സിനിമാ മേഖലയിലെ ലഹരി ഉപയോഗത്തില്‍ വാ മൂടിക്കെട്ടി നില്‍ക്കുന്ന പോലീസ് ഇപ്പോള്‍ വലിയ തള്ളുമായ് രംഗത്ത് വന്നിരിക്കുകയാണ്.
ലഹരി ഉപയോഗിക്കുന്ന സിനിമാ താരങ്ങളെ അറിയാം, ഞങ്ങള്‍ പിന്നാലെയുണ്ട് അവര്‍ ഉടന്‍ പിടിയിലാകുമെന്ന് കമ്മീഷണര്‍. ലഹരി മരുന്ന് ഉപയോഗിക്കുന്ന സിനിമ താരങ്ങളെയെല്ലാം പൊലീസിന് അറിയാമെന്ന് കൊച്ചി സിറ്റി പൊലീസ് കമ്മീഷണര്‍ കെ സേതുരാമന്‍. എന്നിട്ടെന്തേ ഇത്രകാലമായ് നടപടി ഉണ്ടാകുന്നില്ല. കാലങ്ങളായ് ഉയരുന്നതാണ് സിനിമ മേഖലയിലെ ലഹരി ഉപയോഗത്തെപ്പറ്റിയുള്ള വാര്‍ത്തകള്‍. നോക്കുകിത്തി പോലെ നില്‍ക്കുന്നതല്ലാതെ ഒരു നടപടിയും പോലീസിന്റെ ഭാഗത്ത് നിന്നുണ്ടാകുന്നില്ല. സര്‍ക്കാര്‍ മൗനംപാലിക്കുന്നു. ഇപ്പോള്‍ വലിയ വിവാദമായതോടെ നില്‍ക്കള്ളി ഇല്ലാതെ വന്നപ്പോള്‍ ഇപ്പോള്‍ നടപടി എടുക്കുമെന്ന വീരവാദം.

മയക്കുമരുന്നിനെതിരെ സിനിമാ താരങ്ങള്‍ തന്നെ രംഗത്തുണ്ടെന്നും അവര്‍ തങ്ങളെ സഹായിക്കുന്നുണ്ടെന്നും കൊച്ചി സിറ്റി പൊലീസ് കമ്മീഷണര്‍. ഇവര്‍ ലഹരിമരുന്ന് കൈവശം വെക്കുമ്പോഴോ ഉപയോഗിക്കുന്ന സമയത്തോ മാത്രമേ പിടികൂടാനാകൂവെന്നതാണ് പരിമിതി. സഹായികളാണ് ഇവര്‍ക്ക് ലഹരിമരുന്ന് എത്തിച്ചുനല്‍കുന്നത്. ഈ താരങ്ങളുടെ പിന്നാലെ പൊലീസ് ഉണ്ടെന്നും ഇന്നല്ലെങ്കില്‍ നാളെ ഇവര്‍ പിടിയിലാകുമെന്നും കമ്മീഷണര്‍ പറഞ്ഞു. മയക്കുമരുന്ന് ഏത് സ്ഥലത്ത് വെച്ച് ഉപയോഗിച്ചാലും കുറ്റകരമാണ്. അതിനാല്‍ സിനിമാ സെറ്റില്‍ പരിശോധന നടത്താന്‍ തടസമില്ല. കേരളത്തിലെ ലോകമറിയുന്ന കലാകാരന്മാര്‍ ആരും മയക്കുമരുന്ന് ഉപയോഗിച്ചല്ല താരങ്ങളായത്. അവരില്‍ പലരും തങ്ങളെ സഹായിക്കുന്നുണ്ട്. ടിനി ടോം മകന്റെ കാര്യം പറഞ്ഞത് സങ്കടകരമാണ്. കൊച്ചിയിലെ സിനിമാ സെറ്റുകളില്‍ ഷാഡോ പൊലീസിനെ വിന്യസിച്ചിട്ടുണ്ട്. അതിനാല്‍ തന്നെ ഉപയോഗം കുറഞ്ഞിട്ടുണ്ടെന്നും കമ്മീഷണര്‍ വ്യക്തമാക്കി.

