സംസ്ഥാനത്തെ തീരപ്രദേശങ്ങളില് കരിങ്കല്ലും ടെട്രാപോഡും ഇടുന്നത് സ്റ്റേ ചെയ്ത് ഹൈക്കോടതി
സംസ്ഥാനത്തെ തീരപ്രദേശങ്ങളില് കരിങ്കല്ലും ടെട്രാപോഡും ഇടുന്നത് സ്റ്റേ ചെയ്ത് ഹൈക്കോടതി. കാസര്കോട് ഉപ്പള സ്വദേശിയായ യുകെ യൂസഫ് ഫയല് ചെയ്ത റിട്ട് ഹര്ജിയിലാണ് ഇടക്കാല ഉത്തരവ്.
രൂക്ഷമായ കടലാക്രമണം നേരിടുന്നതിന് കരിങ്കല്ലോ ടെട്രാപോഡോ ഉപയോഗിച്ച് ഭിത്തി നിര്മ്മിക്കാറാണ് വര്ഷങ്ങളായി സംസ്ഥാനത്തെ രീതി. ഇതാണ് ഇപ്പോള് ഹൈക്കോടതി ഇടക്കാല ഉത്തരവിലൂടെ സ്റ്റേ ചെയ്തിരിക്കുന്നത്. തീരം കടലെടുക്കുന്ന അവസ്ഥയ്ക്ക് സ്ഥിരം പരിഹാരമായി സീവേവ് ബ്രേക്കേഴ്സ് എന്ന മാതൃക ഇദ്ദേഹം സര്ക്കാറിന് മുന്നില് സമര്പ്പിച്ചിട്ടുണ്ട്.
കാസര്കോട് ചേരങ്കൈയില് സര്ക്കാര് അനുമതിയോടെ സൗജന്യമായി പദ്ധതി നടപ്പിലാക്കുകയും ചെയ്തു. എന്നാല് കേരളത്തില് വ്യാപകമായി നടപ്പിലാക്കാനായി ഇതുവരെ അനുമതി ലഭിച്ചിട്ടില്ല. തീര സംരക്ഷണത്തിന് വലിയ സാമ്പത്തിക ബാധ്യതയില്ലാത്ത, ദീര്ഘകാലം ഈട് നില്ക്കുന്ന പദ്ധതി മുന്നിലുണ്ടാവുമ്പോഴും ടെട്രാപോഡുകളുമായി മുന്നോട്ട് പോവുകയാണ് സര്ക്കാരെന്ന് പ്രതികരിച്ച് ഹര്ജിക്കാരന്.
"
https://www.facebook.com/Malayalivartha
