ആക്രമണത്തെ സധൈര്യം നേരിട്ട ഹോം ഗാര്‍ഡ് അലക്‌സ്‌കുട്ടി 7 തവണ കുത്തേറ്റിട്ടും പിന്മാറിയില്ല.. ഇല്ലായിരുന്നുവെങ്കില്‍ ഒട്ടേറെ പേര്‍ സന്ദീപിന്റെ ആക്രമണത്തിന് ഇരയായി തീര്‍ന്നേനെ. ആക്രമണത്തെ സധൈര്യം നേരിട്ട പൂയപ്പള്ളി പൊലീസ് സ്റ്റേഷനിലെ ഹോം ഗാര്‍ഡ് വൈ.അലക്‌സ്‌കുട്ടിയെ (57) സന്ദീപ് കത്രിക കൊണ്ടു തലങ്ങും വിലങ്ങും കുത്തി.

തന്നെ ആക്രമിക്കുന്നതു കണ്ട് ഡോക്ടര്‍മാരും ജീവനക്കാരും സുരക്ഷിത ഇടങ്ങളിലേക്കു മാറിയെന്നു അലക്‌സ്‌കുട്ടി പറഞ്ഞു.    എന്നാല്‍  വന്ദന ഒടുവില്‍ ഇരയാകുകയായിരുന്നു. കൈകളില്‍ കത്രികപ്പിടി ഒളിപ്പിച്ചാണു സന്ദീപ് ആക്രമിച്ചത്. ഇതുകൊണ്ടു കഴുത്തിന്റെ പിന്‍ഭാഗത്താണു മുറിവേല്‍പ്പിച്ചത്. 6 തുന്നലുകളുണ്ട്. വിമുക്ത ഭടനായ അലക്‌സ് പതിനാലു വര്‍ഷമായി ഹോം ഗാര്‍ഡ് ആയി ജോലി ചെയ്തു വരുന്നു.