സിപിഎം മാടായി ഏരിയാ സെക്രട്ടറി വി വിനോദ് നിര്യാതനായി. അസുഖബാധിതനായി ചികിത്സയിലായിരുന്നു. ഞായറാഴ്ച രാവിലെ 5 മണിക്കായിരുന്നു അന്ത്യം സംഭവിച്ചത്. ബാലസംഘം കണ്ണൂര്‍ ജില്ലാ പ്രസിഡന്റ്, എസ്എഫ്‌ഐ ജില്ലാ പ്രസിഡന്റ്, ജില്ലാ സെക്രട്ടറി, സംസ്ഥാന സെക്രട്ടേറിയറ്റ് അംഗം, ഡിവൈഎഫ്‌ഐ ജില്ലാ എക്‌സിക്യുട്ടീവ് അംഗം, ബാലസംഘം ജില്ലാ രക്ഷാധികാരി സെക്രട്ടറി, ശിശുക്ഷേമ സമിതി ജില്ലാ സെക്രട്ടറി, എന്നീ നിലകളില്‍ പ്രവര്‍ത്തിച്ചിട്ടുണ്ട്.‌

മാടായിയില്‍ സിപിഎം സംഘടനാ പ്രവര്‍ത്തനം സജീവമാക്കുന്നതില്‍ നിര്‍ണായക പങ്കുവഹിച്ചിരുന്നു. മാടായി പഞ്ചായത്ത് അംഗമായും പ്രവര്‍ത്തിച്ചു. 2000 മുതല്‍ 14 വര്‍ഷക്കാലം സിപിഎം മാടായി ലോക്കല്‍ സെക്രട്ടറി ആയും കുറച്ച് കാലം സിപിഎം കുഞ്ഞിമംഗലം നോര്‍ത്ത് ലോക്കല്‍ സെക്രട്ടറിയായും ചുമതല നിര്‍വഹിച്ചിട്ടുണ്ട്.