മാധ്യമ സ്വാതന്ത്ര്യത്തിനുവേണ്ടി കവലയില് പ്രസംഗിക്കുന്ന ഇടതു പക്ഷം തന്നെയാണ് മാധ്യമ പ്രവര്ത്തകരുടെ വായമൂടിക്കെട്ടാന് തിരഞ്ഞു പിടിച്ച് കേസെടുത്തു കൊണ്ടിരിക്കുന്നത്.
ഇടതുപക്ഷത്തിനെതിരെയോ , സര്ക്കാരിനെതിരെയോ പ്രതിഷേധിക്കുകയോ പ്രതികരിക്കുകയോ ചെയ്യുന്നവരെ തിരഞ്ഞുപിടിച്ച് ഏതെങ്കിലും കേസില് പ്രതിയാക്കി കുരുക്കു മുറുക്കുകയാണ് ഭരണ കൂടം ഇപ്പോള് ചെയ്തു കൊണ്ടിരിക്കുന്നത്.ഇതിനെ ഭരണകൂട ഭീകരത എന്നു പറയുന്നതില് തെറ്റില്ലെന്ന് ഇടതു സൈദ്ധാന്തികര് തന്നെ വിവിച്ചിട്ടുണ്ട്. മാധ്യമ സ്വാതന്ത്ര്യത്തിനുവേണ്ടി കവലയില് പ്രസംഗിക്കുന്ന ഇടതു പക്ഷം തന്നെയാണ് മാധ്യമ പ്രവര്ത്തകരുടെ വായമൂടിക്കെട്ടാന് തിരഞ്ഞു പിടിച്ച് കേസെടുത്തു കൊണ്ടിരിക്കുന്നത്. മാധ്യമങ്ങളില് വാര്ത്ത കൊടുക്കുന്നത് ഗൂഡാലോചനയാണെന്ന് കണ്ടെത്തുന്ന ഇടതു സര്ക്കാര് എങ്ങോട്ടാണ് കേരളത്തെ നയിക്കുന്നതെന്ന കാര്യത്തില് ആര്ക്കും വ്യക്തതയില്ല. കേന്ദ്ര സര്ക്കാരിനോട് ചോദ്യം ചോദിക്കുന്നവരെ അയോഗ്യരാക്കിയും കേസില് പ്രതിയാക്കിയും ശിക്ഷിക്കുന്ന അതേ സ്റ്റൈലില് തന്നെയാണ് പിണറായി വിജയനും കേരളത്തോട് കാണിക്കുന്നത്. എപ്പഴോ എവിടെയൊക്കെയോ വെച്ച് നിറുത്തിപ്പോയ കേസുകള് കുത്തിപ്പൊക്കി എതിര്ക്കുന്നവര്ക്കെതിരെയെല്ലാം കേസെടുത്തു കൊണ്ടിരിക്കുകയാണ്. സ്വര്ണ്ണക്കടത്ത് കേസിലെ പ്രതി സ്വപ്നസുരേഷ് മുഖ്യന്റെ അടുക്കളയില് വരെ നിരങ്ങി നടന്നെന്ന വിവരം പുറത്തു വന്നിട്ടും അക്കാര്യത്തില് മുഖ്യനെതിരെ കേസില്ലെന്നതാണ് വിചിത്രം.
കേസുകളുടെ കൂട്ടത്തിലെ ഏറ്റവു ഒടുവിലത്തെ തമാശ ഏഷ്യാനെറ്റ് ചാനലിനെതിരെയുള്ളതാണ്. 2020 ല് സോളാര് കേസ് പ്രതി സരിത നായര് നടത്തിയ ഒരു സംഭാഷണത്തെ വാര്ത്തയായി വായിച്ച അബ്ജോദ് വര്ഗ്ഗീസിനെതിരെ കേസെടുത്തെന്ന് കാട്ടി ക്രൈംബ്രാഞ്ച് ചോദ്യം ചെയ്യലിന് നോട്ടീസ് നല്കിയിരിക്കുകയാണ്. വാര്ത്താ റിപ്പോര്ട്ടര് മാത്രമല്ല അവതാരകരെയും കുടുക്കും എന്ന സൂചനയാണ് ഇതിലൂടെ സര്ക്കാര് നല്കുന്നത്. അങ്ങാടിയില് തോറ്റതിന് അമ്മയോട് എന്ന ചൊല്ല് പോലെയാണ് പിണറായി സര്ക്കാരിന്റെ പ്രതികാര നടപടികളെന്നു മനസിലാക്കാം.
