പടുതാക്കുളത്തില് വളര്ത്തുന്ന മീനുകള്ക്ക് തീറ്റ കൊടുക്കാനായി പോയ മകളെ തിരികെയെത്തിയില്ല... അലമുറയിട്ട് വീട്ടുകാര്.... നിലവിളി കേട്ടെത്തിയ നാട്ടുകാരുടെ അന്വേഷണത്തിനൊടുവില് വിദ്യാര്ഥിനി പടുതാകുളത്തില് വീണ് മരിച്ച നിലയില്....
പടുതാക്കുളത്തില് വളര്ത്തുന്ന മീനുകള്ക്ക് തീറ്റ കൊടുക്കാനായി പോയ മകളെ തിരികെയെത്തിയില്ല... അലമുറയിട്ട് വീട്ടുകാര്.... നിലവിളി കേട്ടെത്തിയ നാട്ടുകാരുടെ അന്വേഷണത്തിനൊടുവില് വിദ്യാര്ഥിനി പടുതാകുളത്തില് വീണ് മരിച്ച നിലയില്....
നെടുങ്കണ്ടം കട്ടക്കാല വരിക്കപ്ലാവ് വിളയില് സുരേഷിന്റെ മകള് അനാമിക (16) ആണ് മരിച്ചത്. അനാമികയെ കാണാതായതിനെ തുടര്ന്ന് വീട്ടുകാര് നടത്തിയ തെരച്ചിലാണ് പടുതാ കുളത്തിന്റെ ഉള്ളില് പെട്ടതായി കണ്ടെത്തിയത്.
കഴിഞ്ഞ ദിവസം രാവിലെ ഏഴരയോടെയാണ് സംഭവം നടന്നത്. സ്കൂള് ഗ്രൂപ്പില് പഠന പ്രവര്ത്തനങ്ങളുമായി ബന്ധപ്പെട്ട മെസ്സേജ് അയച്ചതിനു ശേഷം അനാമിക വീടിന് തൊട്ട് സമീപത്തായുള്ള പടുതാക്കുളത്തില് വളര്ത്തുന്ന മീനുകള്ക്ക് തീറ്റ കൊടുക്കാനായി പോയപ്പോഴാണ് ദാരുണമായ അപകടമുണ്ടായത്.
വീട്ടില് നിന്നും പുറത്തേക്കിറങ്ങി ഏറെ നേരമായിട്ടും മകളെ കാണാത്തതിനാല് വീട്ടുകാര് നടത്തിയ തെരച്ചിലില് പടുതാക്കുളത്തിന് സമീപത്തായി കുട്ടിയുടെ ഒരു ചെരിപ്പും കുളത്തിനുള്ളില് മറ്റൊരു ചെരുപ്പും കണ്ടെത്തുകയായിരുന്നു. വീട്ടുകാരുടെ നിലവിളി കേട്ട് ഓടിയെത്തിയ നാട്ടുകാര് കുട്ടി പടുതാ കുളത്തിനുള്ളില് അകപ്പെട്ടിട്ടുണ്ടാകാമെന്ന നിഗമനത്തില് കുളത്തിലേക്ക് ചാടി തെരച്ചില് നടത്തിയെങ്കിലും ആദ്യം കുട്ടിയെ കണ്ടെത്താനായില്ല. തുടര്ന്ന് കുളത്തിന്റെ ഒരു ഭാഗം തകര്ത്ത് വെള്ളം പുറത്തേക്ക് ഒഴുക്കി വിട്ടതോടെയാണ് കുട്ടിയെ കണ്ടെത്താനായത്. ആ കാഴ്ച ഏവരേയും കണ്ണീരിലാഴ്ത്തി.
https://www.facebook.com/Malayalivartha
