പിണറായി മറുകണ്ടം ചാടി കോണ്ഗ്രസ് പഴയ കോണ്ഗ്രസ്സല്ലെന്ന്...ഇ.ഡി, സി.ബി.ഐ, ലാവ്ലിന് പേടി
കോണ്ഗ്രസ്സിന് ഒറ്റയ്ക്ക് പ്രതിപക്ഷത്തെ നയിക്കാന് യോഗ്യതയില്ലെന്ന് ആവര്ത്തിച്ച് വീമ്പിളക്കിയിരുന്ന മുഖ്യമന്ത്രി പിണറായി വിജയന് മറുകണ്ടംചാടി. കര്ണാടകയില് കോണ്ഗ്രസ്സ് വലിയ ഭൂരിപക്ഷത്തില് അധികാരത്തിലേറിയതോടെ കോണ്ഗ്രസ്സ് പഴയ കോണ്ഗ്രസ്സ് അല്ലെന്നാണ് പിണറായിയുടെ പുതിയ കണ്ടുപിടുത്തം. കര്ണാടക തെരഞ്ഞെടുപ്പ് ഫലം രാജ്യത്തിന്റെ മുന്നോട്ട് പോക്കിനുള്ള സൂചനയാണെന്നും ബിജെപിയുടെ ഹുങ്കിനുളള മറുപടിയാണെന്നും എല്ലാവരും അത് ഉള്ക്കൊള്ളണമെന്നും പിണറായി പ്രവചിച്ചിരിക്കുന്നു. എല്ലാവരും എന്ന് പറഞ്ഞാല് സി.പി.എമ്മും അതില് ഉള്പ്പെടും. കര്ണാടകയില് കോണ്ഗ്രസുമായി ചേര്ന്ന് മത്സരിച്ച് ബി.ജെ.പിയെ അധികാരത്തില് നിന്ന് പുറത്താക്കാന് സി.പി.എം തയ്യാറായില്ല. അധികാരത്തിന് വേണ്ടി ബി.ജെ.പിയുടെ പിന്നാമ്പുറത്തുകൂടി നടന്ന ജെ.ഡി.എസിനെ പിന്തുണയ്ക്കുകയും അവര്ക്കൊപ്പം മത്സരിക്കുകയും ചെയ്തു. എന്നിട്ടോ നോട്ടയ്ക്ക് കിട്ടിയ വോട്ട് പോലും കിട്ടിയില്ല. പറഞ്ഞിട്ട് കാര്യമില്ല ചരിത്രപരമായി മണ്ടത്തരം കൂടപ്പിറപ്പായുള്ള പാര്ട്ടിയാണ് സി.പി.എം.
ബി.ജെ.പിക്ക് രാജ്യത്ത് തുടര്ഭരണം ഇനിയും ഉണ്ടായാല് സര്വ്വനാശം സംഭവിക്കുമെന്ന് ജനങ്ങള് മനസ്സിലാക്കണമെന്നും അവര്ക്കെതിരെ നില്ക്കുന്നവരെയെല്ലാം ഒരു കുടക്കീഴില് നിര്ത്തണമെന്നും പിണറായി ആഹ്വാനം ചെയ്തു. അടുത്ത കൊല്ലം നടക്കുന്ന പൊതുതെരഞ്ഞെടുപ്പില് ബി.ജെ.പി തറപറ്റുമെന്നും അദ്ദേഹം പ്രവചിച്ചു. ഇതൊന്നും കോണ്ഗ്രസ്സിനോടുള്ള സ്നേഹം കൊണ്ടല്ല കേട്ടോ. സ്വന്തം കുടുംബത്തോടുള്ള അമൂല്യമായ സ്നേഹവും കരുതലും കൊണ്ടാണ്. കേന്ദ്രത്തില് അധികാരത്തിലേറിയിട്ട് വേണം പിണറായി വിജയനെ പാഠം പഠിപ്പിക്കാനെന്ന് കരുതിയിരിക്കുന്ന ചില കോണ്ഗ്രസ് നേതാക്കള് കേരളത്തിലുണ്ട്. മോദിയുടെ കീഴിലുള്ള സി.ബി.ഐയുടെയും അവരുടെ അഭിഭാഷകരുടെയും ഉദാസീനത കാരണം 33 പ്രാവശ്യമാണ് ലാവ്ലിന് കേസ് സുപ്രിംകോടതി മാറ്റിവെച്ചത്. ഇതിനെയൊക്കെയാണ് ശരിക്കും മോദി മാജിക് എന്ന് വിളിക്കേണ്ടത്. ഇ.