ഇന്നത്തെ തലമുറ കൂടുതലായും സമയം ചിലവഴിക്കുന്നത് മൊബൈൽ ഫോണുകളിൽ ആണ്..സമൂഹ മാധ്യമങ്ങൾ ഇന്ന് വലിയൊരു മാസ്സ് മീഡിയ ആയി മാറി...വലിയ രീതിയിൽ തന്നേ൪ ആളുകളെ സ്വാധീനിക്കാനുള്ള മൂർച്ചയേറിയ ഒരു ആയുധമാണ് സോഷ്യൽ മീഡിയ..സോഷ്യൽ മീഡിയയുടെ വളർച്ചക്കൊപ്പം തന്നെ അതിൽ ധാരാളം കെണികളും ഉണ്ട്..അതിന്റെ ചതി കുഴികളിൽ പലരും വീണും പോകുന്നുണ്ട്...പലപ്പോഴും സൈബർ ഇടങ്ങളിൽ നിന്നും മുന്നറിയിപ്പുകൾ നൽകിയിട്ടും വിവരവും വിദ്യാഭ്യാസവുമുള്ള ജനങ്ങൾ തന്നെ അത്തരം കുഴികളിൽ വീണു പോകുന്നതാണ് കഷ്ട്ടം...ഇപ്പോഴിതാ ഓൺലൈൻ തട്ടിപ്പിലൂടെ ഐടി ഉദ്യോഗസ്ഥന് ലക്ഷങ്ങൾ നഷ്ടമായി. വാട്സാപ്പ് സന്ദേശം വഴി വിശ്വാസ്യത നേടിയ സംഘമാണ് ഐ ടി ഉദ്യോഗസ്ഥനിൽ നിന്ന് 42 ലക്ഷം രൂപയിലധികം കൈക്കലാക്കിയത്. യുട്യൂബ് വീഡിയോ ലൈക്ക് ചെയ്ത് അധിക വരുമാനം നേടാം എന്നറിയിച്ചാണ് തട്ടിപ്പ് നടത്തിയത്.പാർട് ടൈം ജോലിയിലൂടെ അധികവരുമാനം നേടാം എന്ന മെസേജ് വഴിയാണ് തട്ടിപ്പ് സംഘം ഐ ടി ഉദ്യോഗസ്ഥനെ സമീപിച്ചത്. യുട്യൂബ് വീഡിയോകൾ ലൈക്ക് ചെയ്ത് അധിക വരുമാനം നേടാമെന്നായിരുന്നു മാർച്ച് 24ന് ലഭിച്ച സന്ദേശത്തിൽ പറഞ്ഞിരുന്നത്. മെസേജിന് മറുപടി നൽകിയതോടെ ദിവ്യ എന്ന പേരിലുള്ള ടെലിഗ്രാം ഗ്രൂപ്പിൽ അംഗമാക്കി.

ഗ്രൂപ്പംഗങ്ങളായ കമാൽ, അങ്കിൽ, ഭൂമി, ഹർഷ് എന്നിവരാണ് പിന്നീട് ഉദ്യോഗസ്ഥനുമായി ആശയവിനിമയം നടത്തിയത്.മുടക്കുന്നതിനേക്കാൾ കൂടുതൽ തുക തിരികെ നൽകാമെന്നറിയിച്ചായിരുന്നു ഇയാളിൽ നിന്ന് പണം കൈക്കലാക്കിയത്.തന്റെയും ഭാര്യയുടെയും അക്കൗണ്ടുകളിൽ നിന്നായി 42,31,600 രൂപ ഇയാൾ തട്ടിപ്പ് സംഘത്തിന് നൽകി. 62 ലക്ഷം രൂപയായി മടക്കി നൽകാമെന്നായിരുന്നു വാഗ്ദാനം. എന്നാൽ പണം തിരികെ ആവശ്യപ്പെട്ടപ്പോൾ അതിനായി വീണ്ടും പണം നൽകേണ്ടതുണ്ടെന്നായിരുന്നു ലഭിച്ച മറുപടി. തട്ടിപ്പ് മനസിലായതോടെ ഇയാൾ പൊലീസിൽ പരാതി നൽകി.ഗുഡ്ഗാവ് സെക്ടർ 102-ൽ സോഫ്റ്റ് വെയർ എൻജിനീയറായ ജോലി ചെയ്യുന്നയാളാണ് ഓൺലൈൻ വഴി കബളിക്കപ്പെട്ടത് എന്നതാണ് ഗൗരവകരമായ കാര്യം. പാർട് ടൈം ജോലി വാഗ്ദാനം ചെയ്തുകൊണ്ടുള്ള ഓൺലൈൻ തട്ടിപ്പ് രാജ്യത്ത് വ്യാപകമാണെന്നാണ് റിപ്പോർട്ടുകൾ സൂചിപ്പിക്കുന്നത്.