്.പ്രതിപക്ഷ നേതാവ് വി.ഡി.സതീശനെതിരായ വിജിലന്സ് നീക്കത്തിനു തൊട്ടുപിന്നാലെ കെപിസിസി പ്രസിഡന്റ് കെ.സുധാകരനെതിരെയും കേസെടുത്തത് രണ്ടു പേരെടെയും നാവിനെ പൂട്ടുക എന്ന ലക്ഷ്യത്തോടെയാണെന്ന് വ്യക്തമാണ്. മോന്സന് മാവുങ്കല് മുഖ്യപ്രതിയായ പുരാവസ്തു തട്ടിപ്പു കേസില് വഞ്ചനക്കുറ്റം ചുമത്തി സുധാകരനെ ക്രൈംബ്രാഞ്ച് രണ്ടാം പ്രതിയാക്കി കേസെടുത്തിക്കുന്നത്. നാളെ കളമശേരിയിലെ ക്രൈംബ്രാഞ്ച് ഓഫിസില് നേരിട്ടു ഹാജരാകാന് നോട്ടിസും നല്കി.ചോദ്യം ചെയ്യലിന് ഹാജരായാലും ഇല്ലെങ്കിലും സുധാകരനെ അറസ്റ്റു ചെയ്യുകയെന്ന ലക്ഷ്യത്തോടെ പോലീസ് നിയമോപദേശം തേടിയെന്നാണറിയുന്നത്.
എ.ഐ ക്യാമറ, കെ ഫോണ്. എസ്.എഫ്.ഐ ആള്മാറാട്ടം, വ്യാജരേഖ , പൂജ്യംമാര്ക്ക് വിജയം തുടങ്ങി സര്ക്കാരിനെ മുച്ചൂടും നാണംകെടുത്തി കൊണ്ടിരിക്കുന്ന വിഷയങ്ങളില് നിന്ന തല്ക്കാലം മോചനം നേടണമെങ്കില് സുധാകരനെ അല്ലെങ്കില്വി.ഡി. സതീശനെ അകത്താക്കണം എന്ന ലക്ഷ്യത്തോടെയാണ് സര്ക്കാര് മുന്നോട്ട് നീങ്ങുന്നതെന്ന് വ്യക്തമാണ്. മുന്പായിരുന്നെങ്കില് കണ്ണൂര് കേന്ദ്രീകരിച്ച് ഒന്നോ രണ്ടോ നിരപരാധികളെ വെട്ടിക്കൊന്ന് രാഷ്ട്രീയ കൊലപാതകമാക്കി സംഭവങ്ങളില് നിന്നും ശ്രദ്ധ തിരിച്ചു വിടുമായിരുന്നു. ഇപ്പോ കണ്ണൂരില് അത്തരം കലാരിപാടികള്ക്ക് ആളെ കിട്ടാനില്ലെന്നതാണ് വസ്തുത.
