തിക്കോയി മാര്‍മല വെള്ളച്ചാട്ടത്തില്‍ കുളിക്കാനിറങ്ങിയ ബെംഗളൂരു സ്വദേശി മുങ്ങിമരിച്ചു. ബെംഗളൂര്‍ പിഇഎസ് കോളേജ് വിദ്യാര്‍ഥിയായ അഫ്ലേഷ് ആണ് അപകടത്തില്‍പ്പെട്ടത്. വെള്ളിയാഴ്ച ഉച്ചയ്ക്ക് മൂന്ന് മണിയോടെയായിരുന്നു അപകടം നടന്നത്.


അഫ്ലേഷ് അടക്കമുള്ള അഞ്ചംഗസംഘം വിനോദ സഞ്ചാര കേന്ദ്രമായ വാഗമണ്‍ സന്ദര്‍ശിച്ച് മടങ്ങുന്നതിനിടെയാണ് മാര്‍മലയിലെത്തിയത്. സുഹൃത്തുക്കള്‍ക്കൊപ്പം കുളിക്കുന്നതിനിടെ അഫ്ലേഷ് ആഴക്കയത്തില്‍പ്പെടുകയായിരുന്നു.

അഗ്‌നിരക്ഷാസേനയും സന്നദ്ധപ്രവര്‍ത്തകരും ചേര്‍ന്ന് നടത്തിയ രക്ഷാപ്രവര്‍ത്തനം നടത്തി. ഒടുവില്‍ അരമണിക്കൂറിനുള്ളില്‍ യുവാവിന്റെ മൃതദേഹം കണ്ടെത്തുകയായിരുന്നു. കോട്ടയം മെഡിക്കല്‍ കോളേജിലേക്ക് മൃതദേഹം മാറ്റിയിട്ടുണ്ട്. തുടര്‍നടപടികള്‍ക്ക് ശേഷം നാട്ടിലേക്ക് കൊണ്ടുപോകുകയും ചെയ്യും.