മിത്ത് വിവാദത്തിൽ സ്പീക്കർ എ എൻ ഷംസീറിനെതിരെ വിമർശനവുമായി നടനും ബി ജെ പി നേതാവുമായ സുരേഷ് ഗോപി. താങ്കളുടെ മിത്ത് തന്റെ സത്യമാണെന്ന് പറഞ്ഞുകൊണ്ട് വീട്ടിലെ ഗണപതി ചിത്രങ്ങൾ ഫേസ്ബുക്കിൽ പങ്കുവച്ചിരിക്കുകയാണ് അദ്ദേഹമിപ്പോൾ.

ആരേയും ഇന്നുവരെ ദ്രോഹിച്ചിട്ടില്ലാത്ത, കളങ്കമില്ലാത്ത, വഞ്ചനയും ദ്രോഹവും ചെയ്യാത്ത സർവ്വസത്യമാണെന്നും കോടിക്കണക്കിന് മനുഷ്യരുടെ സത്യമാണെന്നും അദ്ദേഹം ഫേസ്ബുക്കിൽ കുറിച്ചു. ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ അടക്കമുള്ളവർ സ്പീക്കറെ വിമർശിച്ചുകൊണ്ട് നേരത്തെ രംഗത്തെത്തിയിരുന്നു.

ഫേസ്ബുക്ക് പോസ്റ്റിന്റെ പൂർണ്ണരൂപം

താങ്കളുടെ Myth എന്റെ സത്യം.
ആരേയും ഇന്നുവരെ ദ്രോഹിച്ചിട്ടില്ലാത്ത, കളങ്കമില്ലാത്ത, വഞ്ചനയും ദ്രോഹവും ചെയ്യാത്ത സർവ്വസത്യം.
എന്റെ വീട്ടിലെ എന്റെ സത്യം
ഞങ്ങളുടെ ജീവിതത്തിലെ ഞങ്ങളുടെ സത്യം
കോടിക്കണക്കിന് മനുഷ്യരുടെ സത്യം