ലൊക്കേഷനുകളില്‍ ലഹരി ഉപയോഗമുണ്ടെന്ന പരാതിയില്‍ പരിശോധന കര്‍ശനമാക്കുമെന്ന് കമ്മിഷണര്‍ പറഞ്ഞത്. ലൊക്കേഷനുകളില്‍ ഷാഡോ പോലീസിന്റെ സാന്നിധ്യമുണ്ടാകും. നിയമലംഘകര്‍ക്കെതിരേ നടപടിയുണ്ടാകും. കഴിഞ്ഞ ദിവസം ഇതുസംബന്ധിച്ചുള്ള ഒരു അടിയന്തര യോഗം ചേര്‍ന്നിരുന്നതായും കമ്മിഷണര്‍ പറഞ്ഞു. സിനിമാ വ്യവസായത്തെ ബാധിക്കുന്ന വിധത്തില്‍ പ്രവര്‍ത്തിക്കില്ലെന്നും കമ്മിഷണര്‍ വ്യക്തമാക്കി. എന്നാല്‍ എല്ലാ സിനിമയുടെ ഷൂട്ടിങ് ലൊക്കേഷനുകളിലും ഇനിമുതല്‍ ഷാഡോ പോലീസിന്റെ സാന്നിധ്യമുണ്ടാകും. സിനിമാ രംഗത്തുനിന്നുള്ളവരുടെ തന്നെ പിന്തുണയുണ്ട്. ലഹരി ഉപയോഗവും അത് കടന്നു വരുന്ന വഴികളും തുടങ്ങി വിശദമായിത്തന്നെ അന്വേഷിക്കുമെന്നും കമ്മിഷണര്‍ കൂട്ടിച്ചേര്‍ത്തു. അതേസമയം എക്‌സൈസും ലഹരി ഉപയോഗിക്കുന്ന സംഘത്തെ രഹസ്യമായി നിരീക്ഷിക്കും. ടിനി ടോം, ബാബുരാജ് ഉള്‍പ്പെടെയുള്ള സിനിമാപ്രവര്‍ത്തകര്‍ നേരത്തേ സിനിമാ രംഗത്തെ രൂക്ഷമായ ലഹരി ഉപയോഗത്തെക്കുറിച്ച് തുറന്നുപറഞ്ഞിരുന്നു. താരസംഘടനയായ അമ്മയില്‍ ലഹരി ഉപയോഗിക്കുന്നവര്‍ക്ക് അംഗത്വം നല്‍കില്ലെന്ന നിയമഭേദഗതി തന്നെയുണ്ട്. എന്നിട്ടും ഈ രംഗത്തെ ലഹരി ഉപയോഗം ഇല്ലാക്കാനാവുന്നില്ല. ലഹരി ഉപയോഗിക്കുന്നവരുടെ ഒരു ലിസ്റ്റ് തന്നെയുണ്ടെന്ന് കഴിഞ്ഞ ദിവസം നിര്‍മാതാക്കളുടെ സംഘടന പറഞ്ഞിരുന്നു.

ലഹരി ഉപയോഗം യുവ നടന്മാരെുടെ തലയില്‍ മാത്രം കെട്ടിവെച്ച് രക്ഷപ്പെടാനാകില്ല. ലഹരി ഉപയോഗിക്കുന്നവര്‍ക്കെതിരെയെല്ലാം കൃത്യമായ നടപടി ഉണ്ടാകണം. അല്ലാതെ ഒരു വിഭാഗത്തെ മാത്രം സംരക്ഷിച്ചുകൊണ്ടുള്ള നടപടി പാടില്ല. സര്‍ക്കാരും പോലീസും കണ്ടില്ലെന്ന് നടിച്ചത് കൊണ്ട് ത്‌നനെയാണ് ഇത്രകാലം സിനിമയിലെ ലഹരി ഉപയോഗം തവച്ചുവളര്‍ന്നത്. ഇപ്പോള്‍ കതിരിന്മേല്‍ വളം വെക്കുന്നത് പോലെയാണ് പോലീസിന്റെ നീക്കം. അതുകൊണ്ട് കാര്യമില്ല. ശക്തമായ നടപടിയാണ് ആവശ്യം.