തിരുവോണ പൂജകള്ക്കായി ശബരിമല നട ഇന്ന് തുറക്കും.... വൈകുന്നേരം 5ന് തന്ത്രി കണ്ഠരര് മഹേഷ് മോഹനരുടെ സാന്നിദ്ധ്യത്തില് മേല്ശാന്തി കെ.ജയരാമന് നമ്പൂതിരി നട തുറന്ന് ശ്രീലകത്ത് ദീപം തെളിക്കും
27 AUGUST 2023 10:29 AM IST
മലയാളി വാര്ത്ത
തിരുവോണ പൂജകള്ക്കായി ശബരിമല നട ഇന്ന് തുറക്കും. വൈകുന്നേരം 5ന് തന്ത്രി കണ്ഠരര് മഹേഷ് മോഹനരുടെ സാന്നിദ്ധ്യത്തില് മേല്ശാന്തി കെ.ജയരാമന് നമ്പൂതിരി നട തുറന്ന് ശ്രീലകത്ത് ദീപം തെളിക്കും.
തുടര്ന്ന് മേല്ശാന്തി പതിനെട്ടാംപടിയിറങ്ങി താഴെ തിരുമുറ്റത്തെ ഹോമകുണ്ഡത്തില് അഗ്നി തെളിക്കും. ഇതിനുശേഷം മാത്രമേ ഭക്തരെ പതിനെട്ടാംപടി കയറാന് അനുവദിക്കുകയുള്ളൂ.
ഓണനാളുകളില് പതിവ് പൂജകള്ക്കും വിശേഷാല് പൂജകള്ക്കും പുറമെ ഉത്രാടം മുതല് ചതയം വരെ ഓണസദ്യ ഉണ്ടാകും. ഉത്രാട നാളില് മേല്ശാന്തി കെ. ജയരാമന് നമ്പൂതിരി, തിരുവോണത്തിന് ദേവസ്വം ജീവനക്കാര്, അവിട്ടം നാളില് സന്നിധാനം പൊലീസ്, ചതയ ദിനത്തില് ഒരു ഭക്തന് എന്നിവരുടെ വഴിപാടാണ് ഓണസദ്യ .
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
