തെളിവ് കണ്ടെത്താന് പോലീസ് വെള്ളംകുടിക്കും;കെ.വിദ്യ, പ്രധാന തെളിവായ വ്യാജ സര്ട്ടിഫിക്കറ്റ് കീറിക്കളഞ്ഞെന്ന് പോലീസ്,ഇതും എകെജി ഭവന് വക ക്യാപ്സൂളോയെന്ന പരിഹാസം ശക്തം,പോലീസും സിപിഎമ്മും ചേര്ന്നുള്ള തിരക്കഥ,ഏതായാലും വിദ്യയും സുഖമായ് ഊരിപ്പോരും
നിയമത്തിന്റെ ഏതറ്റം വരെയും പോകുംമെന്ന് വിദ്യ വെറുതെ വെല്ലുവിളിച്ചതല്ല. തെളിവുകള് നശിപ്പിച്ചതിന് ശേഷമുള്ള വെല്ലുവിളി തന്നെ ആയിരുന്നു അത്. പോലീസിനെ നക്ഷത്രം എണ്ണിച്ച് മുന് എസ്എഫ്ഐക്കാരി കെ വിദ്യ. കെ.വിദ്യ, പ്രധാന തെളിവായ വ്യാജ സര്ട്ടിഫിക്കറ്റ് കീറിക്കളഞ്ഞെന്ന് പൊലീസ്. വിദ്യയുടെ ജാമ്യ ഹര്ജിയെ എതിര്ത്ത് കോടതിയില് സമര്പ്പിച്ച റിപ്പോര്ട്ടിലാണ് പൊലീസ് ഇക്കാര്യം വ്യക്തമാക്കുന്നത്. പിടിക്കപ്പെടുമെന്ന് ഉറപ്പായപ്പോള് വ്യാജ സര്ട്ടിഫിക്കറ്റിന്റെ ഒറിജിനല് അട്ടപ്പാടി ചുരത്തില്വച്ച് കീഴിക്കളഞ്ഞതായി വിദ്യ സമ്മതിച്ചെന്നാഅണ് ഈ റിപ്പോര്ട്ടിലുള്ളത്. കേസില് മണ്ണാര്ക്കാട് കോടതി കര്ശന ഉപാധികളോടെ വിദ്യയ്ക്ക് ജാമ്യം അനുവദിച്ചിരുന്നു.
''കരിന്തളം കോളജില് തന്നേക്കാള് യോഗ്യതയുള്ളവര് ഉണ്ടായിരുന്നു. അതിനാല് ജോലി കിട്ടില്ലെന്നു തോന്നിയപ്പോഴാണ് വ്യാജ സര്ട്ടിഫിക്കറ്റ് ഉണ്ടാക്കിയത്. അട്ടപ്പാടി കോളജില് നിന്ന് സംശയം പറഞ്ഞപ്പോള് പിടിക്കപ്പെടുമെന്നു തോന്നി. വ്യാജമായി തയ്യാറാക്കിയ സര്ട്ടിഫിക്കറ്റിന്റെ ഒറിജിനല്, അട്ടപ്പാടി ചുരത്തില്വച്ച് കീറിക്കളഞ്ഞതായി വിദ്യ സമ്മതിച്ചു' ഇങ്ങനെയാണ് പൊലീസ് കോടതിയില് നല്കിയ റിപ്പോര്ട്ടിലുള്ളത്. അതേസമയം, പരിശോധനയില് ഇക്കാര്യം സ്ഥിരീകരിക്കാനായില്ല. മൊബൈല് ഫോണിലാണ് വിദ്യ സര്ട്ടിഫിക്കറ്റ് തയ്യാറാക്കിയത്. സീലും അനുബന്ധ രേഖകളും നിര്മിച്ചത് ഓണ്ലൈനായാണ്. ഇതിനു വേറെ സഹായം ലഭിച്ചിട്ടില്ല. സൈബര് വിദഗ്ദരുടെ സഹായത്തോടെ വീണ്ടെടുക്കാനുള്ള ശ്രമങ്ങള് നടക്കുകയാണെന്നും പൊലീസ് നല്കിയ റിപ്പോര്ട്ടില് പറയുന്നു.
കേസില് കര്ശന ഉപാധികളോടെയാണ് കോടതി വിദ്യയ്ക്ക് ജാമ്യം അനുവദിച്ചത്. 50,000 രൂപയുടെ രണ്ട് ആള്ജാമ്യം നല്കണം, ഒരു കാരണവശാലും കേരളം വിട്ടുപോകരുത്, സാക്ഷികളെ സ്വാധീനിക്കരുത് തുടങ്ങിയ ഉപാധികളോടെയാണ് ജാമ്യം. പാസ്പോര്ട്ട് ഉള്പ്പെടെയുള്ള രേഖകള് കോടതിയില് ഹാജരാക്കണം. ഒന്നിടവിട്ട ശനിയാഴ്ചകളില് അന്വേഷണ ഉദ്യോഗസ്ഥനു മുന്നില് ഹാജരാകണമെന്നും നിര്ദേശവുമുണ്ട്.