ഡി അന്വേഷിക്കുന്ന വടക്കാഞ്ചേരി ലൈഫ് മിഷന് കേസ്. സ്വര്ണക്കടത്ത് കേസിലെ പ്രതി സ്വപ്ന സുരേഷും എം.ശിവശങ്കറും ക്ലിഫ് ഹൗസില് വെച്ച് മുഖ്യമന്ത്രി പിണറായി വിജയനുമായി കൂട്ടിക്കാഴ്ച നടത്തിയെന്ന് ഇ.ഡി കോടതിയില് നല്കിയ റിമാന്ഡ് റിപ്പോര്ട്ടില് പറയുന്നു. ഇതിനെല്ലാം പുറമേ ലൈഫ് മിഷന് കരാറില് നിന്ന് ഹാബിറ്റാറ്റിനെ നീക്കി സന്തോഷ് ഈപ്പന്റെ യൂണിടാക്കിനെ ഉള്പ്പെടുത്താന് തീരുമാനിച്ചത് മുഖ്യമന്ത്രിയുടെ സാനിദ്ധ്യത്തില് ചേര്ന്ന യോഗത്തിലാണെന്ന തെളിവ് കോണ്ഗ്രസ് നേതാവ് അനില് അക്കരെയാണ് പുറത്തുവിട്ടത്. അദ്ദേഹമാണ് തെളിവ് സി.ബി.ഐയ്ക്ക് കൈ മാറിയത്. സ്പ്രിംഗ്ലര്, സ്പേസ് പാര്ക്കിലെ സ്വപ്നയുടെ നിയമനവുമായി ബന്ധപ്പെട്ട വിവാദ കണ്സള്ട്ടിംഗ് കമ്പനിയായ പ്രൈസ് വാട്ടര് ഹൗസ് കൂപ്പേഴ്സ്, പമ്പാ മണല് കടത്ത് തുടങ്ങി പിണറായി വിജയന് സര്ക്കാര് നടത്തിയ അഴിമതികളും നടത്താന് ശ്രമിച്ച അഴിമതികളും പുറത്തു കൊണ്ടുവന്നത് രമേശ് ചെന്നിത്തലയാണ്. കോണ്ഗ്രസ് അധികാരത്തിലെത്തിയാല് ചെന്നിത്തല ചുമ്മാതിരിക്കുമോ? പിണറായിയുടെ ആജന്മ രാഷ്ട്രീയ ശത്രുവായ കെ.പി.സി.സി പ്രസിഡന്റ് കെ. സുധാകരന്റെ കാര്യം പറയണോ? ഇവരുടെയൊക്കെ കാല് പിടിക്കാന് പിണറായി വിജയനെ കിട്ടില്ല. അതുകൊണ്ട് പിണറായി ഒരു മുഴം മുന്നേ എറിഞ്ഞു. കേന്ദ്രത്തില് കോണ്ഗ്രസ് വന്നാലും എനിക്കും കുടുംബത്തിനും ഒരു പോറല് പോലും ഏല്ക്കരുത്. അതിനുള്ള സാമ്പിള് വെടിക്കെട്ടാണ് പിണറായി ഞായറാഴ്ച പൊട്ടിച്ചത്. ലോക്സഭാ സെക്രട്ടറിയേറ്റ് രാഹുല് ഗാന്ധിയുടെ എം.പി സ്ഥാനം അയോഗ്യമാക്കിയപ്പോഴും ഇതേ ലൈനാണ് സ്വീകരിച്ചതെങ്കിലും പിന്തുണ മറ്റ് ലക്ഷ്യങ്ങളെ മുന് നിര്ത്തിയാണെന്ന് പ്രതിപക്ഷനേതാവ് വി.ഡി സതീശനും കെ. സുധാകരനും തുറന്നടിച്ചിരുന്നു. വയനാട്ടില് ഉപതെരഞ്ഞെടുപ്പ് ഉണ്ടായാല് ഇടത്പക്ഷം രാഹുലിനെ പിന്തുണയ്ക്കണമെന്ന് ചില കോണ്ഗ്രസ് നേതാക്കള് ആവശ്യപ്പെടുകയും ചെയ്തു. അതോടെ പിണറായിയുടെ ആ പടക്കം തറയില് വീഴും മുമ്പ് ചീറ്റിപ്പോയി.
https://www.facebook.com/Malayalivartha
