കണ്ണീരടക്കാനാവാതെ.... കൊല്ലം ചടയമംഗലത്ത് പതിനഞ്ച് വയസ്സുകാരന്‍ മുങ്ങി മരിച്ചു. പേരോടം സ്വദേശി അഭിനവ് ആണ് മരിച്ചത്. കൂട്ടുകാര്‍ക്കൊപ്പം ഇത്തിക്കരയാറ്റില്‍ കുളിക്കാനിറങ്ങിയ കുട്ടിക്ക് അപകടം സംഭവിക്കുകയായിരുന്നു.

വൈകിട്ട് നാല് മണിയോടെയാണ് അപകടം സംഭവിച്ചത്. കുളിക്കുന്നതിനിടെ ഒഴുക്കില്‍പെട്ട അഭിനവിനെ രക്ഷിക്കാനായി ശ്രമിച്ചെങ്കിലും സാധിച്ചില്ല. പിന്നീട് ഫയര്‍ ഫോഴ്സടക്കം സ്ഥലത്തെത്തി തിരച്ചില്‍ നടത്തുകയായിരുന്നു.

കുട്ടിയെ കരക്കെത്തിച്ചപ്പോഴേയ്ക്കും മരിച്ചിരുന്നു. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടം പൂര്‍ത്തിയാക്കി ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.