കേരളത്തെ സാമ്പത്തികമായി തകര്‍ക്കാനാകില്ല... ട്രഷറിയിലെ നിയന്ത്രണം ഉടന്‍ നീക്കാനാകും...കേന്ദ്രത്തിന്റെ കടുത്ത നിയന്ത്രണത്തിനിടയിലും സംസ്ഥാനത്തെ സാമ്പത്തികസ്ഥിതി മോശമല്ലെന്ന് ധനമന്ത്രി കെ എന്‍ ബാലഗോപാല്‍. ...

സാധാരണക്കാരെ ബാധിക്കാത്തരീതിയില്‍ കാര്യങ്ങള്‍ നിര്‍വഹിക്കാനായി. 2021--2023ല്‍ 53 ശതമാനം സാമ്പത്തിക വളര്‍ച്ചയുണ്ടായി. വര്‍ഷം ശരാശരി 11 മുതല്‍ 12 ശതമാനം വരെ ആയിരുന്നതാണ് 25ല്‍ എത്തിയത്.

ചരിത്രത്തിലെ ഏറ്റവുംവലിയ റവന്യൂ വരുമാനമാണ് ഇത്. ലോട്ടറി ക്ഷേമനിധി തൊഴിലാളികള്‍ക്കും പെന്‍ഷന്‍കാര്‍ക്കുമുള്ള ആനുകൂല്യം തിങ്കളാഴ്ചതന്നെ ലഭിക്കും. തുടര്‍ച്ചയായി അവധി വരുന്നതിനാല്‍ എടിഎമ്മുകളില്‍ ആവശ്യത്തിന് പണം നിറയ്ക്കാന്‍ ബാങ്കുകളോട് ആവശ്യപ്പെട്ടിട്ടുണ്ട്.

ഓണത്തിന് മുന്നോടിയായി ജനങ്ങളിലേക്ക് എത്തിച്ചത് 18,000 കോടി രൂപയാണ്. വിവിധ പെന്‍ഷനുകളും ആനുകൂല്യങ്ങള്‍ക്കും പണം അനുവദിച്ചു. വിപണി ഇടപെടലുകള്‍ക്കുമാത്രം 400 കോടി രൂപ ചെലവഴിച്ചതുമൂലമാണ് വിലക്കയറ്റത്തിന്റെ രൂക്ഷത അനുഭവപ്പെടാത്തത്.