നിലമ്പൂർ നഞ്ചങ്കോട് പാത അന്തിമ സർവേക്ക് കേന്ദ്ര സർക്കാർ ഫണ്ട് അനുവദിച്ചതോടെ വീണ്ടും പ്രതീക്ഷക്ക് ചിറക് മുളച്ചിരിക്കുകയാണ്. . ഇ ശ്രീധരൻ സാറിന്റെയും സുരേഷ് ഗോപിയുടെയും ഇടപെടലാണ് ഈ പദ്ധതി വീണ്ടും ജീവൻ വയ്ക്കാനിടയാക്കിയത് . വാസ്തവത്തിൽ ഇ ശ്രീധരനോട് പിണറായി വിജയനുള്ള വൈരാഗ്യത്തിന്റെ അടിസ്ഥാനം ഇതാണ്. നിർണായകമായ ചില വിവരങ്ങൾ ഫേസ്ബുക്ക് കുറിപ്പിലൂടെ തുറന്നടിച്ചിരിക്കുകയാണ് സന്ദീപ് ജി വാരിയർ.അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

നിലമ്പൂർ നഞ്ചങ്കോട് പാത അന്തിമ സർവേക്ക് കേന്ദ്ര സർക്കാർ ഫണ്ട് അനുവദിച്ചതോടെ വീണ്ടും പ്രതീക്ഷക്ക് ചിറക് മുളച്ചിരിക്കുകയാണ് . ഷൊർണൂർ നിലമ്പൂർ നഞ്ചങ്കോട് പാതയുടെ ആദ്യ ഭാഗം ഷൊർണൂർ നിലമ്പൂർ റോഡ് ബ്രിട്ടീഷുകാർ 1920 കളിൽ പൂർത്തിയാക്കിയെങ്കിലും നൂറു വർഷത്തിനിപ്പുറവും പദ്ധതി പൂർത്തീകരിക്കാനായില്ല . മാറി മാറി വന്ന സർക്കാരുകൾ വേണ്ടത്ര ഗൗരവത്തോടെ ഈ പദ്ധതിയെ സമീപിച്ചില്ല എന്നതാണ് ശരി . 2016 ൽ കേന്ദ്രം 3000 കോടി അനുവദിച്ചെങ്കിലും , മുഖ്യമന്ത്രി പിണറായി വിജയൻ തലശ്ശേരി മൈസൂർ പാത മതി എന്ന നിലപാടെടുത്തതോടെ പദ്ധതി മുടങ്ങി . ചരക്ക് ഗതാഗതത്തിന് സ്കോപ്പ് ഇല്ലാത്ത തലശ്ശേരി മൈസൂർ സാങ്കേതികമായും സാമ്പത്തികമായും പ്രായോഗികമല്ല എന്ന പഠന റിപ്പോർട്ട് ആണ് ഡിഎംആർസി നൽകിയത് . ഇതാണ് വാസ്തവത്തിൽ ഇ ശ്രീധരനോട് പിണറായി വിജയനുള്ള വൈരാഗ്യത്തിന്റെ അടിസ്ഥാനം . ഇ ശ്രീധരൻ സാറിന്റെയും സുരേഷ് ഗോപിയുടെയും ഇടപെടലാണ് ഈ പദ്ധതി വീണ്ടും ജീവൻ വയ്ക്കാനിടയാക്കിയത് .

ശ്രീധരൻ സാറിന്റെ കത്തുമായി ബഹു റെയിൽവേ മന്ത്രി അശ്വിനി വൈഷ്ണവിനെ ഡൽഹിയിലെ ഓഫീസിൽ കണ്ടപ്പോൾ മുഖ്യമന്ത്രി ഉയർത്തുന്ന വാദം അദ്ദേഹം എന്നോട് പറഞ്ഞിരുന്നു . ഇക്കാര്യം ശ്രീ സുരേഷ് ഗോപിയെ അറിയിച്ചപ്പോൾ തൊട്ടടുത്ത ദിവസം തന്നെ അദ്ദേഹം റെയിൽവേ മന്ത്രിയെ നേരിൽ കണ്ട് നിലമ്പൂർ നഞ്ചങ്കോട് പാതയുടെ പ്രാധാന്യം വിശദീകരിച്ചു . പാർലമെന്റിലും അദ്ദേഹം വിഷയം ഉയർത്തി . തുടർന്ന് ശ്രീധരൻ സാർ നടത്തിയ ഇടപെടലുകൾ നിലമ്പൂർ നഞ്ചങ്കോട് പാതയാണ് വേണ്ടതെന്ന തീരുമാനത്തിലേക്ക് റെയിൽവേയെ എത്തിച്ചു . വയനാട് സന്ദർശിച്ച കേന്ദ്ര മന്ത്രി സ്‌മൃതി ഇറാനിജിയും ഇക്കാര്യം കേന്ദ്ര സർക്കാരിനെ അറിയിച്ചിരുന്നു . നിലമ്പൂർ നഞ്ചങ്കോട് പാത യാഥാർത്ഥ്യമാക്കാൻ ശ്രീധരൻ സാറും സുരേഷേട്ടനും നടത്തുന്ന ഇടപെടൽ എടുത്ത് പറയേണ്ടതുണ്ട് . ഒപ്പം ഇതുമായി ബന്ധപ്പെട്ട്‌ പ്രവർത്തിക്കുന്ന ആക്ഷൻ കൗൺസിലുകൾ , പൊതുപ്രവർത്തകർ .. എല്ലാവർക്കും സന്തോഷിക്കാം , അഭിമാനിക്കാം . നിലമ്പൂർ നഞ്ചങ്കോട് പാത രാഷ്ട്രീയ നേട്ടത്തിനായി അട്ടിമറിക്കാൻ ശ്രമിച്ചത് ഒരേ ഒരു വ്യക്തിയാണ് . ദൗർഭാഗ്യവശാൽ അദ്ദേഹമാണ് നിലവിൽ കേരള മുഖ്യമന്ത്രി എന്ന വിമർശനത്തോടെയാണ് സന്ദീപ് ജി വാരിയർ കുറിപ്പ് അവസാനിപ്പിച്ചിരിക്കുന്നത്. .