കൊലയാളി എങ്ങനെ വിശുദ്ധനാകും, ഉമ്മന്‍ ചാണ്ടിയെ മിത്താക്കരുതെന്ന സിപിഎം നേതാവ് അനില്‍കുമാറിന്റെ കത്ത് പുറത്ത് വന്നതോടെ കേരള രാഷ്ട്രീയം ചൂടുപിടിക്കുന്നു. സോഷ്യല്‍മീഡിയയില്‍ കോണ്‍ഗ്രസ്-സിപിഎം കൊലവിളി തുടങ്ങിക്കഴിഞ്ഞു. ഇരുവരും പരസ്പരം ചെളിവാരിയെറിയുന്നു. കമന്റ് ബോക്‌സിലാണ് യുദ്ധം നടക്കുന്നത്. ഒരു കൊലപാതക കേസിലെ രണ്ടാം പ്രതിയ്ക്ക് സിന്ദാബാദ് വിളിച്ച് നടക്കുന്ന അനിലിന് ഉമ്മന്‍ ചാണ്ടിയെ പറയാന്‍ എന്താണ് യോഗ്യത. മുഖ്യമന്ത്രി ഉമ്മന്‍ ചാണ്ടിയെ ഉന്നമിട്ട് കോണ്‍ഗ്രസ് സൈബര്‍ ഗ്രൂപ്പിന്റെ ചോദ്യം. വിശുദ്ധനാക്കാന്‍ മാത്രം ഉമ്മന്‍ ചാണ്ടി എന്ത് ചെയ്‌തെന്ന് ആദ്യം പറ. നമ്പി നാരായണനോടും കെ കരുണാകരനോടും ഉമ്മന്‍ ചാണ്ടി ചെയ്തത് കേരളം മറന്നിട്ടില്ല. അങ്ങനെയുള്ള ഒരാള്‍ എങ്ങനെ വിശുദ്ധനാകുമെന്ന് കോണ്‍ഗ്രസ്സൊന്ന് പറഞ്ഞേയെന്ന് സിപിഎം സൈബര്‍ ഗ്രൂപ്പുകളുടെ വെല്ലുവിളി. അങ്ങോട്ടും ഇങ്ങോട്ടും കാലുവാരിയ ചരിത്രംപറഞ്ഞ് സിപിഎമ്മും കോണ്‍ഗ്രസും കളം നിറയുമ്പോള്‍ ഇവരുടെയൊക്കെ തനിനിറം കേരളം മനസ്സിലാക്കുകയാണ്.

അനിലിന് നേരെ ഇളകിയിരിക്കുകയാണ് കോണ്‍ഗ്രസ്സുകാര്‍. തനിക്ക് വിജയന്റെ അടുക്കളപ്പുറത്ത് നിന്ന് വല്ലതും കിട്ടുന്നുണ്ട് എങ്കില്‍ അത് വാങ്ങി നക്കി വാലും ചുരുട്ടി മിണ്ടാതെ ഇരുന്നാല്‍ മതി, ചാനല്‍ ചര്‍ച്ചകളില്‍ പോയി കൊക്കിനെ കുറിച്ച് ചൊതിക്കുമ്പോള്‍ കാക്കയെപ്പറ്റി പറഞ്ഞ് തേയുന്ന അനിലെ! തന്റെ നേതാവ് വാസവനോട് ചോതിച്ചാല്‍ മതി ഉമ്മന്‍ ചാണ്ടി ആരായിരുന്നു എന്ന് അദ്ദേഹം പറഞ്ഞ് തരും. കോട്ടയത്ത് നദീ സംരക്ഷണം എന്ന പേരില്‍ ലഭിക്കുന്നതില്‍ നിന്നും കയ്യിട്ട് വാരി നക്കിയിട്ട് താന്‍ വിളിച്ച് പറയുന്നത് ആണ് ഇതെന്ന് എല്ലാവര്‍ക്കും അറിയാം. താന്‍ ഈ പറഞ്ഞത് കുഞ്ഞൂഞ്ഞിന്റെ സ്വന്തം പുതുപ്പള്ളിക്കാര്‍ കുറിച്ച് വെച്ചിട്ടുണ്ട്, മറുപടി അവര്‍ തന്ന് കൊള്ളും. പുതുപ്പള്ളി ഉമ്മന്‍ ചാണ്ടി കുടുംബത്തിന് തീറെഴുതി തന്നിട്ടില്ലെന്ന് സിപിഎമ്മിന്റെ പോര്‍വിളി. ഇങ്ങനെ സോഷ്യല്‍മീഡിയയിലെ പോര് അതിരുകടക്കുന്നു. സൈബര്‍ കൂട്ടത്തെ നിയന്ത്രിക്കാന്‍ ഇരുപാര്‍ട്ടിയിലെ മുതിര്‍ന്ന നേതാക്കള്‍ ശ്രമിക്കുന്നില്ല.

പുതുപ്പള്ളി പോര് കോണ്‍ഗ്രസ്‌സിപിഎം യുദ്ധംപോലെ ആകുന്ന കാഴ്ചയാണിത്. ചാണ്ടി ഉമ്മനെ ഇറക്കി പുതുപ്പള്ളി പിടിക്കാന്‍ കോണ്‍ഗ്രസ് നടത്തുന്നത് കൃത്യമായ രാഷ്ട്രീയക്കളിയാണ്. അങ്ങനെയാണ് നീക്കയെങ്കില്‍ ഞഹ്ങളും പിന്നോട്ടേക്കില്ല. നിങ്ങള്‍ തെരഞ്ഞെടുപ്പ് പ്രചരണം ആരംഭിച്ചസ്ഥിതിക്ക് നമുക്ക് തുടങ്ങാം. പുതുപ്പള്ളിയില്‍ യുദ്ധം കുറിച്ചിരിക്കുകയാണ് സിപിഎം. പുതുപ്പള്ളി തിരഞ്ഞെടുപ്പിന്റെ ചര്‍ച്ച വന്ന സമയത്് തന്നെ കോണ്‍ഗ്രസ് നേതാക്കള്‍ പറഞ്ഞിരുന്നു എല്‍ഡിഎഫ് മത്സരിക്കാന്‍ ആളെ നിര്‍ത്തരുതെന്ന്. ഉമ്മന്‍ ചാണ്ടിയോടുള്ള ബഹുമാനം അതോപെല ഉണ്ടാകും പക്ഷെ തിരഞ്ഞെടുപ്പിന് സ്ഥാനാര്‍ത്ഥിയെ നിര്‍ത്തുമെന്ന് സിപിഎം നേതാക്കള്‍ മറുപടി കൊടുത്തത്. ഉമ്മന്‍ ചാണ്ടിയെ അപമാനിച്ച് കൊണ്ടുള്ള അനിലിന്റെ കത്ത് പുറത്ത് വന്നതോടെ പോര് മുറുകി കഴിഞ്ഞു. സൈബര്‍ ഗ്രൂപ്പുകള്‍ തമ്മിലടി തുടങ്ങി കഴിഞ്ഞു.