എന്നാല് മോന്സന് മാവുങ്കലുമായി ബന്ധപ്പെട്ട കേസുകള് പൂട്ടി സീല് ചെയ്ത കേരള പോലീസ് ഇപ്പോള് അവ പൊടിതട്ടിയെടുത്തതിലെ സാങ്കേതികത്വമാണ് സംശയത്തിനിട നല്കിയിരിക്കുന്നത്.പ്രവാസി മലയാളി ഫെഡറേഷന് എന്ന സംഘടനയുടെ പേരില് 2019 ല് മുഖ്യമന്ത്രി പിണറായി വിജയനു പ്രവാസിപുരസ്കാരം നല്കിയെന്നും മുഖ്യമന്ത്രിയുടെ ഓഫിസില് വലിയ സ്വാധീനമുണ്ടെന്ന് അതിന്റെ പോസ്റ്റര് കാണിച്ചു മോന്സന് അവകാശപ്പെട്ടതായും പരാതിക്കാരുടെ മൊഴിയിലുണ്ട്. ആ മൊഴിയുടെ അടിസ്ഥാനത്തില് പിണറായി വിജയനേയും പ്രതിചേര്ക്കേണ്ടതല്ലെയെന്ന ചോദ്യവും ഉയരുന്നുണ്ട്.
അതേ സമയം പ്രതിപക്ഷ നേതാവ് വി.ഡി. സതീശനെതിരെയുള്ള വിജിലന്സ് അന്വേഷണ സംഘം 2 ഇന്സ്പെക്ടര്മാരെ കൂടി ഉള്പ്പെടുത്തി വിപുലീകരിച്ചിരിക്കുകയാണ്. സതീശനെതിരെ പ്രാഥമിക അന്വേഷണത്തിനാണു സര്ക്കാര് അനുമതി നല്കിയത്. സതീശന്റെ മണ്ഡലമായ പറവൂരില് പ്രളയത്തില് വീടു തകര്ന്ന ഇരുനൂറ്റിഎണ്പതോളം പേര്ക്കു 'പുനര്ജനി' പദ്ധതിയില് വീടു നിര്മിച്ചു നല്കിയിട്ടുണ്ട്. ഇതില് 37 വീടുകള് വിദേശ മലയാളികളുടെ സ്പോണ്സര്ഷിപ് മുഖേന നിര്മിച്ചവയാണ്. ദുബായിലും യുകെയിലും നടത്തിയ സന്ദര്ശനത്തില് പദ്ധതിക്കായി സതീശന് സഹായം അഭ്യര്ഥിച്ചതിനാണ് കേസെടുത്തിരിക്കുന്നത്.
മോന്സണ് മാവുങ്കല് തട്ടിപ്പില് കെ.സുധാകരനേയും, വിദേശ സഹായം സ്വീകരിച്ചെന്ന കേസില് പ്രതിപക്ഷ നേതാവ് വി.ഡി. സതീശനേയും കേസില്പ്പെടുത്തി രാഷ്ട്രീയ നേട്ടത്തിന് ശ്രമിച്ച കൊണ്ടിരിക്കുന്നതോടൊപ്പം എസ് എഫ് ഐ സംസ്ഥാന സെക്രട്ടറി പി എം ആര്ഷോയുടെ പരാതിയില് ഏഷ്യനെറ്റ് ലേഖിക അഖില നന്ദകുമാര്, അബ്ജോദ് വര്ഗ്ഗീസ് തുടങ്ങി മാധ്യമ പ്രവര്ത്തകരേയും ഓണ്ലൈന് മാധ്യമങ്ങളേയും കണ്ടെത്തി കുടുക്കിടുകയാണ് പോലീസ്. ഇടതുഭരണത്തില് നിഷ്ക്രിയമായ പോലീസ് സംവിധാനത്തില് സാധാരണക്കാരുടെ വിഷയങ്ങളേക്കാള് സര്ക്കാരിന്റെ കാര്യത്തിലാണ് ശ്രദ്ധേ കൂടുതലുള്ളത്. സര്ക്കാരും സിപിഎമ്മും പറയുന്നവരെയെല്ലാം പോലീസ് രീതിയില് ബുദ്ധിമുട്ടിക്കുകയെന്ന ശൈലി കേരളത്തില് തന്നെ ആദ്യമായാണ് സംഭവിച്ചിരിക്കുന്നത്.
https://www.facebook.com/Malayalivartha