വ്യാജ പ്രവൃത്തി സര്ട്ടിഫിക്കറ്റ് കേസില് ബുധനാഴ്ച രാത്രി കോഴിക്കോട് മേപ്പയൂര് കുട്ടോത്ത് സുഹൃത്തിന്റെ വീട്ടില്നിന്നാണ് അഗളി പൊലീസ് വിദ്യയെ പിടികൂടുന്നത്. കാലടി സംസ്കൃത സര്വകലാശാലയില് പിഎച്ച്ഡി വിദ്യാര്ഥിയാണ് കാസര്കോട് തൃക്കരിപ്പൂര് സ്വദേശിനിയായ വിദ്യ. പാലക്കാട് അട്ടപ്പാടി രാജീവ് ഗാന്ധി മെമ്മോറിയല് ആര്ട്സ് കോളജിലെ മലയാളം ഗെസ്റ്റ് ലക്ചറര് തസ്തികയില് നിയമനം ലഭിക്കാന് എറണാകുളം മഹാരാജാസ് കോളജിന്റെ പേരിലുള്ള വ്യാജ സര്ട്ടിഫിക്കറ്റ് ഹാജരാക്കിയെന്നാണു കേസ്. മഹാരാജാസ് കോളജ് പ്രിന്സിപ്പല് നല്കിയ പരാതിയിലാണു പൊലീസ് കേസ് എടുത്തത്. ജൂണ് 6ന് എറണാകുളം സെന്ട്രല് പൊലീസ് എടുത്ത കേസ് പിന്നീട് പാലക്കാട് അഗളി പൊലീസിനു കൈമാറുകയായിരുന്നു. വ്യാജരേഖയുണ്ടാക്കല് (468), യഥാര്ഥ രേഖയെന്ന മട്ടില് അത് ഉപയോഗിക്കല് (471) എന്നീ കുറ്റങ്ങളാണു കേസിലുള്ളത്.
ഇതിനിടെ വ്യാജ സര്ട്ടിഫിക്കറ്റ് കേസില് അറസ്റ്റിലായ എസ്എഫ്ഐ മുന് ഏരിയ സെക്രട്ടറി നിഖില് തോമസ് കുറ്റം സമ്മതിച്ചെന്ന് പൊലീസ്. വ്യാജ സര്ട്ടിഫിക്കറ്റ് നല്കിയത് എസ്എഫ്ഐ മുന് ഏരിയ പ്രസിഡന്റ് അബിന് സി.രാജാണെന്ന് നിഖില് പറഞ്ഞു. അബിനും കേസില് പ്രതിയാകും. മാലിദ്വീപില് ജോലി ചെയ്യുന്ന അബിനെ വിദേശത്തുനിന്ന് ഉടന് നാട്ടിലെത്തിക്കുമെന്ന് കായംകുളം ഡിവൈഎസ്പി ജി. അജയ്നാഥ് പറഞ്ഞു. നിഖില് തോമസിനെ വൈദ്യ പരിശോധനയ്ക്കായി കായംകുളം താലൂക്ക് ആശുപത്രിയിലേക്കു കൊണ്ടുപോയി. ഉച്ചയ്ക്കു ശേഷം കായംകുളം മജിസ്ട്രേറ്റ് കോടതിയില് ഹാജരാക്കും. പ്രതിയെ പൊലീസ് കസ്റ്റഡിയില് ആവശ്യപ്പെടും. അബിന് കൊച്ചിയില് വിദ്യാഭ്യാസ ഏജന്സി ഉള്ളതായാണ് വിവരം. ബസ്സിനുള്ളില് വച്ചാണ് നിഖിലിനെ പിടികൂടിയതെന്നും കൊട്ടാരക്കരയിലേക്ക് എന്തിന് ടിക്കറ്റ് എടുത്തു എന്നുള്ളത് അന്വേഷിക്കുമെന്നും ഇന്സ്പെക്ടര് മുഹമ്മദ് ഷാഫി പറ!ഞ്ഞു. വ്യാജ സര്ട്ടിഫിക്കറ്റ് നല്കിയത് വിദേശത്തുള്ള സുഹൃത്തെന്ന് നിഖില് തോമസ് പറഞ്ഞിരുന്നു. കലിംഗ സര്വകലാശാലയുടെ ഒറിജിനല് സര്ട്ടിഫിക്കറ്റാണെന്ന് പറഞ്ഞു. കേരള സര്വകലാശാലയില് റജിസ്റ്റര് ചെയ്താല് പ്രശ്നമില്ലെന്നും അറിയിച്ചു. മുന് എസ്എഫ്ഐ നേതാവായ സുഹൃത്ത് കായംകുളത്ത് വിദ്യാഭ്യാസ ഏജന്സി നടത്തിയിരുന്നുവെന്നും നിഖില് പറഞ്ഞു.
https://www.facebook.com/Malayalivartha
