മാന് ഗവര്ണറെ ഷാളയണിയിച്ചു. ദേവസ്വത്തിന്റെ ഉപഹാരമായി മ്യൂറല് ചിത്രം നല്കി. ജില്ലാ ഭരണകൂടത്തിനു വേണ്ടി ചാവക്കാട് തഹസീല്ദാര് എം.കെ. ഇന്ദു ഗവര്ണറെ സ്വീകരിക്കാനെത്തി. ക്ഷേത്രം ഡെപ്യൂട്ടി അഡ്മിനിസ്ട്രേറ്റര്. പി.മനോജ് കുമാര് എന്നിവരും സന്നിഹിതരായി.
തനിക്ക് ക്ഷേത്രത്തില് വഴിപാട് നടത്താന് താല്പര്യമുണ്ടെന്ന് ഗവര്ണര് സംഘാടകരെ അറിയിക്കുകയായിരുന്നു. ക്ഷേത്രത്തിന് പുറത്ത് നടത്താവുന്ന വഴിപാട് തുലാഭാരമാണെന്ന് അറിയിച്ചതിനെ തുടര്ന്നാണ് തുലാഭാരം നിശ്ചയിച്ചത്. ശ്രീവത്സം ഗസ്റ്റ് ഹൗസില്നിന്ന് കാല്നടയായാണ് ഗവര്ണര് ക്ഷേത്ര പരിസരത്ത് എത്തിയത്. കിഴക്കേ ഗോപുര കവാടത്തില്നിന്ന് തൊഴുത് പ്രാര്ഥിച്ചു. 83 കിലോകദളിപ്പഴം വേണ്ടിവന്നു തുലാഭാരത്തിനായി. ദേവസ്വം ചെയര്മാന് ഡോ. വി.കെ. വിജയന് ഗുരുവായൂരപ്പന്റെ പ്രസാദ കിറ്റ് ഗവര്ണര്ക്ക് നല്കി.
"
https://www.facebook.com/Malayalivartha
