സംസ്ഥാനത്താകെ സഞ്ചരിച്ചുകൊണ്ട് തൊഴിലാളി വര്ഗ്ഗ പ്രസ്ഥാനം കെട്ടിപ്പടുത്ത സഖാവ് പി കൃഷ്ണപിള്ള ഓര്മ്മ തലമുറകളെ സമരസജ്ജമാക്കിയ ഊര്ജ്ജപ്രവാഹമാണെന്ന് മുഖ്യമന്ത്രി പിണറായി വിജയന്....
സംസ്ഥാനത്താകെ സഞ്ചരിച്ചുകൊണ്ട് തൊഴിലാളി വര്ഗ്ഗ പ്രസ്ഥാനം കെട്ടിപ്പടുത്ത സഖാവ് പി കൃഷ്ണപിള്ള ഓര്മ്മ തലമുറകളെ സമരസജ്ജമാക്കിയ ഊര്ജ്ജപ്രവാഹമാണെന്ന് മുഖ്യമന്ത്രി പിണറായി വിജയന്.
കമ്മ്യൂണിസ്റ്റ് പാര്ട്ടിയെ കേരളത്തില് ബഹുജന പിന്തുണയുള്ള വലിയ രാഷ്ട്രീയ ശക്തിയാക്കി മാറ്റുന്നതില് നിസ്തുലമായ പങ്കാണ് സഖാവ് വഹിച്ചിട്ടുള്ളത്. ആധുനിക കേരളം രൂപപ്പെടുത്തുന്നതില് അദ്ദേഹത്തിന്റെ സംഭാവന അവിസ്മരണീയമാണ്. സഖാവിന്റെ ഉജ്ജ്വലമായ ഓര്മ്മ നവകേരളത്തിലേക്കുള്ള നമ്മുടെ പ്രയാണത്തിന് കരുത്തുപകരുമെന്ന് മുഖ്യമന്ത്രി ഫെയ്സ്ബുക്കില് കുറിച്ചു.
ഫെയ്സ്ബുക്ക് കുറിപ്പ് ഇങ്ങനെ....
കേരളത്തിലെ കമ്മ്യൂണിസ്റ്റ് പ്രസ്ഥാനത്തിന്റെ സ്ഥാപക നേതാവും അത്യുജ്ജ്വലനായ സംഘാടകനുമായിരുന്ന സഖാവ് പി കൃഷ്ണപിള്ളയുടെ ഓര്മ്മദിനമാണ് ഇന്ന്. കേരളത്തിലാകെ സഞ്ചരിച്ചുകൊണ്ട് തൊഴിലാളി വര്ഗ്ഗ പ്രസ്ഥാനം കെട്ടിപ്പടുത്ത സഖാവിന്റെ ഓര്മ്മ തലമുറകളെ സമരസജ്ജമാക്കിയ ഊര്ജ്ജപ്രവാഹമാണ്.
ദേശീയസ്വാതന്ത്ര്യ സമരത്തില് സജീവമായി പ്രവര്ത്തിച്ച സഖാവ്, ഉപ്പു സത്യഗ്രഹ കാലത്ത് വടകരയില് നിന്നും പയ്യന്നൂരിലേക്ക് സംഘടിപ്പിച്ച ജാഥയിലൂടെയാണ് പൊതു രാഷ്ട്രീയത്തില് അടയാളപ്പെടുത്തപ്പെട്ടത്. അന്ന് ഉപ്പു കുറുക്കാന് നിയോഗിക്കപ്പെട്ട ഒരു വളണ്ടിയര് സംഘത്തിന്റെ ലീഡര് കൃഷ്ണപിള്ളയായിരുന്നു. ഇന്ത്യന് നാഷണല് കോണ്ഗ്രസ് പ്രവര്ത്തകനായി തുടങ്ങിയ അദ്ദേഹം പിന്നീട് കോണ്ഗ്രസ് സോഷ്യലിസ്റ്റ് പാര്ടി, കമ്മ്യൂണിസ്റ്റ് പാര്ടി എന്നിവയുടെ രൂപീകരണത്തില് നിര്ണ്ണായകവും ചരിത്രപരവുമായ നേതൃത്വം നല്കി.
1937ല് കോഴിക്കോട്ട് രൂപീകരിക്കപ്പെട്ട ആദ്യത്തെ കമ്യൂണിസ്റ്റ് പാര്ടി സെല്ലിന്റെ സെക്രട്ടറിയായി പ്രവര്ത്തിച്ച കൃഷ്ണപിള്ള 1939 ല് പിണറായിയിലെ പാറപ്രത്ത് നടന്ന സമ്മേളനത്തില് കമ്യൂണിസ്റ്റ് പാര്ടിയുടെ കേരളഘടകത്തിന്റെ ആദ്യ സെക്രട്ടറിയായി തെരഞ്ഞെടുക്കപ്പെട്ടു. സഖാവിന്റെ നേതൃത്വത്തില് കോണ്ഗ്രസ് സോഷ്യലിസ്റ്റ് പാര്ടിയുടെ കേരള ഘടകം മുഴുവനായും കമ്മ്യൂണിസ്റ്റ് പാര്ടിയുടെ കേരള ഘടകമായി മാറുകയായിരുന്നു.
ഐതിഹാസികമായ പുന്നപ്ര-വയലാര് സമരത്തിന്റെ പ്രചോദന കേന്ദ്രമായിരുന്നു കൃഷ്ണപിള്ള. സമരത്തിന് മുന്നോടിയായി നടന്ന 1946 സെപ്തംബര് 15 ന്റെ പണിമുടക്കവും ആക്ഷന് കൌണ്സില് രൂപീകരണവും ഒളിവു കാലത്ത് പാര്ട്ടി സെക്രട്ടറി എന്ന നിലയില് സഖാവിന്റെ നേതൃത്വത്തില് എടുത്ത തീരുമാനങ്ങളുടെ ഭാഗമായിരുന്നു. കല്ക്കത്താ തീസിസിനുശേഷം കമ്മ്യൂണിസ്റ്റ് പാര്ടി നിരോധിക്കപ്പെട്ടതിനെ തുടര്ന്നുള്ള ആലപ്പുഴയിലെ ഒളിവുജീവിതത്തിനിടെയാണ്
1948 ആഗസ്റ്റ് 19-ന് സഖാവ് സര്പ്പദംശമേറ്റ് മരണമടയുന്നത്. കമ്മ്യൂണിസ്റ്റ് പാര്ടിയെ കേരളത്തില് ബഹുജന പിന്തുണയുള്ള വലിയ രാഷ്ട്രീയ ശക്തിയാക്കി മാറ്റുന്നതില് നിസ്തുലമായ പങ്കാണ് സഖാവ് കൃഷ്ണപിള്ള വഹിച്ചത്. ആധുനിക കേരളം രൂപപ്പെടുത്തുന്നതില് അദ്ദേഹത്തിന്റെ സംഭാവന അവിസ്മരണീയമാണ്. സഖാവിന്റെ ഉജ്ജ്വലമായ ഓര്മ്മ നവകേരളത്തിലേക്കുള്ള നമ്മുടെ പ്രയാണത്തിന് കരുത്തുപകരും.
"
https://www.facebook.com/Malayalivartha
