സിപിഐ മലപ്പുറം ജില്ലാ അസിസ്റ്റന്റ് സെക്രട്ടറി കെ ബാബുരാജ് അന്തരിച്ചു; ഹൃദയാഘാതത്തെ തുടര്ന്നായിരുന്നു അന്ത്യം...
സിപിഐ മലപ്പുറം ജില്ലാ അസി. സെക്രട്ടറി മഞ്ചേരി കോവിലകംകുണ്ടിലെ കെ ബാബുരാജ് (47) അന്തരിച്ചു. ഹൃദയാഘാതത്തെ തുടര്ന്ന് മഞ്ചേരിയിലെ സ്വകാര്യ ആശുപത്രിയിലായിരുന്നു അന്ത്യം. മൃതദേഹം ഞായറാഴ്ച രാവിലെ എട്ടു മുതല് പത്തുവരെ സിപിഐ മലപ്പുറം ജില്ലാകൗണ്സില് ഓഫീസില് പൊതുദര്ശനത്തിനുവയ്ക്കും. തുടര്ന്ന് കോവിലകംകുണ്ടിലെ വീട്ടില് എത്തിച്ചശേഷം പകല് പതിനൊന്നോടെ, സംസ്കാരത്തിനായി ഷൊര്ണൂര് ഐവര്മഠത്തിലേക്ക് കൊണ്ടുപോകും. നിരവധി പേര് അ്ന്തിമോപചാരമര്പ്പിച്ചു.
എല്ഡിഎഫ് ജില്ലാകമ്മിറ്റി അംഗമാണ്. ഐഐഎസ്എഫ്, എഐവൈഎഫ് എന്നിവയുടെ ജില്ലാസെക്രട്ടറിയായിരുന്നു ബാബുരാജ്. യുവകലാസാഹിതി സംസ്ഥാന എക്സിക്യൂട്ടിവ് അംഗമാണ്.
കഴിഞ്ഞ എല്ഡിഎഫ് മന്ത്രിസഭയില് ഭക്ഷ്യസിവില് സപ്ലെസ് മന്ത്രിയായിരുന്ന പി തിലോത്തമന്റെ അഡീഷണല് പിഎ ആയിരുന്നു. ഏറെക്കാലം തമിഴ്നാട്ടില് കഴിഞ്ഞ ബാബുരാജ് എഐവൈഎഫ് തമിഴ്നാട് സംസ്ഥാന ജോയന്റ് സെക്രട്ടറി, കോയമ്പത്തൂര് ജില്ലാ സെക്രട്ടറി എന്നീ നിലയില് പ്രവര്ത്തിച്ചു. സിപിഐ കോയമ്പത്തൂര് ജില്ലാ എക്സിക്യൂട്ടിവ് അംഗവുമായിരുന്നു.
"
https://www.facebook.com/Malayalivartha
